ຜູ້ນຳສູງສຸດຂອງຈີນ ເດີນທາງຢ້ຽມຢາມພະນັກງານ ແລະປະຊາຊົນຜູ້ຢູ່ຮາກຖານກ່ອນປີໃໝ່

ຜູ້ນຳສູງສຸດຂອງຈີນ ເດີນທາງຢ້ຽມຢາມພະນັກງານ ແລະປະຊາຊົນຜູ້ຢູ່ຮາກຖານກ່ອນປີໃໝ່

27th January 2022 0 By Education

ສຳລັບປະຊາຊົນຈີນແລ້ວ ປີໃໝ່ເປັນວັນເວລາທີ່ຄອງຄອຍກັນທີ່ສຸດ ເປັນຊ່ວງເວລາພັກຍາວ ໃຫ້ພໍ່ແມ່ລູກຫຼານທີ່ຈາກບ້ານເຮືອນໄປເຮັດວຽກຢູ່ໄກໄດ້ກັບບ້ານໄປພົບປະອົບອຸ່ນຄອບຄົວ ແລະໂອກາດດີທີ່ປີໜຶ່ງມີຄັ້ງດຽວນີ້ແມ່ນວັນເວລາພິເສດສຸດທີ່ຜູ້ນຳຈີນມັກຈະໄປຢ້ຽມຢາມໃຫ້ກຳລັງໃຈປະຊາຊົນຮອດຢ້າວຮອດເຮືອນເກືອບທຸກປີ.

ຕາມຂ່າວຫຼ້າສຸດໃນໄລຍະບຸນກຸດຈີນ, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ເດີນທາງໄປສຳຫຼວດກວດກາວຽກງານຢູ່ຂັ້ນຮາກຖານຂອງແຂວງສ່ານຊີ່. ໃນຕອນບ່າຍວັນທີ 26 ມັງກອນນີ້, ທ່ານສີຈິ້ນຜິງໄດ້ເດີນທາງໄປບ້ານເຟີງນານຢວນນະຄອນໂຮ້ໂຈ່, ແລະບ້ານຕ້ວນຸຊ່ນ ເມືອງເຟີນຊີ່.

ທ່ານໄດ້ໄປຢ້ຽມຢາມເຮືອນຊາວບ້ານ, ຮັບຮູ້ສະພາບການສ້າງສາຄືນໃໝ່ຫຼັງໄພທຳມະຊາດ, ການປູກຝັງກະສິກຳເພີ່ມໃນລະດູໃບໄມ້ຫຼົ່ນ ແລະ ລະດູໜາວ, ການຮັບປະກັນໃຫ້ປະຊາຊົນສາມາດຜ່ານລະດູໜາວໄດ້ຢ່າງປອດໄພ ແລະ ອົບອຸ່ນ, ການປັບປຸງ ແລະ ເສີມຂະຫຍາຍໝາກຜົນຂອງການລົບລ້າງຄວາມທຸກຍາກ, ການຊຸກຍູ້ການພັດທະນາຊົນນະບົດໃຫ້ຈະເລີນຮຸ່ງເຮືອງຢ່າງຕໍ່ເນື່ອງ ແລະ ວຽກງານອື່ນໆ.