ຊິສົງສານຍິງຫຼືຊາຍດີ! ໜຸ່ມສາລະພາບຮັກຕາມຕື້ສາວມາ 5ປີ ແຕ່ສາວອ້ອນວອນຂໍໃຫ້ພໍສາ ບໍ່ຮັກກໍ່ຄືບໍ່ຮັກ

ຊິສົງສານຍິງຫຼືຊາຍດີ! ໜຸ່ມສາລະພາບຮັກຕາມຕື້ສາວມາ 5ປີ ແຕ່ສາວອ້ອນວອນຂໍໃຫ້ພໍສາ ບໍ່ຮັກກໍ່ຄືບໍ່ຮັກ

24th November 2021 0 By Entertain

ເມື່ອວັນທີ 19 ພະຈິກ 2021 ທີ່ຜ່ານມາ ເວັບໄຊ້ແອັບເປີ້ນເດລິ ເຜີຍເລື່ອງລາວຂອງຊາຍໜຸ່ມຜູ້ຄັ່ງຮັກລາຍໜຶ່ງ ໃນມົນທົນ ອານຮຸຍ ປະເທດຈີນ ເຂົົາມຸ່ງໝັ້ນຮັກສາວພຽງຄົນດຽວ ມາດົນເຖິງ 5ປີ ແຕ່ບັນຫາຄິດຢູ່ທີ່ຝ່າຍຍິງບໍ່ໄດ້ມັກເລີຍ ນາງປະຕິດສກ ແລະ ບໍ່ຍອມຮັບຮັກຈາກເຂົາຕະຫຼອດມາ.

ແຕ່ວ່າຝ່າຍຊາຍໜຸ່ມກໍ່ບໍ່ເຄີຍຍອມແພ້ ຕັ້ງໃຈໃຊ້ຄວາມພະຍາຍາມ ແລະ ອົດທົນ ສາລະພາບຮັກນາງມາເລື້ອຍໆ ຈົນກະທັ້ງເມື່ອບໍ່ດົນມານີ້ ຍິງສາວເອງທີ່ເປັນຝ່າຍໝົດຄວາມອົດທົນ ຈົນເຖິງຂັ້ນສະຕິແຕກລະເບີດອາລົມຄວາມອັດອັ້ນອອກມາຢ່າງເຕັມທີ່ເຖິງຂັ້ນຊຸດລົງໄປນັ່ງຄຸກເຂົ່າ ຍໍມືໄຫວ້ ກ່າວວ່າ ໄດ້ໂປດປ່ອຍໄປເທາະ.

ໂດຍຈາກຄລິບວີດີໂອເຫດການທີ່ມີການເຜີນແຜ່ຢູ່ໃນໂລກອອນລາຍຂອງຈີນ ຈະເຫັນວ່າຝ່າຍຍິງໄຫ້ ນໍມືນົບ ແລະ ໄຫວ້ລົງພື້ນຕໍ່ໜ້າຊາຍໜຸ່ມຢູ່ຫຼາຍຄັ້ງ ພ້ອມທັງໂຍນຊໍ່ດອກໄມ້ຄືນເຂົາ ສ່ວນຝ່າຍຊາຍກໍ່ໄດ້ແຕ່ນັ່ງໜ້າເສົ້າເສຍໃຈ ທ່າມກາງຜູ້ຄົນທີ່ຢູ່ໃນບໍລີເວນດັ່ງກ່າວອ້ອມລ້ອມຈໍານວນຫຼາຍ.

ທັ້ງນີ້ພາຍຫຼັງວີດີໂອດັ່ງກ່າວຖືກເຜີຍແຜ່ອອກໄປ ກໍ່ກາຍເປັນປະເດັນໃຫ້ຊາວເນັດເວົ້າເຖິງຈໍານວນຫຼາຍ ພ້ອມສະແດງຄວາມຄິດເຫັນໄປຕ່າງໆນາໆ ຕາມມຸມມອງຄວາມຄິດຂອງໃຜລາວ ເຊິ່ງກໍ່ມີທັງເຫັນໃຈຝ່າຍຍິງ ແລະ ເຫັນໃຈຝ່າຍຊາຍໄປພ້ອມໆກັນ.