ກວດເບິ່ງແຂວງຂອງທ່ານຕົກເປັນຄົນລະເທົ່າໃດ ຄ່າໂດຍສານທາງໄກ ຈາກການປັບຂຶ້ນຄັ້ງຫຼ້າສຸດ

ກວດເບິ່ງແຂວງຂອງທ່ານຕົກເປັນຄົນລະເທົ່າໃດ ຄ່າໂດຍສານທາງໄກ ຈາກການປັບຂຶ້ນຄັ້ງຫຼ້າສຸດ

10th April 2022 0 By Education

ປັດຈຸບັນຫຼາຍຄົນກຳລັງເດີນທາງກັບຖິ່ນຖານພຸມລຳເນົາເນື່ອງໃນໂອກາດບຸນປີໃໝ່ລາວ ດັ່ງນັ້ນແອັດມິນ ຈິ່ງຂໍນຳເອົາການປັບລາຄາລົດໂດຍສານຄັ້ງໜ້າສຸດມານຳສະເໜີໃຫ້ທ່ານຜູ້ອ່ານຕື່ມອີກຄັ້ງ ເພື່ອຈະເປັນປະໂຫຍດແກ່ທ່ານຜູ້ເດີນທາງ. ອີງໃສ່ສະພາບການປ່ຽນແປງຂອງລາຄານ້ຳມັນທີ່ຜັນຜວນ ແລະຖີບຕົວຂຶ້ນສູງ ເພື່ອໃຫ້ບັນດາຜູ້ປະກອບການຂົນສົ່ງໂດຍສານ ແລະສິນຄ້າສາມາດຢູ່ໄດ້ ພ້ອມທັງມີຜົນກຳໄລ ກະຊວງໂຍທາທິການ ແລະຂົນສົ່ງໄດ້ອອກແຈ້ງການສະບັບເລກທີ 05467/ຍທຂ.ຫກ ລົງວັນທີ 4 ມີນາ 2022 ວ່າດ້ວຍການປັບປຸງລາຄາຂົນສົ່ງໂດຍສານປະຈຳທາງ ແລະສິນຄ້າທາງບົກໃນຂອບເຂດທົ່ວປະເທດ ແມ່ນໃຫ້ປະຕິບັດຕາມນີ້:

ລາຄາຂົນສົ່ງປະຈຳທາງ ສາຍທາງນະຄອນຫຼວງວຽງຈັນຫາບັນດາແຂວງພາກເໜືອໃຫ້ປະຕິບັດລາຄາສຳລັບລົດເມທຳມະດາ(ພັດລົມ) 315 ກີບຕໍ່ຄົນຕໍ່ກິໂລແມັດ, ລົດເມດ່ວນປະເພດ2(ຕິດແອ)371 ກີບຄໍ່ຄົນບໍ່ກິໂລແມັດ ແລະດ່ວນພິເສດປະເພດ1 ຫຼື ລົດຕຽງນອນແມ່ນ 389 ກີບຕໍ່ຄົນຕໍ່ກິໂລແມັດ ເພື່ອຄວາມເຂົ້າໃຈເຮົາມາເບິ່ງຕົວເລກເຕັມຕາມໄລຍະທາງຕົວຈີງດັ່ງນີ້:

ນະຄອນຫຼວງວຽງຈັນ-ຜົ້ງສາລີ ໄລຍະທາງຍາວ 820 ກິໂລແມັດ ລົດເມຊັ້ນທຳມະດາ 250.000 ກີບ, VIP1 300.000 ກີບ, VIP2 320.000 ກີບ.
ນະຄອນຫຼວງວຽງຈັນ-ບໍ່ແກ້ວ ໄລຍະທາງຍາວ 900 ກິໂລແມັດ ລົດເມທຳມະດາ280.000 ກີບ, VIP1 330.000 ກີບ, VIP2 350.000 ກີບ.
ນະຄອນຫຼວງວຽງຈັນ-ຫຼວງນ້ຳທາ ໄລຍະທາງຍາວ 700 ກິໂລແມັດ ລົດເມຊັ້ນທຳມະດາ 220.000 ກີບ, VIP1 250.000, VIP2 270.000 ກີບ.


ນະຄອນຫຼວງວຽງຈັນ-ອຸດົມໄຊ ໄລຍະທາງຍາວ 584 ກິໂລແມັດ ລົດເມຊັ້ນທຳມະດາ 180.000 ກີບ, VIP1 210.000 ກີບ, VIP2 230.000 ກີບ.
ນະຄອນຫຼວງວຽງຈັນ-ຫົວພັນ ໄລຍະທາງຍາວ 750 ກິໂລແມັດ ລົດເມຊັ້ນທຳມະດາ 230.000 ກີບ, VIP1 270.00 ກີບ, VIP2 290.000 ກີບ.
ນະຄອນຫຼວງວຽງຈັນ-ຫຼວງພະບາງ ແລະ ນະຄອນຫຼວງວຽງຈັນ-ຊຽງຂວາວງແມ່ນມີໄລະທາງເທົ່າກັນຄື 400ກິໂລແມັດ ລົດເມຊັ້ນທຳມະດາ 130.000 ກີບ, VIP1 150.000 ກີບ, VIP2 170.000 ກີບ.

ນະຄອນຫຼວງວຽງຈັນ-ໄຊຍະບູລີ ໄລຍະທາງຍາວ 380 ກິໂລແມັດ ລົດເມຊັ້ນທຳມະດາ 120.000 ກີບ, VIP1 140.000 ກີບ, VIP2 160.000 ກີບ.
ນະຄອນຫຼວງວຽງຈັນ-ປາກລາຍ ໄລຍະທາງຍາວ 330 ກິໂລແມັດ ລົດເມຊັ້ນທຳມະດາ 100.000 ກີບ, VIP1 140.000 ກີບ, VIP2 160.000 ກີບ.
ນະຄອນຫຼວງວຽງຈັນ-ໄຊສົມບູນ ໄລຍະທາງຍາວ 270 ກິໂລແມັດ ລົດເມຊັ້ນທຳມະດາ 80.000 ກີບ, VIP1 100.000 ກີບ, VIP2 110.000 ກີບ.
ນະຄອນຫຼວງວຽງຈັນ-ເມືອງແມດ ໄລຍະທາງຍາວ 270 ກິໂລແມັດ ລົດເມຊັ້ນທຳມະດາ 80.000 ກີບ, VIP1 100.000 ກີບ, VIP2 110.000 ກີບ.


ນະຄອນຫຼວງວຽງຈັນ-ວັງວຽງ ໄລຍະທາງຍາວ 160 ກິໂລແມັດ ລົດເມຊັ້ນທຳມະດາ 50.000 ກີບ, VIP1 60.000 ກີບ, VIP2 70.000 ກີບ.
ນະຄອນຫຼວງວຽງຈັນ-ກາສີ ໄລຍະທາງຍາວ 240 ກິໂລແມັດ ລົດເມຊັ້ນທຳມະດາ 70.00 ກີບ, VIP1 90.000 ກີບ, VIP2 100.000 ກີບ.
ນະຄອນຫຼວງວຽງຈັນ-ແກ່ນທ້າວ ໄລຍະທາງຍາວ 395 ກິໂລແມັດ ລົດເມຊັ້ນທຳມະດາ 120.000 ກີບ, VIP1 140.000 ກີບ, VIP2 150.000 ກີບ.

ສ່ວນລາຄາຂົນສົ່ງໂດຍສານປະຈຳທາງ ສາຍນະຄອນຫຼວງວຽງຈັນຫາບັນດາແຂວງພາກໃຕ້ໃຫ້ປະຕິບັດລາຄາສຳລັບລົດມາຊັ້ນທຳມະດາ 235 ກີບຕໍ່ຄົນຕໍ່ກິໂລແມັດ, ລົດເມດ່ວນປະເພດ2(VIP2) 268 ກີບຕໍ່ຄົນກິໂລແມັດ, ລົດເມດາວນພິເສດປະເພດ1(VIP1) 280 ກີບຕໍ່ຄົນຕໍ່ກິໂລແມັດ ລາຍລະອຽດດັ່ງນີ້:

ນະຄອນຫຼວງວຽງຈັນ-ສະຫວັນນະເຂດ ໄລຍະທາງຍາວ 470 ກີໂລແມັດ ລົດເມຊັ່ນທຳມະດາ 110.000ກີບ, VIP1 125.000 ກີບ, VIP2 135.000 ກີບ.
ນະຄອນຫຼວງວຽງຈັນ-ສາລະວັນ ໄລຍະທາງຍາວ 677 ກີໂລແມັດ ລົດເມຊັ່ນທຳມະດາ 150.000ກີບ, VIP1 180.000 ກີບ, VIP2 220.000 ກີບ.
ນະຄອນຫຼວງວຽງຈັນ-ຈຳປາສັກ ໄລຍະທາງຍາວ 675 ກີໂລແມັດ ລົດເມຊັ່ນທຳມະດາ 130.000 ກີບ, VIP1 160.000 ກີບ, VIP2 200.000 ກີບ.
ນະຄອນຫຼວງວຽງຈັນ-ເຊກອງ ໄລຍະທາງຍາວ 815 ກີໂລແມັດ ລົດເມຊັ່ນທຳມະດາ 190.000 ກີບ, VIP1 220.000 ກີບ, VIP2 230.000 ກີບ.


ນະຄອນຫຼວງວຽງຈັນ-ອັດຕະປື ໄລຍະທາງຍາວ 879 ກີໂລແມັດ ລົດເມຊັ່ນທຳມະດາ 210.000ກີບ, VIP1 235.000 ກີບ, VIP2 250.000 ກີບ.
ນະຄອນຫຼວງວຽງຈັນ-ນ້ຳທອນ ໄລຍະທາງຍາວ 255 ກີໂລແມັດ ລົດເມຊັ່ນທຳມະດາ 60.000 ກີບ, VIP1 70.000 ກີບ, VIP2 80.000 ກີບ.
ນະຄອນຫຼວງວຽງຈັນ-ຫຼັກ20 ໄລຍະທາງຍາວ365 ກີໂລແມັດ ລົດເມຊັ່ນທຳມະດາ 100.000ກີບ, VIP1 110.000 ກີບ, VIP2 120.000 ກີບ.

ນະຄອນຫຼວງວຽງຈັນ-ຄຳມ່ວນ ໄລຍະທາງຍາວ 353 ກີໂລແມັດ ລົດເມຊັ່ນທຳມະດາ 85.000 ກີບ, VIP1 100.000 ກີບ, VIP2 110.000 ກີບ.
ນະຄອນຫຼວງວຽງຈັນ-ດອນຕະຫຼາດ ໄລຍະທາງຍາວ 840 ກີໂລແມັດ ລົດເມຊັ່ນທຳມະດາ 200.000 ກີບ, VIP1 225.000 ກີບ, VIP2 240.000 ກີບ.
ນະຄອນຫຼວງວຽງຈັນ-ເວີນຄາມ ໄລຍະທາງຍາວ 945 ກີໂລແມັດ ລົດເມຊັ່ນທຳມະດາ 220.000 ກີບ, VIP1 250.000 ກີບ, VIP2 270.000 ກີບ.


ນະຄອນຫຼວງວຽງຈັນ-ດອນໂຂງ ໄລຍະທາງຍາວ 950 ກີໂລແມັດ ລົດເມຊັ່ນທຳມະດາ 220.000 ກີບ, VIP1 250.000 ກີບ, VIP2 270.000 ກີບ.
ນະຄອນຫຼວງວຽງຈັນ-ນາກາຍ ໄລຍະທາງຍາວ 420 ກີໂລແມັດ ລົດເມຊັ່ນທຳມະດາ 100.000 ກີບ, VIP1 110.000 ກີບ, VIP2 120.000 ກີບ.
ນະຄອນຫຼວງວຽງຈັນ-ອັດຕະປື ໄລຍະທາງຍາວ 879 ກີໂລແມັດ ລົດເມຊັ່ນທຳມະດາ 200.000 ກີບ, VIP1 235.000 ກີບ, VIP2 250.000 ກີບ.

ນອກຈາກນີ້ແລ້ວສາຍທາງລະຫວ່າງແຂວງ, ພາຍໃນແຂວງ ແມ່ນໃຫ້ພະແນກໂຍທາທິການ ແລະຂົນສົ່ງແຂວງ, ນະຄອນຫຼວງ ເປັນຜູ້ຄິດໄລເອງ ສຳລັບສາຍທາງລະຫວ່າງຕ້ອງໃຫ້ເອກະພາບກັນລະຫວ່າງແຂວງຕົ້ນທາງ ແລະປາຍທາງ.
ຜົນການຄິດໄລ່ຄາຄາຄັ້ງນີ້ແມ່ນກຳນົດໃນລາຄານນ້ຳມັນລິດລະ 12.000 ກີບ ອັດຕາແລກປ່ຽນ 11.000 ກີບ/ໂດລາ ຖ້າຫາກລາຄານ້ຳມັນມີການຂຶ້ນ-ລົງຮອດ 20% ແມ່ນໃຫ້ບັນດາພະແນກໂຍທາທິການ ແລະຂົນສົ່ງແຂວງ, ນະຄອນຫຼວງ ຄິດໄລ່ລາຄາຫົວໜ່ວຍຄືນໃໝ່ ຕາມໂຄງສ້າງຫົວໜ່ວຍທີ່ເໝາະສົມ ແລະສະເໜີກົມຂົນສົ່ງ ເພື່ອພິຈາລະນາຮັບຮອງເອົາ.