Xiaomi ເປີດໂຕ Laser Projector ຮອງຮັບ 8K ສາຍພາບໄດ້ສູງສຸດ 150 ນິ້ວ ລາຄາ 2 ໝື່ນກວ່າບາດ

Xiaomi ເປີດໂຕ Laser Projector ຮອງຮັບ 8K ສາຍພາບໄດ້ສູງສຸດ 150 ນິ້ວ ລາຄາ 2 ໝື່ນກວ່າບາດ

23rd December 2019 0 By Entertain

Xiaomi ຍັກໃຫຍ່ດ້ານສະມາດໂຟນ ແລະ Gadget ຈາກປະເທດຈີນ ໄດ້ເປີດໂຕ Laser Projector ຫຼ້າສຸດໃນຊື່ Mijia Laser Projector ໂດຍເຄື່ອງສາຍເຄື່ອງໂນີ້ ສາມາດຮອງຮັບຂະໜາດສາຍພາບໄດ້ໃຫຍ່ສູງສຸດເຖິງ 150 ນິ້ວ ອັດຕາສ່ວນ 1.2:1 ແລະ ໄລຍະສາຍປະມານ 3.9 ເມດ, ຄວາມສະຫວ່າງສູງສຸດທີ່ 2,400 ANSI lumens

ເຊິ່ງເຮັດໃຫ້ຄົນໃຊ້ງານນບໍ່ຈໍາເປັນຕ້ອງໃຊ້ພຽງໃນຫ້ອງທີ່ຄວບຄຸມແສງເທົ່ານັ້ນ ຍັງສາມາດນໍາໄປໃຊ້ງານໃນຫ້ອງທີ່ມີແສງສະຫວ່າງກໍໄດ້ຄືກັນ Mijia Laser Projector ຍັງຮອງຮັບເທັກໂນໂລຍີ ALPD 3.0 ທີ່ຈະຊ່ວຍໃຫ້ພາບທີ່ໄດ້ນັ້ນ ມີຄວາມເປັນທໍາມະຊາດ ແລະ ສີສັນສົດໃສ ໂຕ Mijia Laser Projector ຍັງສາມາດປັບປ່ຽນ Keystone ໄດ້ເຖິງ 4 ທິດທາງ ເພື່ອຕອບຮັບການສາຍໃນສະຖານທີ່ຕ່າງໆ.

ທັງນີ້ໂຕເຄື່ອງຍັງມີໄມໂຄໂຟນສໍາລັບຕັດສຽງລົບກວນເພື່ອໃຊ້ການສັ່ງງານດ້ວຍສຽງໄດ້ນໍາ ນອກຈາກນີ້ໂຕໂປເຈັກເຕີ ຍັງມີລະບົບສະມາດທີວີຕິດຕັ້ງໄວ້ອີກ ໂດຍໃຊ້ຊິບປະມວນຜົນ Amlogic T972 ທີ່ວ່ຶອງໄວກວ່າເຖິງ 63% ແລະ ປະຢັດພະລັງງານລົງ 55%

ນອກນັ້ນໂປເຈັກດໍເຕີລຸ້ນນີ້ຍັງຮອງຮັບການຖອດລະຫັດໄຟລ໌ຄວາມລະອຽດ 8K ໄດ້ເຊັ່ນກັນ ແລະ ຍັງມີຟີເຈີການຕັດແສງອັດຕະໂນມັດເມື່ອມີສິ່ງລົບກວນໜ້າເລນສາຍໄດ້ນໍາ ເທົ່ານັ້ນຍັງບໍ່ພໍ Mijia Laser Projector ຍັງມາພ້ອມກັບລໍາໂພງກໍາລັງຂັບ 10 Watt ຂະໜາດ 1.75 ນິ້ວ ແບບບໍ່ຈໍາເປັນຕ້ອງຕໍ່ລໍາໂພງພາຍນອກເພີ່ມ.

ແລະ ສໍາລັບສາຍເຊື່ອມຕໍ່ຂອງ Mijia Laser Projector ກໍ່ມີມາໃຫ້ຄົບທັງ HDMI, USB, Audio Out, Optical, LAN ໂດຍ Mijia Laser Projector ທາງ Xiaomi ຈະວາງຈໍານ່າຍໃນລາຄາ 5,999 หยวน ເງິນໄທ 25,000 ບາດ ເງິນກີບລາວ ປະມານ 7.500.000 ກີບ.

.

ທີ່ມາ: gizmochina