ລາມໄວເຫຼືອເກີນ! ພຽງ 20ນາທີ ໄຟໄໝ້ກຸດຕິ ວອດໝົດຫຼັງ ເຄື່ອງກອງບຸນບໍ່ເຫຼືອຈັກຢ່າງ

ລາມໄວເຫຼືອເກີນ! ພຽງ 20ນາທີ ໄຟໄໝ້ກຸດຕິ ວອດໝົດຫຼັງ ເຄື່ອງກອງບຸນບໍ່ເຫຼືອຈັກຢ່າງ

12th March 2020 0 By Education

ໃນຕອນເຊົ້າວັນທີ 12 ມີນາ 2020 ໄດ້ເກີດເຫດການໄຟໄໝ້ ກຸດຕິວັດສຸລິຍານຸພາໂວ ມັງຄະຣາມ (ວັດນາເຫຼັກ), ບ້ານນາເຫຼັກ ເມືອງສາລະວັນ ແຂວງສາລະວັນ ພຽງ 20 ກວ່ານາທີ ເຮັດໃຫ້ໄຟລາມໄປຢ່າງໄວວາ ບໍ່ສາມາດເກັບເຄື່ອງໄດ້ທັນ ແຕ່ໂຊກດີທີ່ຄວບຄຸມໄຟບໍ່ໃຫ້ລາມໄປໃສ່ບ່ອນອື່ນໄດ້ທັນ ຄາດຄະເນຜົນເສຍຫາຍເບື້ອງຕົ້ນ 200 ລ້ານກວ່າກີບ.

ພຣະອາຈານ ສົມເດັດ ຕວນ ລຸນນະວົງສາ ເຈົ້າອະທິການວັດນາເຫຼັກ ໄດ້ເລົ່າວ່າ: ເຫດການດັ່ງກ່າວໄດ້ເກີດຂຶ້ນໃນເວລາ 9:00 ໂມງ ຂອງວັນທີ 12 ມີນານີ້ ແລະ ໄຟໄດ້ລຸກລາມໄໝ້ຢ່າງໄວວາ  ແຕ່ໂຊກດີບໍ່ມີຜູ້ໃດໄດ້ຮັບບາດເຈັບ, ເນື່ອງຈາກພຣະສົງ-ສຳມະເນນ ຈຳນວນໜື່ງໄດ້ໄປໂຮງຮຽນ.

ພຣະອາຈານເລົ່າເຫດການກ່ອນໄຟໄໝ້ວ່າ: ໃນເບື້ອງຕົ້ນໄດ້ຍິນສຽງ ຈຶ່ງນໍາໄປເບິ່ງ ແລະ ພົບວ່າໄຟໄດ້ລຸກລາມໄໝ້ ຢ່າງໄວວາ, ຮຸນແຮງ ແລະ ບໍ່ສາມາດເອົາຫຍັງໄດ້ທັນ, ຍ້ອນວ່າກຸຕິຫຼັງນີ້ ໃຊ້ເປັນບ່ອນເກັບເຄື່ອງກອງບຸນ (ສາງເກັບເຄື່ອງ). ນອກນັ້ນຍັງມີອຸປະກອນ, ເຄື່ອງໃຊ້ຕ່າງໆ ແລະ ຜ້າຫົ່ມ, ໝອນ, ມຸ້ງ ແລະ ອື່ນໆ ຂອງສາມະເນນ ເປັນຈຳນວນຫຼາຍ ກໍ່ຖືກໄຟໄໝ້ໝົດກ້ຽງ. ທັງນີ້ ຍ້ອນສະພາບອາກາດຮ້ອນອົບເອົ້າຕື່ມອີກຈຶ່ງເຮັດໃຫ້ໄຟໄໝ້ຢ່າງໄວວາ.

ຫຼັງຈາກນັ້ນ ຈຶ່ງໄດ້ຕິດຕໍ່ຫາໜ່ວຍງານດັບເພີງ ມາສະກັດກັ້ນໄຟ ບໍ່ໄດ້ລຸກລາມໄປບ່ອນອື່ນ, ກຸດຕິດັ່ງກ່າວ ເປັນກຸດຕິ 2 ຊັ້ນ, ເຄີ່ງໄມ້ເຄີ່ງປູນ ເຊີ່ງມີຄວາມຊຸດໂຊມຫຼາຍພໍສົມຄວນແລ້ວ ໂດຍມີອາຍຸການນຳໃຊ້ດົນນານ 10 ກວ່າປີອີກ, ທາງວັດມີແຜນຈະມ້າງກຸດຕິດັ່ງກ່າວແລ້ວ ແຕ່ເກີດເຫດໄຟໄໝ້ກ່ອນ, ພຽງແຕ່ 20 ກວ່ານາທີ ເທົ່ານັ້ນ ເຮັດໃຫ້ໄຟໄໝ້ກຸດຕິໝົດຫຼັງ ແຕ່ໂຊກດີທີ່ສາມາດຄວບຄຸມບໍ່ໃຫ້ລາມໄປບ່ອນອື່ນໄດ້. ສຳລັບຄວາມເສຍຫາຍເບື່ອງຕົ້ນ ຄາດຄະເນປະມານ  200 ລ້ານກວ່າກີບ, ດ້ານສາເຫດເພີງໄໝ້ຄັ້ງນີ້ ໜ່ວຍງານກ່ຽວຂ້ອງສັນນິຖານວ່າ ແມ່ນໄຟຟ້າລັດວົງຈອນ.