ເປັນໄປແລ້ວ! ຝຣັ່ງ ລັດຖະມົນຕີລວມທັງສະມາຊິກສະພາຕິດໂຄວິດ-19 ຕ້ອງໄດ້ປະຊຸມວຽກຜ່ານວີດີໂອຄໍລ

ເປັນໄປແລ້ວ! ຝຣັ່ງ ລັດຖະມົນຕີລວມທັງສະມາຊິກສະພາຕິດໂຄວິດ-19 ຕ້ອງໄດ້ປະຊຸມວຽກຜ່ານວີດີໂອຄໍລ

11th March 2020 0 By Education

ຈຳນວນຜູ້ປ່ວຍ ແລະເສຍຊີວິດຈາກໄວຣັສໂຄວິດ-19 ໃນປະເທດຝຣັ່ງຍັງເພີ່ມຂຶ້ນຕໍ່ເນື່ອງ ບໍ່ເວັ້ນລັດຖະມົນຕີ ແລະ ສະມາຊິກສະພາອີກຫຼາຍຄົນ ກໍ່ຄອຍຕິດເຊື້ອໄປນຳ, ຂະນະທີ່ປະທານາທິບໍດີເຕືອນວ່ານີ້ເປັນພຽງຈຸດເລີ່ມຕົ້ນເທົ່ານັ້ນ.

ຕາມຂ່າວຕ່າງປະເທດລາຍງານໃນວັນທີ 10 ມີນາ 2020 ນີ້ວ່າ ທ່ານ ຟຣອງ ຣິສແຕ ລັດຖະມົນຕີກະຊວງວັດທະນະທຳແຫ່ງປະເທດຝຣັ່ງ ການເປັນນັກການເມືອງຄົນຫຼ້າສຸດທີ່ຕິດເຊື້ອໄວຣັສໂຄວິດ-19 ໂດຍຖືກກວດພົບໃນຄືນວັນຈັນທີ9 ມີນາຜ່ານມາ ແລະຂະນະນີ້ກຳລັງກັກກັນໂຕເອງຢູ່ເຮືອນ.

ທ່ານ ໂອລິວິເຍ ແຟຣອງ ລັດຖະມົນຕີກະຊວງສາທາລະນະສຸກຂອງຝຣັ່ງ ເປັນຄົນເປີດເຜີຍເລື່ອງລາວດັ່ງກ່າວໂດຍແຈ້ງວ່າ: ໃນອາທິດກ່ອນທ່ານ ຣີສແຕໄດ້ເຂົ້າປະຊຸມກັບ ສະມາຊິກສະພາ(ສສ) ຈຳນວນ 5 ຄົນ ເຊິ່ງຖືກກວດພົບພາຍຫຼັງວ່າຕິດເຊື້ອ ຍ້ອນໄດ້ປະຊຸມຮ່ວມກັນເປັນເວລາຫຼາຍວັນ.

ປະທານາທິບໍດີເອັມດີເອັມມານູເອວ ມາຄົງ(ຂວາມື) ແລະ ຜູ້ຊ່ວຍເລັ່ງປະຊຸມຜ່ານວີດີໂອຄໍຫາປະທານສະພາຢູໂຣບ ທີ່ທຳນຽບປະທານາທິບໍດີ

ຍັງມີລາຍງານຂ່າວຈາກສຳນັກຂ່າວ ຣອຍເຕີອີກວ່າ ທ່ານປະທານາທິບໍດີມາຄົງ ໄດ້ເດີນທາງໄປຢາມໂຮງໝໍເດັກແຫ່ງໜຶ່ງ ໃນວັນອັງຄານທີ 10 ມີນານີ້ ພ້ອມຮຽກຮ້ອງໃຫ້ຊາວຝຣັ່ງຈົ່ງຢູ່ໃນຄວາມສະຫງົບ ຫຼັງມີສັນຍານຂອງຄວາມຕື່ນຕົກໃຈ ແລະພາກັນໄປຊື້ສິນຄ້າມາກັກຕຸນໄວ້ເປັນຈຳນວນຫຼາຍໃນນະຄອນຫຼວງປາຣີ. ໃນເວລາດຽວກັນ ທ່ານ ມາຄົງກໍ່ກ່າວເຕືອນວ່າ ຕອນນີ້ພວກເຮົາຍັງຢູ່ພຽງຈຸດເລີ່ມຕົ້ນເທົ່ານັ້ນ.

ທັ້ງນີ້ມີລາຍງານວ່າ ສຳລັບປະເທດຝຣັ່ງແມ່ນມີຜູ້ຕິດເຊື້ອໂຄວິດ-19ສະເພາະໃນວັນອັງຄານທີ 10 ຈຳນວນ 372 ຄົນ ເຮັດໃຫ້ຍອດທັງໝົດລວມເປັນ 1.784 ຄົນນັບເປັນປະເທດທີ່ມີຜູ້ຕິດເຊື້້ອຫຼາຍເປັນອັບດັບສອງໃນຢູໂຣບ, ສ່ວນຜູ້ເສຍຊີວິດມີ 33 ລາຍ.