ກະຊວງການເງິນ ປະກາດແຕ່ງຕັ້ງ ທ່ານເທີດທູນ ສຸກອາລຸນ ເປັນຮອງຫົວໜ້າກົມຄຸ້ມຄອງໜີ້ສິນສາທາລະນະ

ກະຊວງການເງິນ ປະກາດແຕ່ງຕັ້ງ ທ່ານເທີດທູນ ສຸກອາລຸນ ເປັນຮອງຫົວໜ້າກົມຄຸ້ມຄອງໜີ້ສິນສາທາລະນະ

14th March 2022 0 By Admin

ໃນວັນທີ 11 ມີນາ 2022, ກະຊວງການເງິນ ໄດ້ມີການປະກາດການຈັດຕັ້ງຍົກຍ້າຍ ແລະ ແຕ່ງຕັ້ງ ພະນັກງານຮັບໜ້າທີ່ໃໝ່ຢູ່ກົມຄຸ້ມຄອງໜີ້ສິນສາທາລະນະ ແລະ ກົມເຕັກໂນໂລຊີຂໍ້ມູນຂ່າວສານການເງິນ ກະຊວງການເງິນ. ໃຫ້ກຽດເປັນປະທານຂອງທ່ານ ປອ ບຸນເຫລືອ ສິນໄຊວໍຣະວົງຮອງລັດຖະມົນຕີກະຊວງການເງິນ, ມີຫົວໜ້າກົມ, ຮອງຫົວໜ້າກົມ, ພ້ອມດ້ວຍພະນັກງານຫລັກແຫລ່ງຂອງທັງສອງກົມເຂົ້າຮ່ວມ.


ໂອກາດດັ່ງກ່າວ, ທ່ານ ກົງຄໍາ ສິດທິວໍລະດາ ຫົວໜ້າກົມຈັດຕັ້ງ ແລະ ພະນັກງານ ໄດ້ຜ່ານຂໍ້ຕົກລົງຂອງລັດຖະມົນຕີກະຊວງການເງິນ ວ່າດ້ວຍການຕົກລົງແຕ່ງຕັ້ງ ທ່ານເທີດທູນ ສຸກອາລຸນ ຫົວໜ້າພະແນກຂອງກົມຄຸ້ມຄອງໜີ້ສິນສາທາລະນະ ເປັນຮອງຫົວໜ້າກົມຄຸ້ມຄອງໜີ້ສິນສາທາລະນະ; ແຕ່ງຕັ້ງທ່ານ ອຸປະກອນ ເທບພະວົງ ເປັນຮອງຫົວໜ້າພະແນກຄຸ້ມຄອງການກູ້ຢືມຕໍ່ ແລະ ການຄໍ້າປະກັນ; ແຕ່ງຕັ້ງທ່ານ ຈິດຕະກອນ ຈັນທິລາດ ເປັນຮອງຫົວໜ້າພະແນກຄຸ້ມຄອງການກູ້ຢືມຕໍ່ ແລະ ການຄໍ້າປະກັນ; ແຕ່ງຕັ້ງ ທ່ານ ອາພິສິດ ໄຊອຸດົມ ພະນັກງານວິຊາການ ເປັນຮອງຫົວໜ້າພະແນກຄຸ້ມຄອງບໍລິຫານໜີ້ສິນ; ແຕ່ງຕັ້ງ ທ່ານນາງ ວັນວິສາ ຫລວງສຸພົນ ເປັນຮອງຫົວໜ້າພະແນກຄຸ້ມຄອງໂຄງການກົມຄຸ້ມຄອງໜີ້ສິນສາທາລະນະ ກະຊວງການເງິນ.


ລັດຖະມົນຕີກະຊວງການເງິນຕົກລົງຍົກຍ້າຍ ແລະ ແຕ່ງຕັ້ງ:ທ່ານ ສີສົມພອນ ໄຊຍະສິດຫົວໜ້າພະແນກຄຸ້ມຄອງເຄື່ອຂ່າຍ ແລະ ຄວາມປອດໄພ ເປັນຫົວໜ້າພະແນກພັດທະນາລະບົບ ແລະ ຝຶກອົບຮົມ; ແຕ່ງຕັ້ງທ່ານ ພຸດທະວົງ ໄຊຍະສິດ ເປັນຮອງຫົວໜ້າພະແນກພັດທະນາລະບົບ ແລະ ຝຶກອົບຮົມ; ແຕ່ງຕັ້ງທ່ານ ນາງ ອານຸທິບ ວັນນະບຸບຜາ ເປັນຫົວໜ້າພະແນກຄຸ້ມຄອງຊຸດຄໍາສັ່ງ ແລະ ຖານຂໍ້ມູນ; ແຕ່ງຕັ້ງທ່ານ ແອລາວັນ ສິງຊົມພູ ເປັນຮອງຫົວໜ້າພະແນກຄຸ້ມຄອງຊຸດຄໍາສັ່ງ ແລະ ຖານຂໍ້ມູນ; ຍົກຍ້າຍ ແລະ ແຕ່ງຕັ້ງທ່ານ ພອນໄຊ ພິມມະສານ ຮອງຫົວໜ້າພະແນກຄຸ້ມຄອງເຄື່ອຂ່າຍ ແລະ ຄວາມປອດໄພ ເປັນຮອງຫົວໜ້າພະແນກຄຸ້ມຄອງຊຸດຄໍາສັ່ງ ແລະ ຖານຂໍ້ມູນ.

ຍົກຍ້າຍ ແລະ ແຕ່ງຕັ້ງ ທ່ານ ຈັນມີນາ ປາມະນີວົງ ຫົວໜ້າພະແນກຄົ້ນຄວ້າ ແລະ ພັດທະ ນາເປັນຫົວໜ້າພະແນກຄຸ້ມຄອງເຄື່ອຂ່າຍ ແລະ ຄວາມປອດໄພ; ຍົກຍ້າຍ ແລະ ແຕ່ງຕັ້ງທ່ານ ມະນີວົງ ອໍາພອນພົງ ຮອງຫົວໜ້າພະແນກຄຸ້ມຄອງຊຸດຄໍາສັ່ງ ແລະ ຖານຂໍ້ມູນ ເປັນຮອງຫົວໜ້າພະແນກຄຸ້ມຄອງເຄື່ອຂ່າຍ ແລະ ຄວາມປອດໄພ; ຍົກຍ້າຍ ແລະ ແຕ່ງຕັ້ງທ່ານນາງ ທອງວິນ ສີຫາຈັກ ຮອງຫົວໜ້າພະແນກຄົ້ນຄວ້າ ແລະ ພັດທະນາ ເປັນຜູ້ຮັກສາການຫົວໜ້າພະແນກກວດສອບ ແລະ ບໍາລຸງຮັກສາລະບົບ; ຍົກຍ້າຍ ແລະ ແຕ່ງຕັ້ງທ່ານ ບຸນໄທ ບູລົມມະວົງ ຮອງຫົວໜ້າພະແນກຄົ້ນຄວ້າ ແລະ ພັດທະນາ ເປັນຮອງຫົວໜ້າພະແນກກວດສອບ ແລະ ບໍາລຸງຮັກສາລະບົບ; ຍົກຍ້າຍ ແລະ ແຕ່ງຕັ້ງທ່ານ ວັນນະຫົງອຸມາວົງ ຮອງຫົວໜ້າພະແນກຄຸ້ມຄອງເຄື່ອຂ່າຍ ແລະ ຄວາມປອດໄພ ເປັນຮອງຫົວໜ້າພະແນກກວດສອບ ແລະ ບໍາລຸງຮັກສາລະບົບກົມເຕັກໂນໂລຊີຂໍ້ມູນຂ່າວສານການເງິນ ກະຊວງການເງິນ.

ໃນໂອກາດນີ້, ທ່ານ ປອ ບຸນເຫລືອ ສິນໄຊວໍຣະວົງ ໄດ້ມີຄໍາເຫັນໂອ້ລົມວ່າ: ການປັບປຸງກົງ ຈັກການຈັດຕັ້ງ ແລະ ຊັບຊ້ອນບຸກຄະລາກອນຄືນໃໝ່ ເພື່ອປະຕິບັດໜ້າທີ່ການເມືອງທີ່ໄດ້ຮັບມອບໝາຍຕາມພາລະບົດບາດໃໝ່ ໃຫ້ຜູ້ທີ່ໄດ້ຮັບການແຕ່ງຕັ້ງໃນຄັ້ງນີ້ຝຶກຝົນຫລໍ່ຫລອມຕົນເອງ, ສ້າງພະນັກ ງານໃຫ້ມີຄວາມຮູ້ເຂົ້າໃຈໃນວຽກງານໃຫ້ຫລາຍຂຶ້ນ. ການປະກາດການຈັດຕັ້ງໃນຄັ້ງນີ້ ລ້ວນແຕ່ເປັນກົມທີ່ມີບົດບາດສໍາຄັນ ເປັນກົມເສນາທິການຫລັກໃນວຽກງານວາລະແຫ່ງຊາດ ຂອງກະຊວງການເງິນ ເພື່ອປະຕິບັດຕາມການມອບໝາຍຂອງລັດຖະບານ ຕ້ອງສືບຕໍ່ປະຕິບັດໜ້າທີ່ການເມືອງຢ່າງຕັ້ງໜ້າ, ສະກັດກັ້ນການຮົ່ວໄຫລ, ຍົກສູງຄວາມຮັບຜິດຊອບ ແລະ ຄົ້ນຄວ້າກົນໄກວິທີການເຮັດວຽກ ແລະ ສາ ມາດບັນລຸໄດ້ຕາມລະດັບຄາດໝາຍ.

ຂ່າວ-ພາບ: ກະຊວງການເງິນ