ຮູ້ຈັກວິວ ສະມິດ ມືຕົບກາງງານມອບລາງວັນອັອສກາ

ຮູ້ຈັກວິວ ສະມິດ ມືຕົບກາງງານມອບລາງວັນອັອສກາ

29th March 2022 0 By Education

ເລື່ອງລາວກຳລັງຟົດຮ້ອນ ເວົ້າໄດ້ວ່າການເປັນນັກສະແດງມາຫຼາຍປີຂອງວິວສະມີດ ຄົນທົ່ວໂລກຍັງບໍ່ຮູ້ຈັກຫຼາຍເທົ່າກັບການໄປຕົບໜ້າພິທີກອນດັງພຽງຄັ້ງດຽວ ທ່າມກາງຜູ້ຊົມທົ່ວໂລກຢູ່ກຳລັງຢູ່ລະຫວ່າງການຖ່າຍຖອດສົດໃນພິທີມອບລາງວັນອັອສກາຄັ້ງທີ 94 ທີ່ສະຫະລັດເມື່ອວັນທີ 28 ມີນາຜ່ານມາ.

ພາຍຫຼັງເກີດເລື່ອງຄລິບດັ່ງກ່າວຖືກແຊຢ່າງແຜ່ຫຼາຍໃນສື່ສັງຄົມອອນລາຍ ແລະກາຍເປັນກະແສລົບເຂົ້າມາທັນທີກັບນັກສະແດງດັງລະດັບຮໍລີວູດ.

ສຳລັບວິວ ສະມິດ ມີຊື່ແທ້ວ່າ ວິວຣາ ແຄໂຣ ສະມິດ ຈູເນຍ  ແມ່ນເກີດເມື່ອວັນທີ 25 ກັນຍາປີ 1968 ເປັນທັງນັກສະແດງ, ນັກຮ້ອງສາຍແຣັບ ແລະຜູ້ກຳກັບ ອຳນວຍການ ການສ້າງໜັງ.

ຜົນງານຜ່ານມາບໍ່ທຳມະດາໄດ້ເປັນໜຶ່ງໃນ 50 ຄົນທີ່ສະແດງໜັງທີ່ສ້າງລາຍໄດ້ຫຼາຍທີ່ສຸດໃນໂລກ ແລະໄດ້ຮັບຜົນງານດ້ານວົງການບັນເທິງມາມາກມາຍກ່າຍກອງຈົນມື້ຂຶ້ນໄປຕົບພິທີກອນເທິງເວທີກໍ່ແມ່ນມາຮັບລາງວັນດາລານຳຊາຍດີເດັ່ນແຫ່ງປີເຊັ່ນກັນ.

ຢ່າງໃດກໍ່ຕາມຫຼັງເກີດເຫດ Will Smith ແມ່ນໄດ້ອອກມາໂພສຂໍໂທດຕໍ່ Chris Rock (ພິທີກອນ) ແລະ ທຸກຄົນລະບຸວ່າ:
“ຄວາມຮຸນແຮງທຸກຮູບແບບເປັນເລື່ອງທີ່ຮ້າຍແຮງ ແລະ ເປັນສິ່ງທີ່ອັນຕະລາຍ. ພຶດຕິກຳຂອງຂ້ອຍເມື່ອຄືນທີ່ຜ່ານມາໃນການປະກາດລາງວັນອອສກາເປັນເລື່ອງທີ່ຍອມຮັບບໍ່ໄດ້ ແລະ ບໍ່ມີຂໍ້ອ້າງແກ້ໂຕແຕ່ຢ່າງໃດ. ມຸກຕະຫລົກທີ່ມຸ່ງມາທີ່ຂ້ອຍເປັນສ່ວນຫນຶ່ງຂອງອາຊີບນັກສະແດງ ແຕ່ມຸກຕະຫລົກທີ່ແຕະຕ້ອງເຖິງພັນລະຍາຂ້ອຍ ເປັນເລື່ອງທີ່ຫລາຍເກີນໄປ ແລະ ເຮັດໃຫ້ຂ້ອຍຕອບໂຕ້ດ້ວຍອາລົມ.

ຂ້ອຍຢາກຂໍໂທດຕໍ່ ຄຣິສ, ຂ້ອຍເຮັດໂຕອອກນອກລູ່ນອກທາງ ແລະ ຂ້ອຍຍອມຮັບຜິດ. ຂ້ອຍລະອາຍໃຈຕໍ່ເຫດການນີ້ ແລະ ການກະທຳຂອງຂ້ອຍບໍ່ໄດ້ເປັນໂຕບົ່ງບອກວ່າຂ້ອຍຢາກເປັນຄົນແບບໃດ. ໃນໂລກນີ້ທີ່ເຕັມໄປດ້ວຍຄວາມຮັກ ແລະ ຄວາມໃຈດີ ບໍ່ມີພື້ນທີ່ໃຫ້ກັບຄວາມຮຸນແຮງ.


ຂ້ອຍຢາກຈະຂໍໂທດ ອອສກາ ແລະ ໂພຣດິວເຊີ, ຜູ້ເຂົ້າຮ່ວມງານ, ຜູ້ຊົມທາງບ້ານທົ່ວໂລກ ແລະ ຂ້ອຍຢາກຂໍໂທດຄອບຄົວຂອງ ວິລລຽມ ແລະ ຄອບຄົວທີມຮູບເງົາ “King Richard”. ຂ້ອຍຮູ້ສຶກເສຍໃຈກັບພຶດຕິກຳຂອງໂຕເອງຫລາຍ ເພາະມັນເຮັດໃຫ້ເກີດຮອຍແປດເປື້ອນໃນການເດີນທາງທີ່ແສນສວຍງາມຂອງພວກເຮົາ.