ຍິ່ງກວ່າຜີປອບ, ລູກໃພ້ອີຫຍັງບໍ່ທັນໄດ້ແຕ່ງວາງແຜນຂ້າພໍ່ແມ່ເຂົາແລ້ວ

ຍິ່ງກວ່າຜີປອບ, ລູກໃພ້ອີຫຍັງບໍ່ທັນໄດ້ແຕ່ງວາງແຜນຂ້າພໍ່ແມ່ເຂົາແລ້ວ

19th April 2022 0 By Education

ເຂົາວ່າຄວາມຮັກເຮັດໃຫ້ຄົນຕາບອດ ຖ້າໄດ້ຜູ້ໃຈບອດອີກ ຄົນຢູ່ໃກ້ແມ່ນມີອັນຕະລາຍຮອບດ້ານ ໜ້າຫຼັງບໍຖາມມັກຄິດເອງເອີເອງ ແລະລົງມືຢ່າງເລືອດເຢັນກັບຄົນທີ່ບໍ່ຮູ້ຈັກຫຍັງຄືກັບລູກໃພ້ລາຍນີ້ ຖາມແມ່ຍ່າບໍຈັກຜົວໂຕເອງພັດຄິດວ່າ ຍ່າສ່ຽມໃຫ້ໜີຂ້າຖີ້ມເສຍ!

ນາງ ນ້ອຍ ອາຍຸ 26 ປີ (ລຸກໃພ້ ) ຢູ່ບ້ານຊົງ ເມືອງນາກາຍ ແຂວງຄຳມ່ວນ ວ່າງແຜນຄາດຕະກຳ ນາງ ສັງວານ ຫຼື ນາງ ວັນ ອາຍຸ 50 ປີ ( ແມ່ຍ່າ ) ຢູ່ບ້ານປາກດົງ ເມືອງທ່າແຂກ, ຄິດວ່າແມ່ຍ່າ ຮູ້ເຫັນລູກຊາຍ ຫນີງານແຕ່ງດອງ.
ເຈົ້າໜ້າທີ່ ປກສ ເມືອງທ່າແຂກ ໃຫ້ຮູ້ວ່າ: ນາງ ນ້ອຍ ແລະ ທ້າວ ແປບຊີ້ ( ລູກຊາຍຂອງນາງ ວັນ ) ກຳລັງ ຈະແຕ່ງດອງກັນ, ໃກ້ຈະຮອດມື້ແຕ່ງ ຝ່າຍຊາຍ ຫນີຈາກງານແຕ່ງ , ຜູ້ເປັນຝ່າຍຍິງ ຄິດວ່າ ແມ່ຮູ້ເຫັນ ຈິ່ງມີຄວາມແຄ້ນ ໃຫ້ຜູ້ເປັນແມ່ຂອງຝ່າຍຊາຍ.


ເຫດການນີ້, ເກີດຂຶ້ນໃນເວລາ 18:00 ໂມງ ຂອງ ວັນ 10 ກຸມພາ 2022 ນາງນ້ອຍ ໄດ້ໂທລະສັບຫານາງ ສັງວານ ຫຼື ນາງວັນ ຜູ້ເປັນແມ່ຂອງ ທ້າວ ແປບຊີ້ ແລ້ວຖາມວ່າ ທ້າວ ແປບຊີ້ ໄປໃສແທ້. ນາງ ວັນ ຕອບ ບໍ່ຮູ້,ບໍ່ຈັກ, ນາງ ນ້ອຍ ໄດ້ເວົ້າຖ້າສິໄປແທ້ບໍ່ເວົ້າກັນກ່ອນ,ຄືບໍ່ເມື່ອຫາ ພໍ່ແມ່ເຮົາກ່ອນບາດຮອດຍາມກິນດອງເຂົາຖາມຊິເຮັດແນວໃດພວກເຈົ້າຄືມາເວົ້າສະບາຍແທ້ຢ້ານເສຍເງິນບໍ, ພາຍຫຼັງວາງໂທລະສັບແລ້ວນາງ ນ້ອຍ ຈື່ງມີແນວຄິດຢາກຮ້າຍ ໃສ່ນາງ ວັນ ຄິດວ່າບອກໃຫ້ ທ້າວແປບຊີ້ໜີຈາກຜູ້ກ່ຽວຈື່ງໄດ້ຈັບເອົາມີດເໜັບເຊື່ອງໃສ່ແອ່ວພ້ອມກັບເສື້ອຍືດແຂນສັ້ນສີດຳຂອງຜູ້ກ່ຽວແລ້ວຍ່າງໄປຕາມທາງມຸ້ງໜ້າໄປເຮືອນຂອງນາງ ວັນ ຢູ່ບ້ານປາກດົງ ເມືອງທ່າແຂກ ແຂວງຄຳມ່ວນ.


ຮອດ ເວລາ 23:00 ໂມງຂອງວັນດຽວກັນ ນາງ ນ້ອຍ ແມ່ນໄດ້ຍ່າງໄປຮອດເຮືອນ ຂອງນາງ ວັນ ແລ້ວໄປລີ້ຢູ່ແຈເຮືອນ ແລະ ເອົາເສື້ອປິດບັງໃບໜ້າ ຈາກນັ້ນ ໃຊ້ມິດທີ່ງັດປະຕູ ກຽມມານັ້ນເຂົ້າໄປລີ້ຢູ່ໃນເຮືອນໄດ້ປະມານ 30 ນາທີ, ທ້າວ ດາວອນ ຜົວຂອງນາງ ວັນ ລຸກມາ ເຂົ້າຫ້ອງນ້ຳ ເຫັນປະຕູເຮືອນຖືກງັດຈື່ງໄດ້ ປຸກຜູູ້ເປັນເມຍລຸກຂື້ນມາເບິ່ງແລ້ວໄດ້ພາກັນກວດກາເບິ່ງເຄື່ອງເຮືອນເຫັນວ່າບໍ່ມີຫຍັງເສຍຫາຍຈຶ່ງກັບນອນຄືນ.

ຮອດເວລາ 3 ໂມງເຊົ້າ,ຂອງວັນທີ່ 11 ກຸມພາ 2022 ນາງ ນ້ອຍຈຶ່ງໄດ້ຕັດສິນໃຈເປີດ ມຸ້ງເຂົ້າໄປ ແລ້ວໃຊ້ມິດທີ່ກຽມມາພ້ອມພັນໃສ່ຫົວຂອງ ນາງ ວັນ ຈຳນວນ ຫຼາຍບາດເພື່ອຫວັງເອົາຊີວິດ ແຕ່ຜູ້ເປັນຜົວ ນາງ ນ້ອຍ ແມ່ນໄດ້ລຸກຂື້້ນມາຍາດເອົາມິດນຳ ນາງ ນ້ອຍ ແລ້ວຈຶ່ງໄດ້ໃຊ້ມິດພັນໃສ່ຫົວ 2 ບາດ. ຈາກນັ້ນ ທ້າວດາວອນ ຈຶ່ງຮ້ອງຂໍຄວາມຊ່ວຍເຫຼືອ ນາງ ນ້ອຍ ທາງປ່າຫັຼງເຮືອນ ພ້ອມທັ້ງໂຍນມິດທີ່ໃຊ້ກໍ່ເຫດຖີ້ມແລ້ວເອົາຕົວຫຼົບໜີ, ມາຮອດເວລາ 6:00ໂມງ ຂອງວັນດຽວກັນ ຖືກຈັບຕົວໄດ້.