ເຮືອນງາມໆ ເກືອບ 160 ຫຼັງໄດ້ສ້າງສຳເລັດ ເພື່ອຜູ້ໄດ້ຮັບຜົນກະທົບຈາກທາງລົດໄຟ

ເຮືອນງາມໆ ເກືອບ 160 ຫຼັງໄດ້ສ້າງສຳເລັດ ເພື່ອຜູ້ໄດ້ຮັບຜົນກະທົບຈາກທາງລົດໄຟ

4th February 2022 0 By Education

ເສັ້ນທາງລົດໄຟໄດ້ສ້າງສຳເລັດ ພ້ອມເປີດບໍລິການມວນຊົນເປັນທີຮຽບຮ້ອຍມາເປັນເວລາ 2 ເດືອນພໍດີມື້ນີ້ ແລະ ບ້ານຈັດສັນສຳລັບຜູ້ທີ່ໄດ້ຮັບຜົນກະທົບຈາກໂຄງການກໍ່ກຳລັງສຳເລັດເຊັ່ນດຽວກັນ ຍັງເຫຼືອພຽງບາງສ່ວນ ເຊິ່ງຖືວ່າເປັນຜົນດີທີ່ປະຊາຊົນຈະໄດ້ໄປຢູ່ບ່ອນໃໝ່ກັບເຮືອນຫຼັງໃໝ່ບໍ່ມີໃຜ ຫຼຸດຫຼືລື່ນທຸກຫຼັງຄືກັນໝົດ 159 ຫຼັງຄາ.

ແຫລ່ງຂ່າວ ຈາກແຂວງຫລວງນ້ຳທາ ລາຍງານ ໃຫ້ຮູ້ວ່າ: ໂຄງການຊ່ວຍເຫລືອລ້າ ກໍ່ສ້າງບ້ານຈັດສັນ ທີ່ຖືກຜົນກະທົບຈາກໂຄງການກໍ່ສ້າງເສັ້ນທາງລົດໄຟ ລາວ-ຈີນ ມາເຖິງທ້າຍເດືອນມັງກອນ 2022 ນີ້ ໂຄງການດັ່ງກ່າວ ໄດ້ສຳເລັດການກໍ່ສ້າງອາຄານເຮືອນທັງໝົດ 159 ຫລັງ ສຳເລັດ 100%, ເສັ້ນທາງພາຍນອກ 90%, ເສັ້ນທາງພາຍໃນ 100%, ຫ້ອງການບ້ານ, ສຸກສາລາ, ໂຮງຮຽນອານຸບານ, ໂຮງຮຽນປະຖົມ, ໄຟ ຟ້າ, ນ້ຳປະປາແມ່ນ 100% ລວມສະພາບຄວາມຄືບໜ້າທີ່ສຳເລັດແມ່ນ 96%


ໃນໂອກາດ ທ່ານ ພົນຕີ ວົງສັກ ພັນທະວົງ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 3, ຄະນະປະຈໍາສະພາແຫ່ງຊາດ, ປະທານກໍາມາທິການ ປກຊ-ປກສ ສະພາແຫ່ງຊາດ ພ້ອມຄະນະ ລົງຊຸກຍູ້, ຕິດຕາມກວດກາ ແລະ ເປີດກອງປະຊຸມຮ່ວມ ໂຄງການຊ່ວຍເຫລືອລ້າ ກໍ່ສ້າງບ້ານຈັດສັນທີ່ຖືກຜົນກະທົບຈາກ ໂຄງການກໍ່ສ້າງເສັ້ນທາງລົດໄຟລາວ-ຈີນ ແລະ ດ່ານບໍ່ເຕ່ນແດນງາມ ໃນວັນທີ 29 ມັງກອນ ຜ່ານມາ ໂດຍທ່ານໄດ້ສະແດງຄວາມຍ້ອງຍໍຊົມເຊີຍ ຕໍ່ກັບການຈັດຕັ້ງປະຕິບັດວຽກງານ ເຫັນວ່າໄດ້ຮັບຜົນສຳ ເລັດຫລາຍດ້ານ ໂດຍສະເພາະໂຄງການກໍ່ສ້າງບ້ານຈັດສັນ ສຳເລັດເກືອບ 100%.


ສ່ວນບັນຫາທີ່ພົບຄວາມຫຍຸ້ງຍາກ ຂໍຮຽກຮ້ອງໃຫ້ທຸກພາກສ່ວນ ພ້ອມກັນຈັດຕັ້ງປະຕິບັດໃຫ້ລຸລ່ວງຕາມເປົ້າໝາຍທີ່ວາງໄວ້ ແລະ ຄຳສະເໜີຕ່າງໆທາງແຂວງ ກໍຄື ສູນກາງຈະນຳໄປສະເໜີ, ປຶກສາຫາລືຂັ້ນເທິງຊອກທິດທາງແກ້ໄຂ ເພື່ອເຮັດໃຫ້ການຈັດຕັ້ງປະຕິບັດວຽກງານຕໍ່ໜ້າ ໃຫ້ມີຄວາມຖືກຕ້ອງສອດຄ່ອງກັບສະພາບວຽກງານຕົວຈິງ.