ສັ່ງຂອງໃນອອນລາຍບາງຄັ້ງຕ້ອງທຳໃຈ ໄດ້ເຄື່ອງມາບໍ່ຕົງປົກ

ສັ່ງຂອງໃນອອນລາຍບາງຄັ້ງຕ້ອງທຳໃຈ ໄດ້ເຄື່ອງມາບໍ່ຕົງປົກ

7th December 2021 0 By Education

ເວົ້າໄດ້ວ່າຊ້ວງໂຄວິດລະບາດນີ້ເປັນໄລຍະພິກຜັນຂອງທຸລະກິດເລີຍກໍ່ວ່າໄດ້ ເຊິ່ງກ່ອນໜ້ານັ້ນກໍມີຂາຍອອນລາຍແດ່ແລ້ວແຕ່ບໍທັນມາແຮງຄືຕອນທີ່ໂຄວິດລະບາດ ໃຜໆກໍບໍຢາກອອກຈາກເຮືອນເພາະຢ້ານໂຄວິດ ບາງຄັ້ງສັ່ງອອນລາຍເຖິງຈະບວກນັ້ນນີ້ແພງໄປໜ້ອຍໜຶ່ງຈາກລົງຕະຫຼາດແຕ່ແລກກັບການຕ້ອງໄປສ່ຽງຄົນຈຳນວນຫຼາຍກວ່າເລືອກທີ່ຈະຊື້ຜ່ານອອນລາຍບໍ່ບໍວ່າເຄື່ອງນຸ່ງຫຼືແນວກິນ.

ແນ່ນອນການຂາຍອອນລາຍບໍມີໃຜເອົາຮູບຂີ້ລ້າຍໆມາລົງ ກໍ່ບໍຕ່າງຫຍັງກັບຮູບຄົນທີ່ເອົາລົງກັບຕົວຈີງ ຮູບທີ່ລົງນັ້ນເລືອກມາຈາກຢ່າງໜ້ອຍ 10 ຮູບທີ່ມີ ສະນັ້ນ ຍິ່ງເປັນສິນຄ້າກໍ່ຍິ່ງຕ້ອງເອົາໂຕເລີດສຸດມາໂຄ ເພື່ອຍອດຂາຍ.

ຈິ່ງບໍ່ແປກທີ່ບັນດາຜູ້ຊື້ທັງຫຼາຍຫຼາຍຄັ້ງຕ້ອງຜິດຫວັງ ຍ້ອນໄດ້ເຄື່ອງມາບໍ່ຕົງປົກທີ່ເຫັນໃນເຟສ ບາງຢ່າງເປັນເຄື່ອງນຸ່ງທີ່ມັກຢາກໄດ້ມາໃສ່ໄປບ່ອນທີ່ລໍຄອຍມານານ, ບາງເທື່ອເປັນອາຫານການດິນທີ່ແບບວ່າຢາກສຸດໆກວ່າຈະຕັດສິນໃຈສັ່ງ, ບາງເທື່ອກໍ່ເປັນໝາກໄມ້ທີ່ຢາກກິນສຸດໆພໍດີເຫັນກໍສັ່ງເລີຍແບບບໍລັງເລໃຈ ນັ້ນຈິ່ງເປັນທີ່ມາຂອງເລື່ອງນີ້

ໝາກມີ້ບໍອີຫຼີກໍບໍໄດ້ກິນຮອບປີພຸ້ນແລຈັ່ງຊິໄດ້ກິນເພາະປີໜຶ່ງໆບໍໄດ້ເປັນຫຼາຍລະດູ ແມ່ຄ້າບອກວ່າ ໝາກມີ້ນ້ຳເຜິ້ງຫວານໆຫອມກອບ ປອກໃໝ່ໆຮັບປະກັນຄວາມເເຊບ ໃຜບໍ່ໄດ້ກິນປີນິພາດເເນ່ນອນ ລູກຄ້າກໍ່ບໍ່ລໍຊ້າຮີບສັ່ງມາໜຶ່ງໜ່ວປະມານ 4 ໂລ ຫວັງວ່າຊິໄດ້ກິນໃຫ້ໜຳໃຈໄປເລີຍ ແຕ່ກໍ່ຕ້ອງຜິດຫວັງເມື່ອຜ່າອອກມາແລ້ວເປັນໃນສະພາບນີ້.

ແມ່ຄ້ສບອກວ່າເຖິງລາຄາະຂ້ອນຂ້າງສູງ ແຕ່ຄົນບໍ່ຄິດເສຍດາຍເງິນພຽງແຕ່ເສຍດາຍຄວາມຮູ້ສຶກທີ່ໄດ້ສິນຄ້າມາບໍ່ຕົງປົກ ແຖມບໍລິການຫຼັງການຂາຍບໍຄ່ອຍດີປານໃດ.

ແນວໃດກໍ່ຕາມເລື່ອງນີ້ບໍ່ໄດ້ຜິດນຳໃຜຄົນໃດ ເພາະແມ່ຄ້າເອງກໍ່ບໍສາມາດສ່ອງເຫັນທາງໃນວ່າເປັນແນວໃດ ສ່ວນລູກຄ້າກໍ່ຄາດຫວັງໄປຫຼາຍກວ່າທີ່ເຫັນຕົວຈິງ ເອົາເປັນວ່າການສັ່ງເຄື່ອງອອນລາຍຫຼາຍຄັ້ງກໍ່ຕ້ອງທຳໃຈນໍທຸກຄົນ.