ລັດ​ເຊຍ​ ກ່າວ​ເຕືອນ​​ໄພ​ອັຕະ​ລາຍ ​ຖ້າ​ຫາກວ່າ NATO ຈັດ​ສົ່ງກຳ​ລັງ​ຮັກ​ສາ​ສັນ​ຕິ​ພາບ​ໄປ​ຍັງ ຢູເຄນ

ລັດ​ເຊຍ​ ກ່າວ​ເຕືອນ​​ໄພ​ອັຕະ​ລາຍ ​ຖ້າ​ຫາກວ່າ NATO ຈັດ​ສົ່ງກຳ​ລັງ​ຮັກ​ສາ​ສັນ​ຕິ​ພາບ​ໄປ​ຍັງ ຢູເຄນ

24th March 2022 0 By Admin

(VOVWORLD) ທ່ານເລຂາການຂ່າວຂອງປະທານາທິບໍດີ ລັດເຊຍ Dmitry Peskov ຖະແຫຼງວ່າ ເລື່ອງຈັດສົ່ງກຳລັງຮັກສາສັນຕິພາບຂອງ NATO ໄປຍັງຢູເຄນຈະເກີດຜົນຮ້າຍຕາມມາຢ່າງຮ້າຍແຮງ.


ກ່ອນໜ້ານັ້ນ, ກ່າວຄຳເຫັນທີ່ການພົບປະກັບນັກສຶກສາຢູ່ສະຖາບັນການຕ່າງປະເທດ, ທ່ານລັດຖະມົນຕີກະຊວງການຕ່າງປະເທດ ລັດເຊຍ Sergei Lavrov ຖະແຫຼງວ່າ ເລື່ອງຜັນຂະຫຍາຍກຳລັງຮັກສາສັນຕິພາບຂອງ NATO ຢູ່ຢູເຄນຈະພາໄປເຖິງການປະທະກັນໂດຍກົງລະຫວ່າງກອງທັບ ລັດເຊຍ ແລະ ບັນດາກຳລັງຂອງ ພັນທະມິດ.

ໃນເຫດການທີ່ກ່ຽວຂ້ອງ, ວັນທີ 23 ມີນາ, ອົງການສື່ມວນຊົນຂອງ ທ່ານປະທານາທິບໍດີ ຢູເຄນໃຫ້ຮູ້ວ່າ ປະເທດນີ້ໄດ້ສ້າງແລວມະນຸດສະທຳ 9 ສາຍ ເຊິ່ງອະນຸຍາດໃຫ້ສາມັນຊົນຍົກຍ້າຍອອກຈາກເຂດປະທະກັນ ແລະ ສະໜອງການຊ່ວຍເຫຼືອດ້ານມະນຸດສະທຳ.

ໃນຂະນະນັ້ນ, ວັນທີ 23 ມີນາ, ກະຊວງການຕ່າງປະເທດ ລັດເຊຍ ໃຫ້ຮູ້ວ່າ ກະຊວງປ້ອງກັນປະເທດນີ້ກໍ່ໄດ້ຜັນຂະຫຍາຍແລວມະນຸດສະທຳໃນແຕ່ລະວັນ ແລະ ຍົກຍ້າຍສາມັນຊົນອອກຈາກເຂດຊຸມຊົນ.