ລັດຖະມົນຕີ ກະຊວງການຕ່າງປະເທດຈີນ-ຣັດເຊຍ ພົບປະເຈລະຈາຍົກສູງການຮ່ວມມື ແລະ ສົນທະນາບັນຫາຢູເຄນ

ລັດຖະມົນຕີ ກະຊວງການຕ່າງປະເທດຈີນ-ຣັດເຊຍ ພົບປະເຈລະຈາຍົກສູງການຮ່ວມມື ແລະ ສົນທະນາບັນຫາຢູເຄນ

31st March 2022 0 By Admin

CRI, ວັນທີ 30 ມີນານີ້,ຢູ່ເມືອງຖຸນຊີ່ແຂວງອ່ານຫຸ່ຍ,ທ່ານຫວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ຈັດການພົບປະເຈລະຈາກັບທ່ານເຊີເກ ລາຟລົຟ ລັດຖະມົນຕີກະຊວງການຕ່າງປະເທດຣັດເຊຍທີ່ມາປະເທດຈີນເພື່ອເຂົ້າຮ່ວມກອງປະຊຸມລັດຖະມົນຕີກະຊວງການຕ່າງປະເທດຂອງປະເທດໃກ້ຄຽງອາຟະການິດ ສະຖານຄັ້ງທີ 3.ສອງຝ່າຍໄດ້ກ່າວ ເນັ້ນໜັກເຖິງການຈັດຕັ້ງປະຕິບັດຄວາມເຫັນຮ່ວມກັນອັນສຳຄັນຂອງປະມຸກລັດ ສອງປະເທດເພື່ອຊຸກຍູ້ສາຍພົວພັນລະຫວ່າງຈີນ-ຣັດເຊຍໃຫ້ກ້າວໄປສູ່ລະດັບສູງກວ່າເກົ່າຢ່າງບໍ່ຢຸດຢັ້ງ.


ທ່ານລາຟລົຟໄດ້ແຈ້ງສະພາບການເຈລະຈາລະຫວ່າງຣັດເຊຍ-ຢູເຄນໃຫ້ ຊາບໂດຍກ່າວວ່າ:ຣັດເຊຍສຸມໃສ່ການຫຼຸດອຸນຫະພູມຂອງສະຖານະການທີ່ເຄັ່ງ ຕຶງ,ຈະສືບຕໍ່ເຈລະຈາສັນຕິພາບກັບຢູເຄນ ພ້ອມທັງສືບຕໍ່ແລກປ່ຽນຄວາມເຫັນກັບປະຊາຄົມໂລກ.
ທ່ານຫວາງຢີ້ກ່າວວ່າ:ບັນຫາອູແກຣນມີຄວາມເປັນມາທີ່ສັບສົນທາງປະຫວັດ ສາດ,ທັງແມ່ນການລະເບີດຄວາມຂັດແຍ້ງດ້ານຄວາມໝັ້ນຄົງຂອງເອີຣົບທີ່ໄດ້ສະສົມມາເປັນເວລາຍາວນານ,ທັງແມ່ນຜົນຈາກແນວຄິດສົງຄາມເຢັນແລະການເປັນປໍລະປັກກັນລະຫວ່າງກຸ່ມກ້ອນ.

ພາຍໃຕ້ສະຖານະການໃນປັດຈຸບັນ,ພວກຂ້າພະເຈົ້າສະໜັບສະໜູນຣັດເຊຍແລະຢູເຄນທັງສອງຝ່າຍຜ່ານຜ່າຄວາມຫຍຸ້ງຍາກເພື່ອສືບຕໍ່ການເຈລະຈາສັນຕິພາບ,ສະໜັບສະໜູນຜົນສຳເລັດທີ່ຕັ້ງໜ້າທີ່ການເຈລະຈາໄດ້ຮັບຈົນມາຮອດປັດຈຸບັນ,ສະໜັບສະໜູນສະຖານະການໃນປັດຈຸບັນບັນລຸການຫຼຸດອຸນຫະພູມໂດຍໄວ,ສະໜັບສະໜູນຄວາມພະຍາຍາມຂອງຣັດເຊຍພ້ອມດ້ວຍຝ່າຍຕ່າງໆເພື່ອປ້ອງກັນບໍ່ໃຫ້ເກີດວິກິດການມະນຸດສະທຳຂະໜາດໃຫຍ່.

ເມື່ອສັງເກດເບິ່ງໃນໄລຍະຍາວແລ້ວເຫັນວ່າ:ຄວນຖອດຖອນບົດຮຽນທາງລົບຈາກວິກິດການຢູເຄນ,ຕອບຮັບຄວາມຫ່ວງໃຍດ້ານຄວາມໝັ້ນຄົງທີ່ສົມເຫດສົມຜົນຂອງຝ່າຍຕ່າງໆບົນພື້ນຖານຫຼັກການຕ່າງຝ່າຍຕ່າງເຄົາລົບກັນແລະຄວາມໝັ້ນຄົງທີ່ຕັດແຍກອອກບໍ່ໄດ້,ຜ່ານການສົນທະນາແລະເຈລະຈາກັນເພື່ອສ້າງຂອບຄວາມໝັ້ນຄົງເອີຣົບທີ່ສະໝ່ຳສະເໝີ ມີປະສິດທິພາບແລະຍືນ ຍົງເພື່ອບັນລຸຄວາມໝັ້ນຄົງຍາວນານຂອງເອີຣົບ.