ຈີນປະກາດຈຸດສູງສຸດຂອງໂຄວິດທີ່ລະບາດພາຍໃນປະເທດສິ້ນສຸດລົງແລ້ວ

ຈີນປະກາດຈຸດສູງສຸດຂອງໂຄວິດທີ່ລະບາດພາຍໃນປະເທດສິ້ນສຸດລົງແລ້ວ

12th March 2020 0 By Education

ໂຄສົກລັດຖະບານຈີນ ປະກາດວ່າຈຸກພິກສຸດຂອງການລະບາດຂອງພະຍາດປອດອັກເສບສາຍພັນໃໝ່ໃນປະເທດຈີນແມ່ນໄດ້ສິ້ນສຸດລົງແລ້ວ ຂະນະດຽວກັນບໍ່ມີລາຍງານຜູ້ປ່ວຍລາຍໃໝ່ໃນເມືອງອື່ນໆຂອງແຂວງຫູເປີ່ຍມາຄົບໜຶ່ງອາທິດພໍດີ, ແຕ່ອົງການອະນາໄມໂລກເຕືອນຕົວເລກຜູ້ຕິດເຊື້ອຍັງເພີ່ມຂຶ້ນຕໍ່ເນື່ອງໃນຫຼາຍປະເທດ.


ທ່ານໝີ່ ເຟີງ ໂຄສົກຄະນະກຳມະຫານສຸຂະພາບແຫ່ງຊາດຈີນໄດ້ຖະແຫຼງທີ່ນະຄອນຫຼວງປັກກິ່ງວ່າ ຈຳນວນຜູ້ປ່ວຍລາຍໃໝ່ໃນປະເທດຈີນໄດ້ຫຼຸດລົງຢ່າງຕໍ່ເນື່ອງ ແລະສະຖານະການການແພ່ລະບາດຢູ່ທົ່ວໂລກກໍ່ຖືວ່າຢູ່ໃນຕົວເລກບໍ່ສູງຫຼາຍ.


ທ່ານໝີ ເຜີຍວ່າ ຈຳນວນຜູ່ປ່ວຍລາຍໃໝ່ໃນອູຮັ່ນເມືອງເອກຂອງແຂວງຫູເປີ່ຍທາງຕອນກາງ ແລະເປັນສູນກາງຂອງການລະບາດໄດ້ຫຼຸດລົງສູ່ລະດັບຕົວເລກດຽວ ໂດຍມີລາຍງານຜູ້ປ່ວຍເພີ່ມພຽງ 8 ລາຍໃນວັນທີ 11 ມີນາ ຂະນະດຽວກັນກໍ່ບໍ່ມີລາຍງານຜູ້ປ່ວຍໃໝ່ໃນເມືອງອື່ນໆຂອງແຂວງດັ່ງກ່າວມາເປັນເວລາ 1 ອາທິດແລ້ວ.


ໂດຍຈີນແຜ່ນດິນໃຫຍ່ໄດ້ກວດພົບຜູ້ປ່ວຍທັງໝົດພຽງ 7 ລາຍໃນນັ້ນ 6 ລາຍເປັນຜູ້ທີ່ມາຈາກນອກປະເທດ, ຢ່າງໃດກໍ່ຕາມທ່ານໝີກ່າວວ່າ ສປ ຈີນ ຍັງບໍ່ລົດລະຄວາມພະຍາຍາມໃນການປ້ອງກັນພະຍາດຮ້າຍດັ່ງກ່າວ ແລະຍົກສູງເປັນວຽກບຸລິມະສິດສຳຄັນສູງສຸດຂອງປະເທດ.


ໃນດ້ານຂອງອົງການອະນາໄມໂລກລະບຸວ່າ: ມາຮອດມື້ນີ້ມີຜູ້ປ່ວຍໂຄວິດສະສົມ 118.000 ຄົນ ໃນ 114 ປະເທດ ແລະພູມີພາກ, ຍອດຜູ້ເສຍຊີວິດສູງເຖິງ 4.291 ຄົນ, ບໍ່ພຽງເທົ່ານີ້ປະເທດທີ່ໄດ້ຮັບຜົນກະທົບແລ້ວຈະຍັງຄົງມີແນວໂນ້ມສູງຂຶ້ນໄປເລື້ອຍໆໃນຕໍ່ໜ້ານີ້.