ຫົວໃຈ ສີຊົມພູ ຮາຍອນບິນ-ຊົນເຍຈິນ ປະກາດແຕ່ງງານ ລົງຮູບຫວານ ແຟນຄັບດີໃຈນໍາສະນັ່ນ

ຫົວໃຈ ສີຊົມພູ ຮາຍອນບິນ-ຊົນເຍຈິນ ປະກາດແຕ່ງງານ ລົງຮູບຫວານ ແຟນຄັບດີໃຈນໍາສະນັ່ນ

11th February 2022 0 By Entertain

ຕ້ອງຂໍສະແດງຄວາມຍິນດີນໍາ ຄູ່ຮັກດາລາ ນັກສະແດງດັງ ຂອງປະເທດເກົາຫຼີໃຕ້ ທີ່ທັງຄູ່ເຄີຍສະແດງ ຊີຣີຮ່ວມກັນຄື Crash Landing On You ເປັນເລື່ອງລາວຄວາມຮັກຂອງໜຸ່ມເກົາຫຼີເໜືອ ແລະ ສາວເກົາຫຼີໃຕ້ ທີ່ທັງຄູ່ກໍໄດ້ບອກວ່າຢືນຍັນຄວາມສໍາພັນນອກຈໍເມື່ອປີກ່ອນ ວ່າກໍາລັງຄົບຫາດູໃຈກັນ ເຊິ່ງກໍມີບັນດາແຟນໆທີ່ຕິດຕາມເຊຍເລື່ອງຂ່າວດີ

.

ຫຼ້າຊຸດທັງຄູ່ກໍໄດ້ເຜີຍວ່າກໍາລັງຈະແຕ່ງດອງ ໂດຍໂພສຂໍ້ຄວາມ ແລະ ພາບທີ່ມີຄວາມໝາຍວ່າ ເປັນໂພສຂອງ ຊົນເຍຈິນ ວ່າ ຂ້ອຍຄິດມາດົນ ແລະ ຄິດຢ່າງຈິງຈັງວ່າ ຈະແຊເລື່ອງລາວນີ້ແບບໃດ ເພາະເປັນເລື່ອງທີ່ສໍາຄັນຫຼາຍ ຂ້ອຍໄດ້ພໍ້ຄົນທີ່ຢາກຢູ່ນໍາຕະຫຼອດຊີວິດ ແມ່ນແລ້ວ ແລະ ເຂົາຄືຄົນຄົນນີ້ ທຸກຢ່າງເກີດຂຶ້ນຢ່າງເປັນທໍາມະຊາດ ແຕ່ມັນຄືໂຊກສະຕາຫຼືບໍ່ນໍ້ ?

.

ເຖິງວ່າ ຊົນເຍຈິນຈະບໍ່ໄດ້ບອກຊື່ໂດຍກົງ ແຕ່ຄົນໃນຂໍ້ຄວາມແນ່ນອນຕ້ອງເແມ່ນແຟນໜຸ່ມ ຮາຍອນບິນ ແລະ ນາງກໍໄດ້ບອກອີກວ່າ ຮູ້ສຶກປອດໄພ ແລະ ອົບອຸ່ນ” ຂໍໃຫ້ທຸກຄົນຊ່ວຍອວຍພອນໃຫ້ກັບການເລີ່ມຕົ້ນອະນາຄົດຂອງເຮົາເດີ້

.

ຂະນະດຽວກັນ ຝ່າຍຊາຍ ກໍໄດ້ຍືນຍັນເລື່ອງນີ້ຜ່ານການຖະແຫຼງຂ່າວຈາກຕົ້ນສັງກັດວ່າ ຊົນເຍຈິນ ເຮັດໃຫ້ເຂົາຍິ້ມໄດ້ສະເໝີ

“ຂ້ອຍຂຽນຂໍ້ຄວາມນີ້ ເພື່ອແຈ້ງເຖິງການຕັດສິນໃຈຄັ້ງສໍາຄັນທີ່ສຸດໃນຊີວິດຂ້ອຍຕໍ່ແຟນໆ ທີ່ດີໃຈກັບຂ້ອຍໃນຫຼາຍໆເລື່ຶຶອງ ແລະ ຍັງຮັກຍັງດູແລຂ້ອຍມາຕະຫຼອດ ຂ້ອຍຕັດສິນໃຈທີ່ຈະແຕ່ງດອງ ແລະ ກ້າວເຂົ້າສູ່ອີກໄລຍະຂອງຊີວິດ ຫຼັງຈາກນີ້ເຮົາຈະເດີນໄປສູ່ມື້ອື່ນນໍາກັນ”

ແບບໂພສຂອງແຕ່ລະຄົນ ຄັດຄອງມາເປັນບົດຂຽນທີ່ອອກມາຈາກໃຈ ອ່ານແລ້ວຊຶ້ງປະທັບໃຈ ອິນໄປນໍາສຸດໆ ແນວໃດກໍຂໍສະແດງຄວາມຍິນດີນໍາ ແລະ ຖ້າຕິດຕາມບັນຍາກາດງານແຕ່ງອັນມີຄວາມໝາຍຂອງຄູ່ພ້ອມ