ສຸດຍອດຄູ່ແຟດ ຈາກນິຣະຖາວອນ ຮັກສາແຊ້ມນັກຮຽນເກັ່ງຈາກ ມ4ສູ່ ມ7 ຢ່າງສວຍງາມ

ສຸດຍອດຄູ່ແຟດ ຈາກນິຣະຖາວອນ ຮັກສາແຊ້ມນັກຮຽນເກັ່ງຈາກ ມ4ສູ່ ມ7 ຢ່າງສວຍງາມ

23rd April 2022 0 By Education

ຖ້າຜູ້ໃດຕິດຕາມການສອບເສັງນັກຮຽນເກັ່ງກໍ່ຈະຮູ້ວ່າ ໃນການເສັງນັກຮຽນເກັ່ງລະດັບຊາດຄັ້ງຫຼ້າສຸດກໍ່ຄື ປີ 2018-2019 ຜ່ານມາ ມີຄູ່ຝາແຟດທີ່ໄດ້ຫຼຽນຄຳທັງສອງຄົນສຳລັບການວັດຄວາມຮູ້ໃນຊັ້ນ ມ4 ໂດຍແຝດຍິງໄດ້ທີ1 ພາສາລາວ-ວັນນະຄະດີ, ສ່ວນແຝດຊາຍໄດ້ຫຼຽນຄຳວິຊາຄະນິດສາດ.

ໃນຕອນນັ້ນ ທັງສອງກໍ່ໃຫ້ສັນຍາກັບຕົນເອງວ່າຢາກຈະທົດລອງວັດຄວາມເຂົ້າໃຈເລື່ອງການຮຽນອີກໃນຊັ້ນ ມ7 ເຊິ່ງປີນີ້ຍັງບໍ່ທັນເສັງລະດັບຊາດ, ແຕ່ຂັ້ນນະຄອນຫຼວງ ແຝດຍິງໄດ້ທີ1 ສາຍເກົ່າກໍ່ຄືພາສາລາວວັນນະຄະດີ, ແຝດຊາຍແມ່ນປ່ຽນສາຍຈາກຄະນິດໄປເສັງຟີຊິກ ແລະໄດ້ທີ2 ໃນວິຊາຟີຊິກຂອງນະຄອນຫຼວງໄປຄອງໄດ້ສຳເລັດ.

ເຊິ່ງວ່າໃນປີນັ້ນ ຄົນທຳອິດ ແມ່ນນາງ ພອນໄພລັກ ໄຊນະນະ ນັກຮຽນເກັ່ງຫຼຽນຄຳສາຍພາສາລາວ-ວັນນະຄະດີ ເສັງນັກຮຽນເກັ່ງລະດັບຊາດໄດ້ຄະແນນເຖິງ 7,85, ຄົນທີ 2 ແມ່ນ ທ້າວ ມັກມີຜົນ ໄຊຊະນະ ນັກຮຽນເກັ່ງວິຊາ ຄະນິດສາດ ໄດ້ສ້າງຄະແນນໄວ້ທີ່ 9,25. ເຊິ່ງເລື່ອງນີ້ກໍ່ໄດ້ສ້າງສຽງຊື່ນຊົມໄດ້ຢ່າງໜ້າພາກພູມໃຈແກ່ໂຮງຮຽນ ແລະພໍ່ແມ່ຂອງນ້ອງທັງສອງ.

ເຊິ່ງນ້ອງຝາແຝດທັງສອງ ພາຍຫຼັງຄວ້າຫຼຽນຄຳໃນປີ 2019 ໄດ້ຕັ້ງໃຈເຝິກຝົນ ຫຼໍ່ຫຼອມຕົນເອງ ມາໂດຍຕະຫຼອດ ຈົນຫຼ້າສຸດນີ້ ທັງສອງກໍ່ຍັງສາມາດຄວ້າລາງວັນ ນັກຮຽນເກັ່ງຂັ້ນນະຄອນຫຼວງວຽງຈັນໄປໄດ້ອີກ ທັງສອງຂອງຄົນໃນຊັ້ນ ມ7 ໃນປະຈຳສົກຮຽນ 2021-2022.

ທັງສອງແມ່ນຮຽນຢູ່ທີ່ໂຮງຮຽນມສ ວິຣະຖາວອນ ເຊິ່ງຄັ້ງນີ້ ຜູ້ທຳອິດ ນາງ ພອນໄພລັກ ໄຊຊະນະ ແມ່ນສາມາດຄວ້າ ອັນດັບ 1 ນັກຮຽນເກັ່ງ ວິຊາ ພາສາລາວ-ວັນນະຄະດີ ແລະ ຜູ້ທີສອງ ທ້າວ ມັກມີພົນ ໄຊຊະນະ ແມ່ນສາມາດຄວ້າ ອັບດັບທີ 2 ນັກຮຽນເກັ່ງວິຊາ ຟີຊິກສາດ ເຊິ່ງຖືວ່າຮັກສາມາດຕະຖານນັກຮຽນເກັ່ງໄວ້ໄດ້ ແລະ ບົ່ງບອກໄດ້ວ່າທັງສອງເປັນຄູ່ແຝດທີ່ຮຽນເກັ່ງໂດຍແທ້.


ຈາກຜົນງານທີ່ສ້າງມານ້ອງແຝດແມ່ນຮູ້ສຶກພູມໃຈໃນໂຕເອງ ທີ່ໄດ້ເປັນໂຕແທນຂອງໂຮງຮຽນ ເຂົ້າສອບເສັງນັກຮຽນເກັ່ງທົ່ວນະຄອນຫຼວງວຽງຈັນໃນຄັ້ງນີ້ ແລະ ດີໃຈທີ່ຕົນເອງໄດ້ບຸກບືນມາແລ້ວເຮັດມັນອອກມາດີທີ່ສາມາດຄວ້າລາງວັນມາໄດ້.

ສຳລັບເທັກນິກໃນການຮຽນແມ່ນມີການແບ່ງເວລາໃຫ້ເໝາະສົມ, ຕັ້ງໃຈຮຽນອັນໃດທີ່ບໍ່ເຂົ້າໃຈກໍ່ຖາມຄູອາຈານ ແລະ ບໍ່ໃຫ້ຢູ່ແຕ່ໃນຕຳລາຕ້ອງຄົ້ນຄວ້າເພີ່ມຕື່ມ ອັນສຳຄັນຄືຕ້ອງຕັ້ງເປົ້າໝາຍໃຫ້ຕົນເອງວ່າຢາກຈະເປັນນັກຮຽນເກັ່ງໃຫ້ໄດ້ ແລະ ມື້ໜຶ່ງຕ້ອງສຳເລັດ ເພາະເຊື່ອວ່າຄົນເຮົາຖ້າເຮົາມີຄວາມຢາກໄດ້ ຢາກເປັນ ມັນກໍ່ຈະເປັນແນວທາງຈູງໃຈໃຫ້ໄປຈົນເຖິງຈຸດໝາຍທີ່ຕັ້ງໄວ້.

ເຊິ່ງຝາກແຝດທັງສອງຄົນ ແມ່ນລູກສິດຂອງໂຮງຮຽນນິຣະດາ ຈອມເພັດ ເມືອງສີສັດຕະນາກ ນະຄອນຫຼວງວຽງຈັນ ຫຼື ໂຮງຮຽນ ວິຣະຖາວອນ ໃນປະຈຸບັນ