ແບບຢ່າງໃຫ້ກັບຫຼາຍຄົນ, ຈັດງານໃຫຍ່ທ່າມກາງຄວາມສ່ຽງຕ້ອງປ້ອງກັນໄວ້ກ່ອນ

ແບບຢ່າງໃຫ້ກັບຫຼາຍຄົນ, ຈັດງານໃຫຍ່ທ່າມກາງຄວາມສ່ຽງຕ້ອງປ້ອງກັນໄວ້ກ່ອນ

7th March 2020 0 By Education

ປະຕິບັດຕາມແຈ້ງການຂອງລັດຖະບານ ເມື່ອຄວາມສ່ຽງໄພມີແຕ່ງານຕ້ອງເດີນ, ທາງອອກທີ່ດີຄືການຄັດກອງຄົນເຂົ້າງານຢ່າງຖືກວິທີ ມີໝໍພ້ອມອຸປະກອນເຮັດທຸກຂັ້ນຕອນຕາມແບບທາງການ ອຸ່ນໃຈຄົນມາງານ ສະບາຍໃຈຕໍ່ເຈົ້າພາບ ທີ່ສຳຄັນຊ່ວຍພາກລັດກວດຄັດຄົນໄປໃນຕົວ.

ດັ່ງງານດອງໜຶ່ງທີ່ຈັດຂຶ້ນຢູ່ໄອເຕັກໃນຄືນວັນທີ 6 ມີນາ 2020 ເຈົ້າພາບເພິ່ນຫາທີມແພດໝໍມາໂດຍສະເພາະ ພ້ອມອຸປະກອນການແພດຄົບຊຸດ ໂດຍສະເພາະເຄື່ອງວັດອຸນຫະພູມຮ່າງກາຍ, ເຈວລ້າງມື ເພື່ອຂ້າເຊື້ອ ຫາກກວດພົບແຂກມີອຸນຫະພູມສູງເກີນ 38 ອົງສາຄືສົ່ງໃຫ້ໂຮງໝໍເລີຍບໍ່ໃຫ້ເຂົ້າງານ ເພື່ອຄວາມສະບາຍໃຈຂອງແຂກທຸກຄົນທີ່ມາງານມົງຄຸນສົມລົດ.

ຖືເປັບແບບຢ່າງໃນການປ້ອງກັນການລະບາດຂອງພະຍາດ COVID-19 ເຈົ້າພາບເພິ່ນໂພສຂໍ້ຄວາມສັ້ນໆວ່າ: ເມື່ອງານດອງກະຕ້ອງມີ, ງານປ້ອງກັນກະຕ້ອງມາ ເພື່ອຄວາມປອດໄພຂ້າເຊື້ອກ່ອນເຂົ້າງານ, ໝັ້ນໃຈໄດ້ດ້ວຍທີມງານແພດໝໍຈາກ ໂຮງໝໍເສດຖາ ລົງພື້ນທີ່ເອງເລີຍ ພ້ອມເຈວຂ້າເຊື້ອວາງທຸກຈຸດສຳຄັນ.

ຖ້າວັດໄຂ້ກວດພົບ 38 ອົງສາ ສົ່ງໂຕກັບບ້ານ ຫຼື ຖ້າມີອາການໃກ້ຄຽງ ຕີລົດໂຮງໝໍມາຮັບເລີຍ (ບໍ່ໃຫ້ເຂົ້າງານເດັດຂາດ).