ເກີດແຜ່ນດິນໄຫວ ໃນບໍລິເວນ ເມືອງປາກອູ ແຂວງຫລວງພະບາງ ຄວາມແຮງ 3,1ຣິກເຕີ

ເກີດແຜ່ນດິນໄຫວ ໃນບໍລິເວນ ເມືອງປາກອູ ແຂວງຫລວງພະບາງ ຄວາມແຮງ 3,1ຣິກເຕີ

30th March 2022 0 By Admin

ກົມອຸຕຸນິຍົມ ແລະ ອຸທົກກະສາດ ໄດ້ລາຍງານສະພາບການເກີດແຜ່ນ ດິນໄຫວ ຈາກສູນຂ່າວສານແຜ່ນດິນໄຫວແຫ່ງຊາດ ຄັ້ງວັນທີ 29 ມີນາ 2022 ໃນເວລາ 23:46 ໂມງ ໄດ້ພົບສັນຍານການເກີດແຜ່ນດິນໄຫວພາຍໃນ ປະເທດລາວ ຈໍານວນ 01 ຄັ້ງ ໃນບໍລິເວນ ເມືອງປາກອູ ແຂວງຫລວງພະບາງ.

ມີຈຸດສູນກາງຢູ່ເສັ້ນຂະໜານທີ 20.208 ອົງສາເໜືອ ແລະ ເສັ້ນແວງທີ 102.355 ອົງສາຕາເວັນອອກ ດ້ວຍຄວາມແຮງສັ່ນສະເທືອນ ວັດແທກໄດ້ 3,1 ຣີກເຕີ ມີຄວາມເລິກຈາກເທິງໜ້າດິນປະມານ 10 ກິໂລແມັດ ເຊິ່ງຈຸດສູນກາງເກີດແຜ່ນດິນໄຫວແມ່ນຫ່າງຈາກເທສະບານ ເມືອງປາກອູ ປະມານ 21 ກິໂລແມັດ.

ເຫດການແຜ່ນດິນໄຫວໃນເບື້ອງຕົ້ນຍັງບໍ່ມີລາຍງານຜົນເສຍຫາຍ.