ພາຍຸເຂົ້າຫຼວງພະບາງກະທັນຫັນ ຕອນນີ້ຍັງປະເມີນມູນຄ່າບໍ່ໄດ້

ພາຍຸເຂົ້າຫຼວງພະບາງກະທັນຫັນ ຕອນນີ້ຍັງປະເມີນມູນຄ່າບໍ່ໄດ້

28th March 2022 0 By Education

ຕາມລາຍງານຈາກປະຊາຊົນທ້ອງຖີ່ນແຈ້ງວ່າ ໃນຕອນແລງຂອງວັນທີ 27 ມີນາ 2022 ໄດ້ເກີດຝົນຕົກໜັກລົມພັດແຮງຢູ່ແຂວງຫຼວງພະບາງ ເຮັດໃຫ້ສິ່ງຂອງປີວກະແຈກກະຈາຍ ຫລັງຄາຫຼາຍຫຼັງຖືກເປີດໄປກັບສາຍລົມ.

ຂະນະທີ່ພະ​ຍາ​ກອນ​ອາ​ກາດ ປະ​ຈຳ​ວັນ​ທີ 27 ມີ​ນາ 2022 ລະບຸວ່າ: ບໍລິເວນຄວາມກົດດັນຕໍ່າຂອງອາກາດຮ້ອນທີ່ມີກຳລັງປານກາງໄດ້ສືບຕໍ່ປົກຄຸມເຂດພາກເໜືອດ້ານຕາເວັນຕົກ ລົງຫາ ພາກກາງ ແລະ ພາກໃຕ້ ສົມທົບກັບກະແສລົມຕາເວັນຕົກພັດປົກຄຸມ ພ້ອມດຽວກັນມວນອາກາດເຢັນຈາກປະເທດຈີນໄດ້ແຜ່ລົງມາປົກຄຸມເຂດພາກເໜືອດ້ານຕາເວັນອອກ ແລະ ຈະມີທ່າອ່ຽງເພີ່ມຂຶ້ນປົກຄຸມເຂດພາກກາງ.

ຊຶ່ງລັກສະນະເຊັ່ນນີ້ ຍັງຈະເຮັດໃຫ້ອາກາດຮ້ອນ ພ້ອມມີຝົນຕົກຟ້າຮ້ອງຟ້າເຫຼືອມໃນລະດັບຄ່ອຍ ຫາ ປານກາງ ແລະ ມີລົມພັດແຮງຢູ່ບາງທ້ອງຖິ່ນໃນແຕ່ລະພາກ.

ຕາມລາຍງານເບື້ອງຕົ້ນແມ່ນເສຍຫາຍຫຼາຍສົມຄວນ

ລາຍລະອຽດເປັນແນວໃດຈະລາຍງານອີກຕາມພາຍຫຼັງ