ດາລາສາວແຕງໂມ ຕົກລົງແມ່ນ້ຳເຈົ້າພະຍາຍັງຫາໂຕບໍ່ພົບ

ດາລາສາວແຕງໂມ ຕົກລົງແມ່ນ້ຳເຈົ້າພະຍາຍັງຫາໂຕບໍ່ພົບ

25th February 2022 0 By Education

ເປັນຂ່າວທີ່ຊັອກວົງການບັນເທີງ ເມື່ອດາລາສາວແຕງໂມ ພັດທະຣະທິດາ ໄດ້ໄປຫຼິ້ນກັບກຸ່ມເພື່ອນ ແຕ່ໄດ້ຖືກພັດຕົກລົງໄປໃນແມ່ນ້ຳເຈົ້າພະຍາ ຂະນະໄປນັ່ງຢູ່ທ້າຍເຮືອ ແລະຈົມຫາຍໄປ ເຈົ້າໜ້າທີ່ພະຍາຍາມຄົ້ນຫາແລ້ວຫຼາຍຊົ່ວໂມງແຕ່ບໍ່ພົບເທື່ອ.

ຈາກຄວາມຄືບໜ້າຫຼ້າສຸດ ຂ່າວລາຍງານວ່າ ນັບແຕ່ຮັບຊາບຂ່າວສາວແຕງໂມງຕົກລົງແມ່ນ້ຳຂອງ ຕົກລົງແມ່ນ້ຳ ບັນດານັກດຳນ້ຳ ແລະຜູ້ທີ່ມີສີມືໃນການຂັບເຈັສກີ ໄດ້ສຸມກຳລັງກັນຊ່ວຍເຕັມທີ່ ເພື່ອຕາມຫາໃຫ້ການຊ່ວຍເຫຼືອ ແຕ່ມາຮອດເວລາ 6:30 ນາທີຂອງວັນທີ 25 ກຸມພາ 2022 ຍັງບໍ່ມີວີ່ແວວພົບດາລາສາວ ແລະກຸ່ມເພື່ອນທີ່ໄປນຳກັນກໍ່ຫາຍຕົວໄປໃສໝົດທັ້ງຄົນທັ້ງເຮືອ.

ຫຼັງຈາກນັ້ນ ທີມກູ້ໄພຕ້ອງຖອນກຳລັງອອກກ່ອນ ເນື່ອງຈາກແຈ້ງແລ້ວເລີ່ມມີການຈະລາຈອນທາງນ້ຳ ເປັນອຸປະສັກຕໍການຄົ້ນຫາ ແຕ່ຍັງບໍ່ຢຸດການຄົ້ນຫາເທື່ອ ພຽງແຕ່ຕ້ອງໄດ້ລະດົມກຳລັງມາເສີມ ແລະກຽມປະຊຸມວາງແຜນໃນການຄົ້ນຫາຮ່າງຕໍ່ໄປ.

ຕາມຂ່າວລາຍງານວ່າ ເວລາປະມານ 10 ໂມງໃນຄືນວັນທີ 24 ກຸມພາ ສາວແຕງໂມກັບກຸ່ມເພື່ອນໄດ້ພາກັນໄປລ່ອງເຮືອສະປິດໂບກໃນແມ່ນ້ຳເຈົ້າພະຍາ ລະຫວ່າງນັ້ນສາວແຕງໂມງໄດ້ໄປນັ່ງຢູ່ທ້າຍເຮືອ ກ່ອນທີ່ຈະຖືກພັດຕົກລົງໄປກາງແມ່ນ້ຳ ຈາກນັ້ນກຸ່ມໝູ່ໄດ້ກັບເຮືອໄປຊອກຫາຫຼາຍຮອບແຕ່ບໍ່ພົບຈິ່ງແຈ້ງຕໍ່ເຈົ້າໜ້າທີ່ ແລະກຸ່ມໝູ່ມາຊ່ວຍຄົ້ນຫາ.

ສ່ວນແມ່ຂອງດາລາສາວບອກວ່າ ແຕ່ເກີດເຫດແມ່ນຍັງບໍ່ຮູ້ຂ່າວລະອຽດເລີຍ ບໍ່ມີໃຜໂທຫາ ຜູ້ຈັດການຂອງສາວແຕງໂມເອງກໍ່ໄປນຳ ແຕ່ໂທຫາບໍ່ໄດ້ບໍຮັບສາຍ ພ້ອມດຽວກັນກຸ່ມເພື່ອນໃກ້ຊິດ ແລະເຈົ້າຂອງເຮືອກໍ່ຫາຍໄປບໍ່ຮູ້ໄປໃສກັນໝົດ ຕ້ອງໄດ້ພົບຫຼືໂອ້ລົມຄົນໃດໜຶ່ງໃນນັ້ນກ່ອນຈັ່ງຊິຮູ້ວ່າລູກສາວຕົນຕົກລົງໄປໄດ້ຈັ່ງໃດ.

ຂໍໃຫ້ພົບໄວໆເດີ້ ແລະຂໍໃຫ້ປອດໄພ