ນາຍົກອິຕາລີ ເຜີຍວ່າຢູໂຣບ ສາມາດຫຼຸດການເພິ່ງພາພະລັງງານຈາກຣັດເຊຍໄດ້ໄວກວ່າທີ່ຄິດໄວ້

ນາຍົກອິຕາລີ ເຜີຍວ່າຢູໂຣບ ສາມາດຫຼຸດການເພິ່ງພາພະລັງງານຈາກຣັດເຊຍໄດ້ໄວກວ່າທີ່ຄິດໄວ້

28th April 2022 0 By Admin

ນາຍົກ ອິຕາລີ ເຜີຍວ່າ ຢູໂຣບ ສາມາດຫຼຸດການເພິ່ງພາພະລັງງານຈາກຣັດເຊຍໄດ້ໄວກວ່າທີ່ຄິດໄວ້ ຂະນະທີ່ຜົນສຳຫຼວດໃນເຢຍລະມັນພົບວ່າຊາວເຢຍລະມັນຈຳນວນຫຼາຍກັງວົນເລື່ອງການໃຊ້ມາດຕະການຂວ້າມບາດຕໍ່ພະລັງງານຣັດເຊຍ.


ສຳນັກຂ່າວ Bloomberg ລາຍງານວ່າ: ທ່ານ ມາຣິໂອ ຄຣາກີ ນາຍົກລັດຖະມົນຕີອິຕາລີລະບຸວ່າຢູໂຣບ ສາມາດຫຼຸດການເພິ່ງພາພະລັງງານຈາກຣັດເຊຍໄດ້ໄວກວ່າທີ່ຄາດ ຫຼັງການຫາແຫຼ່ງພະລັງງານໃຫ້ຫຼາກຫຼາຍຂຶ້ນນັ້ນເປັນໄປໄດ້ ແລະ ໄວຂຶ້ນກວ່າທີ່ຢູໂຣບເຄີຍຄາດໄວ້ໃນເດືອນຜ່ານມາ.


ນາຍົກອິຕາລີ ເຜີຍຂໍ້ມູນນີ້ ຫຼັງບັນລຸຂໍ້ຕົກລົງເພີ່ມການນຳເຂົ້າກາສຈາກແອລຈີເຣຍ ໂດຍເຂົາກ່າວວ່າ ຕອນນີ້ຢູໂຣບມີກາສໃນຄັງ ແລະຈະມີກາສໃໝ່ ມາຈາກປະເທດອື່ນໆດັ່ງນັ້ນຜົນກະທົບຈາກມາດຕະການຂວ້າມບາດຈະບໍ່ແຮງ.


ທັງນີ້ອິຕາລີ ນຳເຂົ້າກາສຈາກຣັດເຊຍ40% ຂອງກາສທີ່ໃຊ້ທັງໝົດ ແລະ ຄຣາກີ ໄດ້ເບິ່ງຫາແຫຼ່ງພະລັງງານໃໝ່ ແທນທີ່ຣັດເຊຍ.
ຂະນະທີສຳນັກຂ່າວRT ລາຍງານວ່າ ຜົນສຳຫຼວດມູນນິທິອີອອນ ທີ່ສຳຫຼວດຄວາມເຫັນຊາວເຢຍລະມັນ10.000ຄົນ ຊາວເຢຍລະມັນທີ່ຕອບປະມານ71% ລະບຸວ່າ ພວກເຂົາກັງວົນວ່າມາດຕະການຂວ້າມບາດໃໝ່ຕໍ່ຣັດເຊຍຈະສົ່ງຜົນກະທົບທີ່ຍາວນານຕໍ່ເສດຖະກິດ ເຢຍລະມັນ ແຕ່ສ່ວນໃຫຍ່ກໍຍັງເບິ່ງວ່າການລົງໂທດທາງເສດຖະກິດ ນັ້ນເປັນສິ່ງຈຳເປັນ.