ບລິນເຄັນ ກ່າວ ອ​າ​ເມ​ລິ​ກາ ບໍ່​ມີ​ເຈດ​ຈຳ​ນົງ​ຢາກ​ປ່ຽນ​ແປງ​ລະ​ບອບ​ຢູ່ ຣັດ​ເຊຍ ຫຼັງປະທານາທິບໍດີໄບເດັນ ກ່າວເຖິງຜູ້ນຳຣັດເຊຍ ວ່າບໍ່ສາມາດສືບຕໍ່ກຳອຳນາດໄດ້ແລ້ວ

ບລິນເຄັນ ກ່າວ ອ​າ​ເມ​ລິ​ກາ ບໍ່​ມີ​ເຈດ​ຈຳ​ນົງ​ຢາກ​ປ່ຽນ​ແປງ​ລະ​ບອບ​ຢູ່ ຣັດ​ເຊຍ ຫຼັງປະທານາທິບໍດີໄບເດັນ ກ່າວເຖິງຜູ້ນຳຣັດເຊຍ ວ່າບໍ່ສາມາດສືບຕໍ່ກຳອຳນາດໄດ້ແລ້ວ

29th March 2022 0 By Admin

ວັນທີ 27 ມີນາ, ທ່ານລັດຖະມົນຕີການຕ່າງປະເທດ ອາເມລິກາ ແອັນໂທນິ ບລິນ ເຄັນ Antony Blinken ຢັ້ງຢືນວ່າ ອາເມລິກາ ບໍ່ມີແຜນການປ່ຽນແປງລະບອບຢູ່ ລັດເຊຍ. ຄຳຢັ້ງຢືນດັ່ງກ່າວ ໄດ້ຍົກຂຶ້ນມາພາຍຫຼັງທີ່ທ່ານປະທານາທິບໍດີ Joe Biden ຖະແຫຼງວ່າຄູ່ຕຳແໜ່ງ ຣັດເຊຍ ລະວາດີເມຍ ປູຕິນ  “ບໍ່ສາມາດສືບຕໍ່ກຳອຳນາດໄດ້ແລ້ວ”.

ທ່ານລັດຖະມົນຕີການຕ່າງປະເທດ ອາເມລິກາຖືວ່າ ທັດສະນະ ເຊິ່ງ ທຳນຽບຂາວຍົກອອກມາໝາຍຄວາມວ່າ ທ່ານປະທານາທິບໍດີ ວະລາດີເມຍ ປູຕິນ  ບໍ່ມີສິດຜັນຂະຫຍາຍບັ້ນການທະຫານພິເສດຢູ່ ຢູເຄນ ຫຼື ບໍ່ວ່າຢູ່ບ່ອນໃດອີກແລ້ວ.

ກ່ອນໜ້ານັ້ນ, ໃນການພົບປະກັບບັນດາລັດຖະມົນຕີ ຢູເຄນທີ່ເຂົ້າຮ່ວມກອງປະຊຸມສຸດຍອດກັບບັນດາປະເທດສຳພັນທະມິດຂຶ້ນກັບອົງການສົນທິສັນຍາ ອັດລັງຕິກເໜືອ NATO ແລະ ສະຫະພາບເອີຣົບ (ອີຢູ), ທ່ານປະທານາທິບໍດີ ໂຈ ໄບເດັນ ຕຳໜິຕິຕຽນທ່ານປະທານາທິບໍດີ ວະລາດີເມຍ ປູຕີນ , ພ້ອມທັງຖືວ່າ ການນຳ ຣັດເຊຍ “ບໍ່ສາມາດກຳອຳນາດຕໍ່ໄດ້”.

ການພົວພັນລະຫວ່າງ ລັດເຊຍ ແລະ ອາເມລິກາ ກໍຄືບັນດາປະເທດ ຝ່າຍຕາເວັນຕົກພວມຕົກເຂົ້າສູ່ລະດັບຕ່ຳສຸດ. ວົງການນັກວິເຄາະຖືວ່າ ເລື່ອງ NATO ປັບປຸງຄວາມໝັ້ນຄົງຢູ່ພາກຕາເວັນອອກ ແມ່ນເຫດຜົນເລິກເຊິ່ງທີ່ພາໄປເຖິງເກີດຄວາມເຄັ່ງຕຶງລະຫວ່າງຝ່າຍຕາເວັນຕົກ ກັບ ຣັດເຊຍ, ເຊິ່ງເຮັດໃຫ້ ຣັດເຊຍ ຜັນຂະຫຍາຍບັ້ນການທະຫານພິເສດຢູ່ ຢູເຄນ ໃນວັນທີ 24 ກຸມພາ.