ພົບຊິ້ນສ່ວນເລົາຄີງເທວະຮູບ, ແທນໂຍນີ ທີ່ແຂວງຈໍາປາສັກ

ພົບຊິ້ນສ່ວນເລົາຄີງເທວະຮູບ, ແທນໂຍນີ ທີ່ແຂວງຈໍາປາສັກ

26th April 2022 0 By Entertain

ພົບຊິ້ນສ່ວນເລົາຄີງເທວະຮູບ, ແທນໂຍນີ ແລະ ຊິ້ນສ່ວນຂອງວັດຖູບູຮານ ຢູ່ສະຖານຕີນພູເຫຼັກ ບ້ານ ຫ້ວຍນາ ເມືອງຈຳປາສັກ ແຂວງຈຳປາສັກ


ທ່ານ ປອ ທອງລິດ ຫຼວງໂຄດ ຫົວໜ້າກອງບູຮານວິທະຍາ ກົມມໍລະດົກ ກະຊວງຖະແຫຼງຂ່າວ-ວັດທະນະທຳແລະທ່ອງທຽ່ວ,ພ້ອມດ້ວຍທ່ານ ແດນນຽວ ດາວັນພອດ ນັກບູຮານວິທະຍາ ຄົນອ໋ອດສະເຕຼເດຍ, ແລະ ທ່ານ ດຣ ຈັນ ( Dr chun yagun) ທີ່ໄດ້ລົງສຳຫຼອດຄົ້ນຄົ້ວ ແລະ ພົບເຫັນຊິ້ນສ່ວນເລົາຄີງເທວະຮູບ,ແທນໂຍນີ ແລະ ຊິ້ນສ່ວນວັດຖູບູຮານຢູ່ແຖບຕີນພູເຫຼັກເຂດບ້ານຫ້ວຍນາ ເມືອງຈຳປາສັກ
ໂດຍໄດ້ສົມທົບກັບການຈັດຕັ້ງຂອງບ້ານ ເພື່ອນຳເອົາຊິ້ນສ່ວນເລົາຄີງເທວະຮູບ,ແທນໂຍນີ ແລະ ຊິ້ນສ່ວນວັດຖູບູຮານທີ່ພົບເຫັນ ແລະ ໄດ້ນຳມາມອບໃຫ້ຫ້ອງການມໍລະດົກໂລກວັດພູຈຳປາສັກເກັບຮັກສາໄວ້,ເພື່ອການສຳຫຼອດ ແລະ ຂື້ນທະບຽນໄວ້ ແລະ ເກັບຮັກສາໄວ້ ຫໍພິພິດທະພັນມໍລະດົກໂລກວັດພູຈຳປາສັກ, ຈາກການສັນນິຖານ ຂອງຊິ້ນສ່ວນເລົາຄີງເທວະຮູບນັ້້ນ ສັນນີຖານໄດ້ 2ຢ່າງຄື:


1,ອາດຈະແມ່ນ ເລົາຄີງເກາະສະຫຼັກຫີນຊາຍຂອງພະວິສະນຸ, !? 2, ອາດຈະແມ່ນເລົາຄີງເກາະສະຫຼັກຫີນຊາຍຂອງພະຊີວະ,!? ການມອບໃນຄັ້ງນີ້ແມ່ນການມອບໂດຍຊ້ອງໜ້າກັນກັບຫຼາຍພາກສ່ວນ ລະຫ່ວາງ ທ່ານ ປອ ທອງລິດ ຫຼວງໂຄດ ຫົວໜ້າກອງບູຮານວິທະຍາ ກົມມໍລະດົກ ກະຊວງຖະແຫຼງຂ່າວ-ວັດທະນະທຳ ແລະທ່ອງທຽ່ວ, ທ່ານ ອຳພົນແສງພະຈັນຫົວໜ້າຫ້ອງການມໍລະດົກໂລກວັດພູຈໍາປາສັກ,


ທ່ານ ບຸນມາກ ສາຍທອງ ຮັກສາການ ຫົວໜ້າຫ້ອງການຖະແຫຼງຂ່າວວັດທະນະທຳແລະທ່ອງທ່ຽວເມືອງຈຳປາສັກ, Dr chun yagun ຫົວໜ້າໂຄງການຮ່ວມມືລາວ-ເກົາຫຼີ ບູລະນະປະຕິສັງຂອນໂຮງນາງສີດາ,ແລະ ທ່ານ ແດນນຽວ ນັກບູຮານວິທະຍາຄົນອ໋ອດສະເຕຼເດຍ, ແລະ ນັກວິຊາການຕ່າງໆເຂົ້າຮ່ວມເປັນສັກຂີພິຍານໃນການມອບເກັບຮັກສາ ຄຸ້ມຄອງ,ວາງສະແດງ, ພ້ອມທັງລາຍງານຕໍ່ຂັ້ນເທິງເພື່ອຮັບຊາບ ແລະ ຂໍທິດຊີ້ນຳໃນຂັ້ນຕໍ່ໄປ.,

.
ຈາກ: medialaos, ສື່ມວນຊົນແຂວງຈຳປາສັກ, ຂ່າວ-ພາບ ໄຊຍະສິດ ສີຫາວົງ ຖວທເມືອງຈຳປາສັກ.