ເລີ່ມຂຶ້ນຢ່າງເປັນທາງການງານບຸນກະລໍາປີ ທີ່ເມືອງວັງວຽງ ແຂວງວຽງຈັນ 26-27 ມີນາ 2022

ເລີ່ມຂຶ້ນຢ່າງເປັນທາງການງານບຸນກະລໍາປີ ທີ່ເມືອງວັງວຽງ ແຂວງວຽງຈັນ 26-27 ມີນາ 2022

26th March 2022 0 By Admin

ເລີ່ມຂຶ້ນຢ່າງເປັນທາງການແລ້ວງານບຸນກະລໍາປີ ທີ່ເມືອງວັງວຽງ ແຂວງວຽງຈັນ ໂດຍຈັດຢູ່ໂຮງຮຽນເຕັກນິກວິຊາຊີບແຂວງວຽງຈັນ ສາຂາເມືອງວັງວຽງ ລະຫວ່າງວັນທີ 26-27 ມີນາ 2022.

ອົງການປົກຄອງ ເມືອງວັງວຽງ, ແຂວງວຽງຈັນ ຈະຮ່ວມກັບກົມປູກຝັງ, ກະຊວງກະສິກໍາ ແລະ ປ່າໄມ້ ໂດຍໄດ້ຮັບການສະໜັບສະໜູນຈາກໂຄງການສ້າງຄວາມເຊື່ອມໂຍງ ເພື່ອຂະຫຍາຍເຄື່ອຂ່າຍກະສິກຳ ຫຼື CLEAN Project ຈັດງານບຸນກະລໍ່າປີ ພາຍໃນເທດສະບານ ເມືອງວັງວຽງ ໃນລະຫວ່າງວັນທີ 26-27 ມີນາ 2022. ເຊີ່ງຖືເປັນຄັ້ງທໍາອິດທີ່ຈະຈັດບຸນກະລໍ່າປີໃຫຍ່ແບບນີ້ຢູ່ ສປປ ລາວ.

ທ່ານ ບຸນຈັນ ມາລາວົງ ເຈົ້າເມືອງ ເມືອງວັງວຽງ ໃຫ້ສໍາພາດກ່ອນໜ້ານີ້ວ່າ: ການຈັດງານຄັ້ງນີ້ ເພື່ອແນໃສ່ຊຸກຍູ້ສົ່ງເສີມການປູກກະລໍ່າປີທີ່ມີຄຸນນະພາບ ແລະ ເພື່ອສ້າງລາຍຮັບໃຫ້ປະຊາຊົນນັບມື້ຫລາຍຂຶ້ນ ເພາະກະລໍ່າປີ ສາມາດນໍາໄປປຸງແຕ່ງອາຫານໄດ້ຫລາຍຊະນິດ, ພ້ອມນີ້ ຍັງເປັນການສ້າງເງື່ອນໄຂໃຫ້ມີການຈັບຄູ່ທຸລະກິດລະຫວ່າງຜູ້ຜະລິດ ແລະ ຜູ້ຊື້ ເພື່ອຮັບປະກັນລາຄາຂອງຜົນຜະລິດ.

ພາຍໃນງານດັ່ງກ່າວ ຈະມີຫລາຍກິດຈະກໍາ ເປັນຕົ້ນ: ການແຫ່ຂະບວນກະລໍ່າປີໄປຕາມເທດສະບານເມືອງວັງວຽງ, ຮວບ ຮວມບັນດາສິນຄ້າກະສິກໍາພາຍໃນເມືອງມາວາງສະແດງ, ຈັດການເສວະນາໃຫ້ຄວາມຮູ້ກ່ຽວກັບກະລໍ່າປີຈາກວິຊາການທີ່ກ່ຽວຂ້ອງ. ນອກຈາກນີ້ ຍັງເປັນການຮວບຮວມຜະລິດຕະພັນ ແລະ ອາຫານທີ່ຜະລິດຈາກກະລໍ່າປີຫລາຍຊະນິດ, ຈັດການແຂ່ງຂັນກະລໍ່າຫົວໃຫຍ່, ການສະແດງພື້ນເມືອງ ແລະ ດົນຕີຈາກໄວໜຸ່ມລາວ, ຈັດການຖາມ-ຕອບ ຄວາມຮູ້ທົ່ວໄປເພື່ອຊີງລາງວັນ ແລະ ສ້າງບັນຍາກາດພາຍໃນງານໃຫ້ມີຄວາມເບີກບານມ່ວນຊື່ນ ແລະ ກິດຈະກໍາອື່ນໆ

.