ທຄຕລ ຊີ້ແຈງເຫດໃຫ້ພະນັກງານລາພັກ ກວດຫາເຊື້ອໂຄວິດ-19

ທຄຕລ ຊີ້ແຈງເຫດໃຫ້ພະນັກງານລາພັກ ກວດຫາເຊື້ອໂຄວິດ-19

6th March 2020 0 By Education

ກ່ອນໜ້ານີ້ບໍ່ດົນເທົ່າໃດເກິີດມີການແຊພາບເອກະສານແຈ້ງການຂອງທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ກ່ຽວກັບການໃຫ້ພະນັກງານໃນອົງກອນລາພັກຕິດຕາມອາການຫາເຊື້ອພະຍາດໂຄວິດ-19 ເຊິ່ງເຮັດໃຫ້ສັງຄົມເກີດຄວາມມຶນງົງ ແລະ ສົງໄສວ່າພະຍາດດັ່ງກ່າວໄດ້ເຂົ້າມາສູ່ລາວເຮົາແລ້ວແທ້ ຫຼື ບໍ່, ຫຼ້າສຸດ ທຄຕລ ໄດ້ອອກແຈ້ງການກ່ຽວກັບປະເດັນນີ້ແລ້ວ.

ອີງຕາມແຈ້ງການ ຂອງ ທຄຕລ ສະບັບເລກທີ 053/ທຄຕລ 2020 ລົງວັນທີ 6 ມີນາ 2020 ໃຫ້ຮູ້ວ່າ: ປັດຈຸບັນພະນັກງານຂອງ ທຄຕລ ທີ່ໄດ້ລາພັກເຝົ້າລະວັງ ແລະ ຕິດຕາມອາການ ໄດ້ຜ່ານການກວດເຊື້ອພະຍາດຈຸລະໂລກສາຍພັນໃໝ່ແລ້ວ ເຊິ່ງຜົນປາກົດວ່າຜູ້ກ່ຽວບໍ່ນອນຜູ້ໃນຜູ້ຕິດເຊື້ອພະຍາດດັ່ງກ່າວ ແຕ່ ທຄຕລ ມີຄວາມຈໍາເປັນຕ້ອງໃຫ້ພວກກ່ຽວສືບຕໍ່ລາພັກຕິດຕາມອາການຈົນຄົບ 14ວັນ ເພື່ອປະຕິບັດຕາມຄໍາແນະນໍາຂອງຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງເຊື້ອພະຍາດນີ້.

ພາບປະກອບຂ່າວເທົ່ານັ້ນ

ແນວໃດກໍ່ຕາມ, ຝາກເຖິງທຸກຄົນໃນສັງຄົມ ໃຫ້ມີສະຕິລະວັງຕົວຊ່ວຍກັນ ຫາກຕົນເອງ, ຄົນໃນຄອບຕົວ ຫຼື ຄົນອອ້ອມຂ້າງມີອາການທີ່ຄ້າຍຄື ຫຼື ສົງໄສ ຕ້ອງຮີບຟ້າວໄປກວດຫາເຊື້ອຢູ່ໂຮງໝໍໂດຍດ່ວນ ທັງນີ້ກໍ່ເພື່ອເປັນການປ້ອງກັນຕົນເອງ ແລະ ບໍ່ເປັນການແຜ່ກະຈາຍເຊື້ອໃຫ້ແກ່ຄົນອື່ນ ແລະ ຕ້ອງຕິດຕາມຂ່າວສານ ຊອກຮູ້ວິທີການປ້ອງກັນຕົນເອງຢູ່ສະເໝີ.