ສາເຫດຍ້ອນເມົາ! ເມຍກໍ່ເຫດຄາດຕະກໍາຜົວເສຍຊີວິດຄາທີ່ ຫຼັງເລີກວົງນັ່ງດື່ມເຫຼົ້ານໍາກັນ

ສາເຫດຍ້ອນເມົາ! ເມຍກໍ່ເຫດຄາດຕະກໍາຜົວເສຍຊີວິດຄາທີ່ ຫຼັງເລີກວົງນັ່ງດື່ມເຫຼົ້ານໍາກັນ

9th March 2020 0 By Education

ເກີດເຫດເມຍຄາດຕະກໍາຜົວເສຍຊີວິດຄາຫ້ອງພັກ ຫຼັງຈາກເມົາແລ້ວຜິດຖຽງກັນ ເມື່ອກໍ່ເຫດແລ້ວກໍ່ເດີນທາງໄປມອບຕົວພ້ອມອ້າງເຮັດໄປຍ້ອນຄວາມໂມໂຫ ພັ້ງມືໜັກເກີນໄປ ຂະນະທີ່ອ້າຍຂອງຜູ້ຕາຍ ເຊື່ອວ່າເມຍຜູ້ຕາຍອາດເຫັນຂໍ້ຄວາມທີ່ຜູ້ຕາຍສົ່ງໄປຈີບສາວ ຈຶ່ງລົງມືບີບຄໍຕອນເມົາຫຼັບ, ເຫດດັ່ງກ່າວເກີດຂຶ້ນໃນຫ້ອງພັກແຫ່ງໜຶ່ງ ຢູ່ຈັງຫວັດຊົນບູລີ ປະເທດໄທ.

ພາບປະກອບ

ໃນບ່ອນເກີດເຫດ ພົບທ້າວພິພົບ ຂະຫຍັນການ ອາຍຸ 48ປີ ອາຊີບອອກເຮືອປະມົງ ແລະ ຂີ່ລົດຈັກຮັບຈ້າງ ນອນເສຍຊີວິດສະພາບຄໍຂຽວ ໃສ່ໂສ້ງຍີນສີດໍາ ເສື່ອຢືດສີນໍ້າເງິນ ໃນຫ້ອງມີຮ່ອງຮອຍການຕໍ່ສູ້ ແລະ ທີ່ໜ້າຫ້ອງພົບກະເປົາພລາສຕິກໃສ່ເສື້ອຜ້າ.

ພາບປະກອບ

ຫຼັງສອບຖາມຮູ້ວ່າ: ຜູ້ຕາຍຢູ່ກິນກັບ ນາງ ຕຣີຣັດ ຈໍານອງ ອາຍຸ 41ປີ ທັ້ງຄູ່ເວລາດື່ມເຫຼົ້າເມົາແລ້ວຈະຜິດຖຽງກັນເປັນປະຈໍາ ກ່ອນເກີດເຫດໄດ້ຍິນສຽງຂອງທັງຄູ່ຜິດກັນເຄື່ອງຂອງແຕກກະຈາຍ ແຕ່ບໍ່ມີໃຜອອກມາເບິ່ງ ຈົນຜ່ານມາເຫັນປະຕູງ້າງຢູ່ ແລ້ວເຂົ້າໄປເບິ່ງພົບທ້າວ ພິພົບເສຍຊີວິດແລ້ວ ເຊິ່ງຕໍ່ມາຜູ້ເປັນເມຍກໍ່ໄດ້ເດີນທາງໄປມອບຕົວກັບເຈົ້າໜ້າທີ່ຕໍຫຼວດ ໂດຍບໍ່ຍອມເວົ້າຫຍັງ ແລະ ບອກພຽງວ່າຜິດກັນແລ້ວພັ້ງມືບີບຄໍຜົວຈົນເສຍຊີວິດ.

ພາບປະກອບ

ຫຼ້າສຸດຕໍາຫຼວດໄດ້ຄວບຄຸມຕົວ ຜູ້ກໍ່ເຫດໄວ້ ເພື່ອລໍຖ້າສົ່ງຕົວຝາກຂັງຕໍ່ສານຈັງຫວັດຊົນບູລີ ໃນຂໍ້ຫາທໍາຮ້າຍຮ່າງກາຍຜູ້ອື່ນຈົນເຖິງແກ່ຄວາມຕາຍ ສ່ວນຂໍ້ຫາຂ້າຜູ້ອື່ນ ຕ້ອງລໍຖ້າການສືບສວນຜູ້ຕ້ອງຫາອີກຄັ້ງ