2022 ຈະເລີ່ມສົ່ງ 3 ສິນຄ້າຈາກລາວໄປ ສປ ຈີນ, ຕ້ອງການວັດຖຸດິບຈຳນວນຫຼາຍ

2022 ຈະເລີ່ມສົ່ງ 3 ສິນຄ້າຈາກລາວໄປ ສປ ຈີນ, ຕ້ອງການວັດຖຸດິບຈຳນວນຫຼາຍ

1st February 2022 0 By Education

ເສັ້ນທາງລົດໄຟລາວ-ຈີນບໍສະເພາະເປັນໂອກາດໃຫ້ແກ່ການຂົນສົ່ງເທົ່ານັ້ນ ແຕ່ຍັງເປີດສັກກະລາດໃໝ່ໃຫ້ຂະແໜງການຄ້າ, ການລົງທຶນໃຫ້ເຕີບໃຫຍ່ ກ່ຽວພັນໄປຮອດຂະແໜງກະສິກຳອື່ນໆ ນັ້ນກໍ່ຈະສ້າງໂອກາດໃຫ້ປະຊາຊົນລາວໄດ້ມີວຽກເຮັດງານທຳ ມີລາຍຮັບທີ່ເພີ່ມຂຶ້ນຈາກການລົງທຶນຂອງເຫຼົ່ານັກທຸລະກິດ.


ຫຼ້າສຸດໃນວັນທີ 27 ມັງກອນ 2022 ຢູ່ທີ່ໂຮງແຮມແລນມາກ ໄດ້ມີພີທີເຊັນສັນຍາລົງນາມ ຮ່ວມມື ທຸລະກິດໂຄງການສົ່ງສິນຄ້າ ຈາກ ສປປ ລາວ ໄປ ສປ ຈີນ ລະຫວ່າງບໍລິສັດ ເນັກສະຕ໋ອບວິນເລກ (ຫົວເປີຍ) ວາງແຜນ ແລະ ອອກແບບ ຈໍາກັດ (ສປປ ຈີນ. ແລະບໍລິສັດລາວອຸດສາຫະກໍາ – ກະສິກໍາ ຈໍາກັດ, ທີ່ສ້າງຕັ້ງແຕ່ປີ 1995 ຕັ້ງຢູ່ບ້ານເກິນ ເມືອງທຸລະຄົມ ແຂວງ ວຽງຈັນ  ເຊິ່ງຫຼາຍປີຜ່ານມາແມ່ນໄດ້ເປັນຕະຫຼາດຮອງຮັບເກັບຊື້ຜົນຜະລິດຂອງປະຊາຊົນລາວ 100 ເປີເຊັນ ແຫລ່ງຮັບຊື້ວັດຖຸດິບມີ 05 ແຂວງຄື: ແຂວງວຽງຈັນ, ແຂວງບໍລິຄໍາໄຊ, ແຂວງໄຊສົມບຸນ, ແຂວງຊຽງຂວາງ ແລະ ນະຄອນຫຼວງວຽງຈັນ, ເພື່ອນໍາມາຜະລິດປຸງແຕ່ງເປັນສິນຄ້າກະສິກໍາ ສໍາເລັດຮູບຈໍາຫນ່າຍພາຍໃນປະເທດ ແລະ ສົ່ງອອກຕ່າງປະເທດ.

ໂດຍປະຈຸບັນຜະລິດຕະພັນຂອງບໍລິສັດປະກອບມີ 07 ຊະນິດຄື: (ນົມສາລີຫວານບ້ານເກິນ, ໜາກນັດບ້ານເກິນ, ນ້ໍາໝາກພ້າວບ້ານເກິນ, ກະທຽມດອງ, ກະທຽມໂທນ, ໝາກຕາວເຊື່ອມ ແລະ ສາລີຫວານກະປ໋ອງ).


ສິນຄ້າຜະລິດເພື່ອສົ່ງອອກ ປະກອບມີ ສາລີຫວານອັດກະປ໋ອງ: ຜະລິດ ແລະ ສົ່ງອອກປະເທດອັງກິດ ປະລິມານ 5,000 ໂຕນ/ປີ, ໝາກຕາວເຊື່ອມປິດ: ຜະລິດ ແລະ ສົ່ງອອກໄປປະເທດໄທ, ຫວຽດນາມ ແລະ ມາເລເຊຍ ເຊິ່ງມີ ປະລິມານການຜະລິດ 1,200 ໂຕນ/ປີ, ນົມສາລີຫວານ: ສົ່ງໄປຈໍາຫນ່າຍທີ່ປະເທດໄທບາງສ່ວນ.


ສິນຄ້າທີ່ຜະລິດຈໍາຫນ່າຍພາຍໃນມີ ສາລີຫວານກະປ໋ອງ, ໜາກຕາວເຊືອມບັນຈຸປິດ, ບັນຈຸຕຸກ, ຫົວກະທຽມດອງ ບັນຈຸຕຸກ
ກະທຽມໂທນດອງ ບັນຈຸຕຸກ, ນົມສາລີຫວານ ບ້ານເກິນ, ນ້ໍາໜາກນັດບ້ານເກິນ ນ້ໍາໜາກພ້າວ ບ້ານເກິນ.


ໂດຍອິງໃສ່ທ່າແຮງການຂົນສົ່ງສິນຄ້າຈາກລາວໄປ ສປປຈີນ ທີ່ສະດວກຂື້ນກວ່າເກົ່າໂດຍຜ່ານເສັ້ນທາງ ລົດໄຟ ລາວ-ຈີນ ຕາມແນວທາງນະໂຍບາຍຂອງພັກແລະລັດຖະບານທີ່ຕ້ອງການຜັກດັນສິນຄ້າຂອງລາວອອກສູ່ ສາກົນ ກໍ່ຄື ສປປຈີນ ດັ່ງນັ້ນເປັນໂອກາດອັນດີ ທີ່ບໍລິສັດລາວອຸດສາຫະກໍາ-ກະສິກໍາ ຈໍາກັດ ແລະ ບໍລິສັດເນັກສະຕ໋ອບວິນເລກ (ຫົວເປີຍ) ວາງແຜນ ແລະ ອອກແບບ ຈໍາກັດ (ສປປຈີນ) ຈະໄດ້ຮ່ວມມືກັນ ເພື່ອສົ່ງເສີມການ ປູກຝັງ ເກັບຊື້ຜົນຜະລິດຈາກປະຊາຊົນ ມາແປຮູບເປັນສິນຄ້າສໍາເລັດຮູບເພື່ອຈໍາໜ່າຍຢູ່ ສປປຈີນ ໃນເບື້ອງຕົ້ນປີ 2022 ໂດຍອີງໃສ່ວັດຖຸດິບທີ່ມີໃນ ສປປລາວ ເບື້ອງຕົ້ນ ກໍານົດມີ 03 ຜະລິດຕະພັນຄື:


1. ນໍ້າໝາກນັດ ຈໍານວນ 3,000,000 ກະປ່ອງ ວັດຖຸດິບຕ້ອງການນໍາໃຊ້ຜະລິດ 800 ໂຕນ (ມູນຄ່າວັດຖຸດິບ 2 ຕື້ກີບ) ເປັນມູນຄ່າທີ່ປະຊາຊົນໄດ້ຮັບໂດຍກົງ
2. ໝາກຕາວ 300,000 ຕຸກ ວັດຖຸດິບທີ່ຕ້ອງການນໍາໃຊ້ຜະລິດ 400 ໂຕນ (ມູນຄ່າວັດຖຸດິບ 2,4 ຕື້ກີບ)
3. ກະທຽມໂທນ 30,000 ຕຸກ


ໂດຍຈະເລີ່ມລົງມືຜະລິດປີ 2022 ເປັນຕົ້ນໄປ. ໃນອານະຄົດຈະໄດ້ລົງສົ່ງເສີມການປຸກຂອງປະຊາຊົນໃຫ້ ຫລາຍຂື້ນວາງແຜນກໍານົດເຂດການສົ່ງເສີມຊັດເຈນ ສົມທົບກັບກະຊວງທີ່ກ່ຽວຂ້ອງວາງແຜນສົ່ງເສີມໃຫ້ປະຊາຊົນໃຫ້ໄດ້ຮັບຫມາກຜົນທີ່ດີຂື້ນ ເພື່ອໃຫ້ໄດ້ວັດຖຸດິບທີ່ມີຄຸນນະພາບແລະປະລິມານຍິ່ງໆຂື້ນ ຕາມປະລິມານຄວາມຕ້ອງການຂອງຕະຫຼາດໃນອານະຄົດຕໍ່ໄປ.