ໃຈກ້າ ຝາກຢາຕັ້ງ 12 ແພັກນຳບໍລິສັດຂົນສົ່ງປານຂາຍເສື້ອຜ້າ

ໃຈກ້າ ຝາກຢາຕັ້ງ 12 ແພັກນຳບໍລິສັດຂົນສົ່ງປານຂາຍເສື້ອຜ້າ

21st December 2021 0 By Education

ທຸກວັນນີ້ມີບໍລິສັດຂົນສົ່ງ ປະຊາຊົນລາວກໍສະດວກຈະສົ່ງຫຍັງບໍຈຳເປັນລໍຖ້າລົດເມປະຈຳທາງອີກ ແລ່ນໄປຂົນສົ່ງກໍຈົບເລື່ອງ ຈະຝາກໄປຫຼືຮັບສິນຄ້າກໍ່ຍ່ອມມີຄວາມສະດວກຫຼາຍພໍສົມຄວນ ຈົນເຮັດໃຫ້ຜູ້ຄ້າຂາຍເຖື່ອນສວຍໂອກາດນຳໃຊ້ຊ່ອງທາງຂົນສົ່ງນັ້ນມາສົ່ງຢານະລົກໃຫ້ປາຍທາງແບບໜ້າຕາເສີຍ ໄຄແຕ່ໄປບໍ່ລອດບໍ່ຮອດເປົ້າໝາຍປາຍທາງແຕ່ຈັບໄດ້ກ່ອນ.

ໃນວັນທີ 17 ທັນວາ 2021 ເຈົ້າຫນ້າທີ່ ປກສ ເມືອງພິນ ແຂວງສະຫວັນນະເຂດ ໄດ້ສືບຮູ້ຈະມີການຮັບເອົາຢານໍາບໍລິສັດ ມີໄຊຂົນສົ່ງດ່ວນ ທີ່ສາຂາເຊທ່າມວກ ບ້ານຊະນະມິໄຊ ເມືອງພິນ. ພາຍຫລັງສຶບຮູ້ ເຈົ້າຫນ້າທີ່ກໍໄດ້ຕິດຕາມເປົ້າຫມາຍຢ່າງບໍ່ຂາດສາຍຕາ, ມາຮອດເວລາ 10:00 ໂມງ ຂອງວັນດຽວກັນ ຈຶ່ງໄດ້ພົບເຫັນເປົ້າຫມາຍຖືກສົງໄສ ຂີ່ລົດຈັກບໍ່ມີຫມາຍເລກທະບຽນມາຮອດ ແລະ ກໍຈອດລົດຍ່າງເຂົ້າໄປບໍລິສັດ ມີໄຊຂົນສົ່ງດ່ວນ ສາຂາເຊທ່າມວກ ເປັນໄປຕາມການແຈ້ງບໍ່ແສ, ຜູ້ຖືກສົງໄສໄດ້ຍື່ນນໃບບິນຮັບເຄື່ອງ ໃຫ້ພະນັກງານ; ຈາກນັ້ນ, ພະນັກງານ ກໍເອົາແກັດມາໃຫ້ 1 ແກັດ, ເປັນແກັດສີນໍ້າຕານຂະຫນາດ 40×60 ຊັງຕີແມັດ.


ຫລັງຈາກເປົ້າຫມາຍຮັບເອົາເຄື່ອງແລ້ວ ເຈົ້າຫນ້າທີ່ ທີ່ຕິດຕາມຢູ່ນັ້ນ ກໍໄດ້ສະແດງຕົວ ຂໍກວດກາແກັດດັ່ງກ່າວ ເປີດເບິ່ງພົບເຫັນຢາບັນຈຸໃນແກັດ ຈຳນວນ 12 ແພັກ, ມີ 36 ມັດ ເທົ່າກັບ 72.000 ເມັດ, ຈຶ່ງໄດ້ຈັບ ທ້າວ ລຳໄພ ອາຍຸ 30 ປີ, ບ້ານນາທອງໃຕ້ ເມືອງຊົນນະບູລີ ແຂວງສະຫວັນນະເຂດ, ນຳຕົວມາສອບຂະຫຍາຍຜົນ ຜູ້ກ່ຽວໄດ້ຊັດທອດເຖິງເຈົ້າຂອງ.


ຕົກມາຮອດວັນທີ 18 ທັນວາ 2021 ເວລາ 8:00 ໂມງ ເຈົ້າຫນ້າທີ່ ນຳຈັບ ທ້າວ ສີທົນ ຫລື ຕົ້ນ ອາຍຸ 31 ປີ, ບ້ານນາທອງໃຕ້ ເຈົ້າຂອງຢາ ໄດ້ທີ່ບ້ານແກ້ງກີ ເມືອງເຊໂປນ; ເຊິ່ງຜູ້ກ່ຽວສາລະພາບເປັນ
ຢາຂອງຕົນແທ້.
ໝາຍເຫດ: ບໍລິສັດຂົນສົ່ງດັ່ງກ່າວ ບໍ່ໄດ້ມີສ່ວນກ່ຽວຂ້ອງໃດໆຕໍ່ການກະທຳຄັ້ງນີ້.
ທີ່ມາ: ຄວາມສະຫງົບ