ກຽມເປີດປະເທດ ແບບບໍ່ເຄີຍມີໂຄວິດ ເສດຖະກິດດີ, ແຕ່ຕ້ອງມີສະຕິໃຫ້ການໃຊ້ຊີວິດ

ກຽມເປີດປະເທດ ແບບບໍ່ເຄີຍມີໂຄວິດ ເສດຖະກິດດີ, ແຕ່ຕ້ອງມີສະຕິໃຫ້ການໃຊ້ຊີວິດ

26th April 2022 0 By Education

ຕອນນີ້ເອີ້ນວ່າທຸກຊີວິດມາເຖິງຂີດຕັນສຸດແລ້ວ ຫຼາຍທຸລະກິດຍັງບໍ່ສາມາດຟື້ນຕົວໄດ້ ຍ້ອນປະເທດເຮົາບໍ່ທັນເປີດຢ່າງເຕັມຮູບແບບ ການເຂົ້າມາຂອງຕ່າງປະເທດສູ່ ສປປ ລາວ ຍັງບໍຂໍ້ກັງຂາຫຼາຍຢ່າງ ອັນຳຄັນຄືມາດຕະການດ້ານໂຄວິດ.

ຂະນະທີ່ບາງປະເທດໃນຂົງເຂດອາຊີເຮົາແມ່ນເລີ່ມເປີດຢ່າງເຕັມຮູບແບບ ປະຊາຊົນແມ່ນມີການອອກເຄື່ອນໄຫວຢ່າງຄັບຄັ່ງຄືກັນກັບຕອນນັ້ນທີ່ຍັງບໍ່ທັນມີຫຍັງເກີດຂຶ້ນກໍ່ຄືບໍ່ທັນມີການລະບາດຂອງພະຍາດອັກເສບປອດ ໂຄວິດ-19.

ອີງຕາມທິດຊີ້ນຳຂອງທ່ານ ຮອງນາຍົກລັດຖະມົນຕີ, ໃນວັນທີ 26 ເມສາ 2022 ກະຊວງ ຖວທ ໄດ້ສົມທົບກັບພາກສ່ວນກ່ຽວຂ້ອງທັງພາກລັດ ແລະ ພາກທຸລະກິດຈັດກອງປະຊຸມເພຶ່ອປຶກສາຫາລືກ່ຽວກັບບັນດາເງຶ່ອນໄຂ ແລະ ມາດຕະການຕ່າງໆ ໃນການກະກຽມເປີດປະເທດແບບເຕັມຮູບແບບໃນຕົ້ນເດືອນພຶດສະພາ 2022 ນີ້.


ການເປີດປະເທດແບບເຕັມຮູບແບບນີ້ແມ່ນຈະເປັນສ່ວນໜຶ່ງໃນການກະຕຸ້ນການທ່ອງທ່ຽວ ແລະ ປະກອບສ່ວນເຂົ້າໃນການແກ້ໄຂບັນຫາຫຍຸ້ງຍາກທາງດ້ານເສດຖະກິດຂອງປະເທດ, ປະກອບສ່ວນເຂົ້າໃນການສ້າງວຽກເຮັດງານທຳ ແລະ ກະຈາຍລາຍໄດ້ສູ່ປະຊາຊົນທ້ອງຖິ່ນ.


👉🏻ການເປີດປະເທດແບບເຕັມຮູບແບບນີ້ໝາຍຄວາມວ່າ ທຸກຄົນສາມາດເຂົ້າ ສປປ ລາວ ໄດ້ຄືກັບຕອນຍັງບໍ່ມີໂຄວິດ ໃນທຸກດ່ານສາກົນທົ່ວປະເທດ ແຕ່ຈະມີບາງເງື່ອນໄຂເພຶ່ອຄວາມຮັບປະກັນຄື ໄດ້ສັກວັກຊີນຄົບໂດສ, ມີໃບຢັ້ງຢືນກວດໂຄວິດກ່ອນເດີນທາງ ກໍສາມາດເດີນທາງເຂົ້າມາໄດ້ໂດຍບໍ່ຕ້ອງກັກໂຕ.


(ລາຍລະອຽດຈະມີບົດແນະນຳຢ່າງເປັນທາງການໃນໄວໆນີ້).