ຕ້ອຍ ເສດຖາ ສິຣະສາຍາ ໄດ້ຈາກໂລກນີ້ໄປແລ້ວ

ຕ້ອຍ ເສດຖາ ສິຣະສາຍາ ໄດ້ຈາກໂລກນີ້ໄປແລ້ວ

21st February 2022 0 By Education

ວົງການບັນເທິງໄທໄດ້ສູນເສຍບຸກຄົນຄຸນນະພາບລຸ້ນອາວຸໂສໄປອີກຄົນ ຫຼັງຈາກທີ່ຄອບຄົງຂອງ ຕ້ອຍ ເສດຖາ ປະກາດການຈາກໄປຂອງພໍ່ອັນເປັນທີ່ຮັກໄປໃນຕອນເຊົ້າປະມານ 4 ໂມງ ຂອງວັນທີ 20 ກຸມພາ 2022, ສຳລັບງານສົບແມ່ນຈະຈັດເປັນເວລາໜຶ່ງອາທິດແຕ່ 21-27 ກຸມພາ ຢູ່ກຸງເທບ ແຕ່ຍັງຈະມີການເກັບສົບໄວ້ບຳເພັນ 100 ວັນ.

ສຳລັບເສດຖາ ສິຣະສາຍາ ເສັ້ນທາງວົງການບັນເທິງຂອງເພິ່ນຄື ເລີ່ມຕົ້ນດ້ວຍການເປັນນັກຮ້ອງໃນວົງ The Impossible  ແລະມີໂອກາດໄດ້ເຂົ້າສູ່ວົງການສະແດງໜັງ ຈາກນັ້ນຈິ່ງກ້າວເຂົ້າສູ່ເສັ້ນທາງການສະແດງເຕັມຕົວ ແລະມີບົດບາດໂດດເດັ່ນໃນດ້ານການເປັນພິທີກອນ ຈົນໄດ້ຮັບການຍົກຍ້ອງໃຫ້ເປັນສິລະປິນແຫ່ງແຫ່ງສາຂາສິລະປະການສະແດງ(ດົນຕີໄທສາກົນ ຂັບຮ້ອງ).


ເສດຖາ ສີຣສັນຍາ ມີອາການປ່ວຍເປັນໂຣກມະເຮັງປອດໃນປີ 2019 ແລະປີ 2021 ໄດ້ຕິດເຊື້ອໂຄວິດ-19 ຈົນຫຼ້າສຸດລູກສາວຂອງເພິ່ນ ໄດ້ເຜີຍອາການ ຂອງຕ້ອຍ ເສດຖາ ແມ່ນມີຜົນຂ້າງຄຽງຈາກການຮັກສາດ້ວຍເຄມີບຳບັດ ຈາກໂຣກມະເຮັງປອດ ເຮັດໃຫ້ກິນອາການບໍ່ຄ່ອຍສະດວກ ຈົນຮອດຊ່ວງເຊົ້າຂອງວັນທີ 20 ກຸມພາ ລູກສາວໄດ້ອອກມາໂພສເປັນຮູບທ້ອງຟ້າສີເທົາ ພ້ອມແຄັບຊັ່ນວ່າ 4.42 ເຊິ່ງຄາດວ່າເປັນເວລາທີ່ພໍ່ໄດ້ເສຍຊີວິດແລ້ວ.

ຫຼັງຮັບຊາບຂ່າວ ເຫຼົ່າຄົນບັນເທີງຈຳນວນຫຼວງຫຼາຍໄດ້ເຂົ້າໄປສະແດງຄວາມອາໄລເປັນຈຳນວນຫຼວງຫຼາຍ  ເຖິງເພິ່ນຈາກໄປແລ້ວ ແຕ່ຜົນງານການສະແດງ ແລະສຽງຮ້ອງ ລີລາການເວົ້າທີ່ໜ້າຟັງກໍ່ຍັງດັງກ້ອງຢູ່ໃນຫົວໃຈຂອງຄົນທີ່ຕິດຕາມເພິ່ນມາຕະຫຼອດ.

ໂດຍ ຕ້ອຍ ເສດຖາໄດ້ຈາກໄປໃນໄວ 77 ປີ ພາຍຫຼັງສູ່ກັຍໂຣກມາເຮັງມາດົນ ຕາມຂ່າວລາຍງານ ຂະນະທີ່ເພິ່ນເສຍຊີວິດແມ່ນເປັນໄລຍະ 4 ແລ້ວ ສຳລັບພະຍາດຮ້າຍທີ່ເປັນຢູ່.

ຂໍໃຫ້ເພິ່ນໄປດີ ເສຍໃຈນຳຄອບຄົວຫຼາຍໆເດີ້