ອີກລະຜູ້ຫຼົງລະເມີກັບເງີນ 800 ລ້ານເສຍຟຣີໆໃຫ້ພວກຕົ້ມຕຸນ

ອີກລະຜູ້ຫຼົງລະເມີກັບເງີນ 800 ລ້ານເສຍຟຣີໆໃຫ້ພວກຕົ້ມຕຸນ

23rd January 2022 0 By Education

ມາແຮງແຊງໂຄ້ງໄປກວ່າທຸກເລື່ອງຄື ການລວຍທາງລັດຖືກຫວຍນັ້ນເອງ ໃຜກໍຢ່າໃຫ້ຖືກຄີວໂຕເອງຈັກບາດແດ່ແມ່ ໂດຍສະເພາະລາງວັນ 400 ລ້ານ 800 ລ້ານ ແບບວ່າຖືກບາດດຽວໃຫ້ຊີວິດປ່ຽນຈາກໜ້າມືເປັນຫຼັງມືໃນຊົ່ວຂ້າມຄືນດຽວ.

ຈາກຂ່າວຄາວເລື່ອງຖຶກຫວຍລາງວັນໃຫຍ່ໂຕ ເຮັດໃຫ້ຫຼາຍຄົນໃຈຂຶ້ນຢາກໃຫ້ຮອດຄີວໂຕເອງໄວໆ ແລະນັ້ນກໍເປັນໂອກາດໃຫ້ພວກມິສາຊີບແຝງຕົວເຂົ້າມາດູດເງິນໃນບັນຊີໄດ້ແສນງ່າຍດ້ວຍການມອບຕົວເລກໂຊກດີ 6 ໂຕໃຫ້.

ການມາຂອງພວກຜີດູດເງິນໃນອອນລາຍ ເພື່ອມອບເລກ 6 ໂຕໃຫ້ຜູ້ຢາກອອກຈາກຄວາມທຸກນັ້ນມີຫຼາຍລາຍແລ້ວສູນເງິນໄປ 6-7 ລ້ານໃນພິບຕາດຽວ ແຕ່ບໍໄດ້ຫຍັງກັບມານອກຈາກ 6 ໂຕເລກເປົ່າທີ່ຢູ່ໃນໂທລະສັບ ແລະຄວາມເຈັບແຄ້ນແໜ້ນໃຈ.

ຄືລາຍນີ້ບອກວ່າ ໃຜກໍ່ໄດ້ຊ່ວຍຂ້ອຍແດ່ຂ້ອຍຖືກມັກຫາອັນນີ້ມາຕົ້ມຂ້ອຍໃຫ້ຂ້ອຍໂອນເງີນ7ລ້ານໃຫ້ມັນແລ້ວມັນບອກໃຫ້ເລກກັບຂ້ອຍ6ໂຕແຕ່ມັນຕົວະຂ້ອຍຖ້າໃຫ້ຫາຄົນນີໄດ້ມາໃຫ້ຂ້ອຍຈະເອົາເງີນໃຫ້1ລ້ານກີບ ຊ່ວຍປະຈານຊ່ວຍຂ້ອຍແດ່ຂ້ອຍທຸກຍາກແຮງຍາກໄດ້ເງີນມາຊ່ວຍຄອບຄົວຂ້ອຍຈຶ່ງລົງທຶນບັດສຸດທ້າຍມັນຕົວະກູ!

ຢ່າລືມວ່າໃນໂລກນີ້ບໍມີຫຍັງໄດ້ມາງ່າຍໆ ຖ້າສິ່ງໃດງ່າຍບໍມີໃຜບອກເຮົາດອກແມ່ນແຕ່ຍາດພີ່ນ້ອງຍັງເປີດເຜີຍບໍໄດ້ ສະນັ້ນຢ່າຫວັງລວຍທາງລັດ ທາງລັດມັນບໍມີອີຫຼີ ທຸກຢ່າງຈະໄດ້ມາຕ້ອງແລກດ້ວຍຢາດເຫື່ອ ແຮງງານ ແລະມັນສະໝອງ.