ໝາກໍ່ບໍ່ລອດ! ຮ່ອງກົງຢືນຢັນ ໝາຕິດເຊື້ອໂຄວິດ-19 ຈາກເຈົ້າຂອງຜູ້ລ້ຽງ

ໝາກໍ່ບໍ່ລອດ! ຮ່ອງກົງຢືນຢັນ ໝາຕິດເຊື້ອໂຄວິດ-19 ຈາກເຈົ້າຂອງຜູ້ລ້ຽງ

7th March 2020 0 By Education

ຮ່ອງກົງຢືນຢັນຜົນກວດໝາຕິດເຊື້ອໂຄວິດ-19ຈາກເຈົ້າຂອງ ຫຼັງເຈົ້າໜ້າທີ່ຫວດພົບເຊື້ອອ່ອນໃນຮ່າງກາຍ ຖືເປັນກໍລະນີທໍາອິດທີ່ພົບຈາກຄົນສູ່ສັດ.

ສໍານັກຂ່າວ South mornong post  ລາຍງານ ໃນວັນທີ 4 ມີນາ 2020 ທີ່ຜ່ານມາ ວ່າ: ເຈົ້!າໜ້າທີ່ສາທາລະນະສຸກຮ່ອງກົງ ຢືນຢັນຜົນກວດໝາໂຕໜຶ່ງເປັນໂລກໂຄວິດ-19 ໂດຍຕິດເຊື້ອມາຈາກເຈົ້າຂອງ ເຊິ່ງປ່ວຍເປັນພະຍາດດັ່ງກ່າວຢູ່ ແລະ ຖືກສົ່ງຕົວໄປຮັກສາແລ້ວ.

ຈາກການກວດກ່ອນໜ້າທີ່ເຈົ້າໜ້າທີ່ພຽງສັນນິຖານວ່າເປັນການປົນເປື້ອນເຊື້ອລະຫວ່າງທີ່ຢູ່ກັບເຈົ້າຂອງ ແຕ່ຈາກການກວດຢືນຢັນຄັ້ງຫຼ້າສຸດ ເຮັດໃຫ້ທີມຜູ້ຊ່ຽວຊານລົງຄວາມເຫັນກົງກັນວ່າ ໝາໂຕນີ້ໄດ້ຕິດເຊື້ອໂຄວິດ-19 ແລະ ຄາດວ່າເປັນການຕິດມາຈາກເຈົ້າຂອງ ແລະ ຖືເປັນໝາໂຕທໍາອິດຂອງໂລກທີ່ພົບການລະບາດຂອງເຊື້ອພະຍາດດັ່ງກ່າວຈາກມະນຸດສູ່ສັດ.

ແນວໃດກໍ່ຕາມ ຍັງບໍ່ມີຫຼັກຖານທີ່ແນ່ນອນວ່າ ການຕິດໂລກຂອງສັດລ້ຽງເປັນຕົ້ນແມ່ນໝາ ຈະເຮນັດໃຫ້ເກີດການແຜ່ເຊື້ອກັບມາສູ່ຄົນຫຼື ບໍ່. ຂະນະດຽວກັນ ເຈົ້າໜ້າທີ່ຍັງແນະນໍາອີກວ່າ ເຈົ້າຂອງສັດລ້ຽງບໍ່ຕ້ອງກັງວົນ ເພາະການດູແລໃຫ້ຖືກຕາມສຸຂະອະນາໄມ ຈະຊ່ວຍໃຫ້ບໍ່ເກີດການຕິດເຊື້ອໄດ້ ແລະ ຢ່າຕື່ນຕົກໃຈ ຫຼື ກັງວົນຈົນຖິ້ມສັດລ້ຽງຂອງຕົນເອງ.

ທີ່ມາ: ໄທລັດທີວີ