ການບິນໄທຊີ້ແຈງແລ້ວ ສາເຫດເຮືອບິນເກາະກັນທີ່ສະໜາມບິນວັດໄຕ

ການບິນໄທຊີ້ແຈງແລ້ວ ສາເຫດເຮືອບິນເກາະກັນທີ່ສະໜາມບິນວັດໄຕ

10th March 2020 0 By Education

ມື້ຄືນນີ້ມີອຸບັດຕິເຫດເຮືອບິນເກາະກັນທີ່ສະໜາມບິນສາກົນວັດໄຕ ອັນເຮັດໃຫ້ການບິນໄທທີ່ພວມຈະອອກບິນບໍ່ສາມາດໄປຕໍ່ໄດ້ຕ້ອງເອົາຜູ້ໂດຍສານນອນຄ້າງຄືນ, ຫຼ້າສຸດ Thai Airways ອອກມາຊີ້ແຈງແລ້ວສາເຫດ ປີກເຮືອບິນ ເກາະກັນພ້ອມລະບຸມື້ນີ້ຈະນຳເອົາຜູ້ໂດຍສານຂ້າມຝັ່ງໄປສູ່ຈຸດໝາຍປາຍທາງ.

ໃນວັນທີ 10 ມີນາ 2020 ໄທແອເວ (Thai Airways ) ຊີ້ແຈງກ່ຽວກັບກໍລະນີຂອງຖ້ຽວບິນ TG 575 ຂອງເສັ້ນທາງການບິນວຽງຈັນ – ບາງກອກແລ່ນໄປເກາະກັບເຮືອບິນທີ່ຈອດໄວ້ ບໍລິສັດການບິນໄທຈຳກັດ ມະຫາຊົນແຈ້ງກ່ຽວກັບກໍລະນີການບິນທີ່ TG 575 ໃນການເສັ້ນທາງວຽງຈັນ – ບາງກອກ ໃນວັນທີ 9 ມີນາ 2020 ດັ່ງນີ້ .

ທ່ານ ເຮືອອາກາດ ເອກປາດຖະໜາ ພັນທະນະສິລິ ອໍານວຍການໃຫຍ່ຝ່າຍມາດຕະຖານຄວາມປອດໄພ, ແລະ ການບິນ, Thai Airways International ໃຫ້ຮູ້ວ່າ: ຖ້ຽວບິນ TG 575 ຈາກວຽງຈັນ – ບາງກອກໃນວັນທີ 9 ມີນາ 2020 ມີ ກຳນົດຈະອອກຈາກສະ ໜາມບິນສາກົນວັດໄຕ ນະຄອນຫຼວງວຽງຈັນ, ສາທາລະນະລັດປະຊາທິປະໄຕປະຊາຊົນລາວ ໃນເວລາ 20:30 ໂມງ (ຕາມເວລາທ້ອງຖິ່ນ) ແລະ ຈະມາຮອດສະໜາມບິນສຸວັນນະພູມ ໃນເວລາ 21:35 ໂມງ.

ແຕ່ຂະນະທີ່ນັກບິນພວມຈະ Taxiway ນໍາເຮືອບິນຂຶ້ນບິນນັ້ນ ປາຍປີກໄດ້ຕໍາເອົາສ່ວນຫາງຂອງເຮືອບິນທີ່ຈອດຢູ່,​ ຝ່າຍບໍລິການພາກພື້ນດິນ ຂອງສະໜາມບິນສາກົນວັດໄຕໄດ້ຊ່ວຍເຫຼືອ ແລະ ນຳເອົາຜູ້ໂດຍສານ ແລະ ລູກເຮືອທັງໝົດໄປໂຮງແຮມທີ່ຈັດຕຽມໄວ້ໃຫ້ ເຊິ່ງເປັນມາດຕະຖານໃນການເບິ່ງແຍງຜູ້ໂດຍສານ ແລະ ທາງບໍລິສັດຈະຈັດແຈງໃຫ້ຜູ້ໂດຍສານໃຫ້ໄດ້ໄປຮອດໄປເຖິງກຸງເທບ ໃນມື້ນີ້ກໍ່ຄື ທີ10 ມີນາ 2020 ບໍລິສັດຈະສືບຕໍ່ສືບສອບສວນຫາສາເຫດໃນຕໍ່ໄປ.

ນອກຈາກນີ້, ຖ້ຽວບິນຈາກ TG 575 ໃນເສັ້ນທາງວຽງຈັນ – ບາງກອກ ແມ່ນດຳເນີນການບິນໂດຍເຮືອບິນ Airbus A330-300 ເຊິ່ງບັນທຸກຜູ້ໂດຍສານ 79 ຄົນ, ນັກບິນແລະພະນັກງານເຮືອ 13 ຄົນ.

ຂໍ້ມູນໂດຍ: ການບິນໄທ ThaiAirway