ໄລຟສົດຢູ່ດີໆ ຖືກຣັດຊຍໂຈມຕີທາງອາກາດເກືອບເອົາໂຕບໍ່ລອດ

ໄລຟສົດຢູ່ດີໆ ຖືກຣັດຊຍໂຈມຕີທາງອາກາດເກືອບເອົາໂຕບໍ່ລອດ

15th March 2022 0 By Education

ສື່ຕ່າງປະເທດເຜີຍແຜ່ວີນາທີສຸດຊັອກຂອງບຼັອກເກີ້ລາຍໜຶ່ງທີ່ເກືອບຈະເອົາຊີວິດບໍລອດ ໃນຂະນະທີ່ກຳລັງໄລຟສົດກ່ຽວກັບສະຖານະການໃນຄາລິບ ເມືອງທີ່ໃຫຍ່ສຸດຂອງຢູເຄຣນ ທ່າມກາງປະຕິບັດການໂຈມຕີຂອງຣັດເຊຍ ແລະລະຫວ່າງນັ້ນໄດ້ມີການໂຈມຕີທາງອາກາດເລັງເປົ້າໝາຍໃກ້ຈຸດທີ່ລາວຢູ່ພໍດີ ເຮັດໃຫ້ຊາຍໜຸ່ມລາຍນັ້ນຕ້ອງແລ່ນໜີຢ່າງບໍ່ຄິດຊີວິດ.

ບຼັອກເກີ້ຄົນນັ້ນຊື່ວ່າ ນິຄິຕາ ເດເມນຄອຟ ເຊິ່ງໃນວັນທີ2 ມີນາຜ່ານມາລາວກຳລັງບັນທຶກເຫດການໃຫ້ຜູ້ຕິດຕາມໄດ້ຮັບຊົມ ແລະກຳລັງແຈ້ງຍອດບໍລິຈາກທີ່ບັນດາຜູ້ຕິດຕາມບໍລິຈາກເຂົ້າມາ ແຕ່ລະວຫ່າງນັ້ນ ກໍ່ກຳລັງມີຂີປະນາວຸດລູກໜຶ່ງບິນປັ່ງລົງມາແຕ່ເທີງຟ້າປານກັບຟ້າຜ່າລົງມາ ແລະລາວກໍ່ສາມາດບັນທຶກວິນາທີນັ້ນໄດ້ໂດຍບັງເອີນ.

ຫຼັງຈາກຂີປະນາວຸດລູກນັ້ນຊົນຕຶກ ເດເມຄັອຟ ເຮັດຫຍັງບໍ່ທັນນອກຈາກກົ້ມລົງມອບພື້ນທ່າມກາງເສດຊາກຕ່າງໆ ແລະເສດແກ້ວຕົກຫຼົ່ນລົງມາປານຮ່າຝົນຈາກນັ້ນລາວກໍ່ແລ່ນໜີສຸດຊີວິດໄປຫາທີ່ມີກຳບັງຢູ່ຊັ້ນໃຕ້ດິນ ເພື່ອເອົາຊີວິດລອດ.

ຣັດເຊຍໄດ້ປະກາດປະກາດຢຸດຍິງບາງສ່ວນໃັນວັນເສົາທີ 2 ມື້ທີ່ລາວໄປໄລຟສົດ ເພື່ອຈັດຕັ້ງແນວກັນຊົນ ເພື່ອມະນຸດສະທຳ ແລະເປີດທາງໃຫ້ປະຊາຊົນໃນຢູເຄຣນ ໃນເມືອງມາຣິຍູໂປລ ແລະເມືອງໂວນໂນວາກາອົບພະຍົບອອກມາລາວຈິ່ງຄິດວ່າໜ້າຈະປອດໄພດີ ແຕ່ຕົວຈີງແສນໂຫດ!!!

ຢ່າງໃດກໍ່ຕາມ ຫຼັງຈາກຂີປະນາວຸດທີ່ຕົກລົງມາແຕ່ເທີງຫົວລາວຊຸດນັ້ນຫ່າງກັນບໍ່ເທົ່າໃດຊົ່ວໂມງ ຣັດເຊຍໄດ້ກັບມາເປີດສາກໂຈມຕີອີກຮອບ ໂດຍໃຫ້ເຫດຜົນວ່າ ຢູເຄຣນນິ້ງເສີຍບໍ່ຕັ້ງໃຈອົບພະຍົບປະຊາຊົນອອກຈາກເຂດທີ່ສ່ຽງ.