ມັນມາອີກແລ້ວ ຢ່າຢູ່ໃກ້ຕົ້ນໄມ້ໃຫຍ່ກັບສິ່ງປຸກສ້າງ

ມັນມາອີກແລ້ວ ຢ່າຢູ່ໃກ້ຕົ້ນໄມ້ໃຫຍ່ກັບສິ່ງປຸກສ້າງ

10th March 2020 0 By Education

ພາຍຸເຂດຮ້ອນ ຈະມາພ້ອມຟ້າຝົນລົມແຮງ ແລະໝາກເຫັບສະນັ້ນ ຖ້າຮູ້ຂ່າວລ່ວງໜ້າທຸກຄົນຕ້ອງມີສະຕິລະມັດລະວັງໃນການໃຊ້ຊີວິດເປັນຕົ້ນຖ້າມີຝົນຕົກລົມແຮງ ຕ້ອງຢູ່ໃຫ້ຫ່າງຈາກຕົ້ນໄມ້ໃຫຍ່ ແລະອາຄານປຸກສ້າງ ເພື່ອຄວາມປອດໄພທາງຊີວິດ ແລະຊັບສິນຂອງຕົວທ່ານເອງ, ຊຸດນີ້ບໍ່ເວັ້ນທັງໃນພາກເໜືອ, ພາກກາງ ແລະພາກໃຕ້ນັບແຕ່ວັນທີ 11-14 ມີນາ 2020 ນີ້ ຕາມແຈ້ງການຈາກກົມອຸຕຸນິຍົມ.

.


ກົມອຸຕຸນິຍົມ ແລະ ອຸທົກກະສາດ ລາຍງານວ່າ ນັບແຕ່ 11 ຫາ 14 ມີນາ 2020 ຄວາມກົດດັນສູງຂອງອາກາດເຢັນຈາກປະເທດຈີນ ຈະແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫຍ່ ຊຶ່ງຈະເຮັດໃຫ້ໃຫ້ເກີດມີ ພາຍຸລະດູຮ້ອນ ຝົນຕົກຟ້າຮ້ອງ ຟ້າເຫຼື້ອມ ຟ້າຜ່າ ແລະ ໝາກເຫັບຕົກ ໃນລະດັບຄ່ອຍ ແລະ ມີລົມພັດແຮງຢູ່ບາງທ້ອງຖິ່ນໃນແຕ່ລະພາກ.

.

ດັ່ງນັ້ນ, ຈຶ່ງແຈ້ງເຕືອນໃຫ້ປະຊາຊົນ ຈົ່ງມີສະຕິຕໍ່ສະພາບຝົນຕົກ ລົມແຮງ ແລະ ໃຫ້ຫ່າງໄກຈາກຕົ້ນໄມ້ໃຫຍ່ ແລະ ສິ່ງປຸກສ້າງບໍ່ທັນສໍາເລັດ ພ້ອມໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງຕໍ່ເນື່ອງ

.