ອີກແລ້ວ! ລົດກະບະເສຍຫຼັກປີ້ນຢູ່ເຂດກໍ່ສ້າງຂົວນໍ້າເຄັມ ວອນພາກສ່ວນກ່ຽວຂ້ອງກວດກາດ່ວນ

ອີກແລ້ວ! ລົດກະບະເສຍຫຼັກປີ້ນຢູ່ເຂດກໍ່ສ້າງຂົວນໍ້າເຄັມ ວອນພາກສ່ວນກ່ຽວຂ້ອງກວດກາດ່ວນ

10th March 2020 0 By Education

ຢູ່ສະຖານທີ່ແຫ່ງນີ້ກໍ່ຄືເຂດຂົວນໍ້າເຄັມເຄີຍມີເຫດການສະເທືອນໃຈໄປແລ້ວກ່ອນໜ້ານີ້ບໍ່ພໍເທົ່າໃດມື້ກັບເຫດການຊາຍໜຸ່ມຂີ່ລົດຈັກຊ້ອນ 3ຕົກລົງນໍ້າເຂດຂົວດັ່ງກ່າວເຮັດໃຫ້ເສຍຊີວິດທັງ 3, ຫຼ້າສຸດມື້ນີ້ຕອນເຊົ້າມື້ນີ້ ວັນທີ 10 ມີນາ 2020 ເກີດເຫດການຊໍ້າຮອຍອີກຄັ້ງແຕ່ເປັນລົດໃຫຍ່ ໂດຍແມ່ນລົດກະບະ ເສຍຫຼັກປີ້ນລົງເຂດການກໍ່ສ້າງຂົວແຫ່ງນີ້.

ຕໍ່ກັບເຫດການດັ່ງກ່າວ ລາຍງານຈາກປະຊາຊົນໃຫ້ຮູ້ວ່າຄົນຂັບປອດໄພດີ, ຖືວ່າເປັນໂຊກດີໄປ ແຕ່ກໍ່ບໍ່ຄວນມີເຫດການແບບນີ້ເກີດຂຶ້ນ ແນວໃດກໍ່ຕາມການຂັບຂີ່ກໍ່ຂໍໃຫ້ທຸກຄົນຄ່ອຍຟປຄ່ອຍມາ ທັງນີ້ກໍ່ເພື່ອປ້ອງກັນອຸບັດເຫດທີ່ອາດເກີດຂຶ້ນກັບຕົວທ່ານເອງ.

ດ້ານປະຊາຊົນຮຽກຮ້ອງໃຫ້ ໃຫ້ພາກສ່ວນກ່ຽວຂ້ອງ ແລະ ຜູ້ຮັບເໝົາກໍ່ສ້າງ ກວດສອບມາດຕະການປ້ອງກັນອຸບັດເຫດ ເຂດດັ່ງກ່າວ ເພາະເກີດເຫດຫຼາຍຄັ້ງແລ້ວ.