ລະບຸສະໜາມບິນວັດໄຕ ຫງຽບເຫງົາທີ່ສຸດເທົ່າທີ່ເຄີຍມີ

ລະບຸສະໜາມບິນວັດໄຕ ຫງຽບເຫງົາທີ່ສຸດເທົ່າທີ່ເຄີຍມີ

11th March 2020 0 By Education

ເປັນທຳມະດາຂອງຫຼາຍໆປະເທດຍາມນີ້ທີ່ມີການລະບາດຂອງພະຍາດໂຄວິດ-19 ຫຼາຍສາຍການບິນຍົກເລີກ ແລະຢຸດການບິນຊົ່ວຄາວກໍ່ຈະເຮັດໃຫ້ບັນຍາກາດພາຍໃນສະໜາມບິນບໍ່ຄືກຄື້ນຄືແຕ່ກ່ອນ ເຊັ່ນດຽວກັບສະໜາມບິນສາກົນວັດໄຕຂອງລາວເຮົາ ປະເທດເຮົາມີເຮືອບິນບໍ່ຫຼາຍ ເມື່ອສາຍການບິນປະເທດອື່ນໂຈະກໍ່ເຮັດໃຫ້ງຽບເຫງົາໄປພໍສົມຄວນ.

ຕາມຂ່າວໃຫ້ຮູ້ວ່າ: ສະໜາມບິນສາກົນວັດໄຕ ຈະເລີ່ມງຽບເຫງົາທີ່ສຸດເທົ່າທີ່ເກີດຂຶ້ນ,ນັບແຕ່ຊ່ວງເດືອນມີນາ 2020 ເປັນຕົ້ນໄປ…
ເຊິ່ງໃນປະຈຸບັນມີບາງສາຍການບິນຕ່າງປະເທດໄດ້ຍົກເລີກ ຖ້ຽວບິນແລ້ວ ເຊັ່ນ: JinAir T-Way ແລະ ຫຼ້າສຸດ Bangkok Airways ,ລວມເຖິງສາຍການບິນພາຍໃນປະເທດເຮົາ ເຊັ່ນ ການບິນລາວ ແລະ ລາວສະກາຍເວ ຕ່າງກໍ່ຫຼຸດເສັ້ນບິນລົງ ເນື່ອງຈາກສາເຫດຫຼັກຄືຈໍານວນຜູ້ໂດຍສານມີໜ້ອຍ ທີ່ກັງວົນໄວຣັດ COVID-19.

ເຊິ່ງສາຍການບິນທົ່ວໂລກຕ່າງກໍ່ພະຍາຍາມຮັກສາ ສະຖານະການເງິນ ແລະ ລາຍຮັບຂອງຕົນເອງໄວ້,ລວມເຖິງການໃຫ້ພະນັກງານພັກວຽກໂດຍບໍ່ຮັບເງິນເດືອນ, ຈຶ່ງມີຄວາມຈໍາເປັນຕ້ອງຕັດເສັ້ນທາງບາງສາຍອອກກ່ອນ.

ຕາມລາຍງານ ສາຍການບິນບາງກອກແອເວໄດ້ປະກາດໂຈະຊົວຄາວເສັ້ນບິນ ກຸງເທບ-ວຽງຈັນ  ເລີ່ມຕັ້ງແຕ່ ວັນທີ 10 ມີນາ ເປັນຕົ້ນໄປ ເນື່ອງຈາກອິດທິພົນຂອງ Covid-19.

ຂໍ້ມູນ: Aero Laos, Lao Youth Radio