ສາວແຕງໂມ ກັບຄວາມຮັກທີ່ມີໃຫ້ລູກສາວກະຕິກ ໝູ່ສະໜິດ

ສາວແຕງໂມ ກັບຄວາມຮັກທີ່ມີໃຫ້ລູກສາວກະຕິກ ໝູ່ສະໜິດ

18th March 2022 0 By Education

ກະຕິກໝູ່ຄົນສະໜິດທັງເປັນຜູ້ຈັດການສ່ວນຕົວຂອງສາວແຕງໂມນັບວ່າ ເປັນບຸກຄົນທີ່ແຕງໂມໄວ້ວາງໃຈ ແລະຮັກທີ່ສຸດຄົນໜຶ່ງ ຈະເວົ້າໄປແລ້ວ ໃນຊີວິດແຕງໂມນອກຈາກພໍ່ຜູ້ໃຫ້ກຳເນີດ ແລະລ້ຽງດູ ດາລາສາວໃຫ້ເຕີບໃຫຍ່ມາ ແລ້ວກໍ່ມີພຽງກະຕິກກັບລູກທີ່ສາວງາມຄົນນີ້ທຸ່ມເທເພື່ອໄດ້ທຸກຢ່າງ.

ແຕງໂມໄດ້ພົບຮັກຫຼາຍຄັ້ງ ແລະພະຍາຍາມຕັ້ງຄວາມຫວັງວ່າຈະມີລູກໂຕນ້ອຍໆມາໃຫ້ຮັກໃຫ້ຫອມ ເປັນກຳລັງໃຈ ມາສືບຕະກຸນ ແຕ່ທຸກຄັ້ງຜ່ານມາພໍກຳລັງເຂົ້າທີ່ເຂົ້າທາງກໍ່ຕ້ອງຜິດຫວັງແຍກຍ້າຍກັນໄປ ຈິ່ງເຮັດໃຫ້ແຕງໂມຕ້ອງທຸ່ມທັ້ງຫົວໃຈໃຫ້ກັບລູກສາວຂອງໝູ່.

ລູກສາວທີ່ວ່ານີ້ຄືລູກຂອງກະຕິກ ໝູ່ທີ່ສະໜິດສະໜົມກັນມານານນັບ 20 ປີ ແລະເປັນຄົນທີ່ຊວນແຕງໂມໄປນັ່ງເຮືອຈົນຈົບຊີວິດໃນທີ່ສຸດ ເຊິ່ງຕອນນີ້ຍັງເປັນຈຳເລີຍຂອງສັງຄົມຢູ່ ເຊິ່ງນັ້ນບໍ່ແມ່ນເລື່ອງແປກ ເນື່ອງຈາກຄົນຕາຍເວົ້າບໍໄດ້ຄົນທີ່ຮັກແຕງໂມກໍ່ຕ້ອງຕີລາຄາໄປຕ່າງໆນາໆ.


ສຳລັບລູກສາວຂອງກະຕິກແລ້ວ ແຕງໂມໄດ້ເຝົ້າລໍຕັ້ງແຕ່ຢູ່ໃນທ້ອງເນື່ອງຈາກຜົວຂອງກະຕິກໄດ້ຢ່າກັນກ່ອນທີ່ລູກສາວຈະມືນຕາຂຶ້ນມາເບິ່ງໂລກ ແຕງໂມຈິ່ງຖືເປັນຄົນທີ່ໃກ້ຊິດເບິ່ງແຍງດີທີ່ສຸດ.


ເພື່ອລູກສາວກະຕິກ ແຕງໂມລົງທຶນໄປຮຽນຄັອສການລ້ຽງລູກ ບວກກັບກ່ອນໜ້ານັ້ນດາລາສາວຮຽນຈົບພະຍາບານອີກພໍດີເຂົ້າທີ່ເລີຍ ແຕງໂມບອກວ່າຕົນເປັນຜູ້ໂຊກດີສຸດທີ່ໄດ້ຮຽນພະຍາບານມາກ່ອນຈະໄດ້ດູແລລູກສາວໄດ້ດີ.


ແຕງໂມເປັນຄົນດຽວທີ່ໄປນັ່ງເຝົ້າກະຕິກຕັ້ງແຕ່ຢູ່ໃນຫ້ອງເກີດຈົນເກີດລູກອອກມາ ແລະເປັນຄົນດູແລອຸ້ມແອນ້ອຍຄົນນັ້ນ ແລະຄອຍຊວ້ານຊູມາຈົນຕອນນີ້ 6 ປິແລ້ວ.


ພໍລູກສາວໝູ່ເກີດອອກມາ ດາລາສາວແມ່ນໄດ້ຕໍ່ເຕີມເຮືອນຕົນເອງເພື່ອໃຫ້ລູກໄດ້ມີບ່ອນຫຼິ້ນ ຈາກທີ່ເຄີຍມັກໄປທ່ຽວໄປກິນຢູ່ຂ້າງນອກຕ້ອງກັບບ້ານໄວຂຶ້ນ ເພື່ອມາຫາລູກສາວ.


ແຕງໂມຍັງວາງແຜນຊີວິດໃຫ້ກັບລູກສາວອິສເຕີຂອງກະຕິກ ຢາກໃຫ້ໄດ້ເຮັດໃນສິ່ງທີ່ຫວັງ ແລະປະກົດວ່າ ສາວນ້ອຍຄົນນັ້ນມັກການສະແດງ ດາລາສາວກໍ່ພາໄປລອງກ້ອງ…….


ເພື່ອລູກສາວຄົນນັ້ນທີ່ແຕງໂມຮັກສຸດ ເຖິງດາລາສາວຈະບໍມີເງິນຫຼາຍແຕ່ກໍ່ຍອມອົດອອມ ເພື່ອໃຫ້ມີເງິນ ມີທຶນໃຫ້ລູກສາວໄດ້ເຂົ້າຮຽນບ່ອນດີໆ ບາງຄັ້ງຈົນຕ້ອງຍອມເປັນແມ່ຄ້າຂາຍເຄື່ອງແຄມທາງ ເພື່ອໃຫ້ໄດ້ເງິນມາລ້ຽງດູລູກສາວ.


ຄວາມຮັກຂອງສາວແຕງໂມຕໍ່ອິສເຕີ ລູກສາວຄົນດຽວຂອງໝູ່ສະໜິດເໜືອຈະບັນຍາຍໝົດ ຈົນວິນາທີສຸດທ້າຍທີ່ຈາກໂລກໃບນີ້ໄປແລ້ວຍັງຂຽນໃນປະກັນຊີວິດໃຫ້ໂອນເງິນ 1 ລ້ານບາດໃຫ້ກັບອິສເຕີແຕ່ພຽງຜູ້ດຽວ.


ເບິ່ງຊີວິດດາລາສາວແລ້ວໜ້າສົງສານເຫຼືອເກີນ ເປັນຫຍັງໂລກນີ້ຄືບໍ່ປະທານໃຫ້ຄົນທີ່ມີຫົວໃຈຮັກອັນຍິ່ງໃຫຍ່ນີ້ໄດ້ສົມຫວັງຈັກຄັ້ງໜຶ່ງໃນຊີວິດນໍ!!!!

ຮັກລູກສາວຄົນນີ້ພຽງໃດເບິ່ງເອົາ