ເຈົ້າແຂວງຫົວພັນ ພົບປະ ໂອລົມ ພະນັກງານນັກຮົບ ໂຮງຮຽນການທະຫານທ້ອງຖິ່ນ ແຂວງຫົວພັນ

ເຈົ້າແຂວງຫົວພັນ ພົບປະ ໂອລົມ ພະນັກງານນັກຮົບ ໂຮງຮຽນການທະຫານທ້ອງຖິ່ນ ແຂວງຫົວພັນ

28th April 2022 0 By Admin

ຕອນເຊົ້າ ວັນທີ 27 ເມສາ 2022 ນີ້. ທ່ານ ວັນໄຊ ແພງຊຸມມາ ກໍາມະການ ສູນກາງພັກ ເລຂາພັກແຂວງ ເຈົ້າແຂວງ ປະທານຄະນະກໍາມະການ ປ້ອງກັນຊາດປ້ອງກັນຄວາມສະຫງົບ ແຂວງຫົວພັນ,ໄດ້ລົງພົບປະໂອລົມຄະນະພັກ,ພະນັກງານນັກຮົບກອງກຳລັງໂຮງຮຽນການທະຫານທ່ອງຖິ່ນແຂວງຢູ່ທີ່ເດີນໂຮງຮຽນດັ່ງກ່າວໂດຍມີ ສະຫາຍ ພັນເອກ ຄຳເມືອງ ໂຄດເມືອງຄູນ ຄະນະພັກກອງບັນຊາການ ຫົວໜ້າ ຮອງເສນາທິການທະຫານແຂວງຫົວພັນ,ມີຄະນະພັກ ຄະນະນຳ ພະນັກງານ ນັກຮົບ, ນັກຮຽນ ກອງກຳລັງພາຍໃນໂຮງຮຽນເຂົ້າຮ່ວມ.


ພາຍຫຼັງ ທ່ານ ເຈົ້າແຂວງ ໄດ້ຮັບຟັງການລາຍງານສະພາບການເຄື່ອນໄຫວຈັດຕັ້ງປະຕິບັດວຽກງານຮ້ອບດ້ານ ຂອງກອງກໍາລັງໂຮງຮຽນ ເປັນຕົ້ນ ແມ່ນ ການຮຽນການສອນ ໃນໄລຍະຜ່ານມາ ຈາກຄະນະພັກ ຄະນໍາ ໂຮງຮຽນ ໂດຍໄດ້ຍົກໃຫ້ເຫັນດ້ານດີຜົນງານ,ຜົນສຳເລັດໃນການຈັດຕັ້ງປະຕິບັດວຽກງານ ແລະ ດ້ານຄົງຄ້າງທີ່ຈະຕ້ອງໄດ້ສືບຕໍ່ປັບປຸງແກ້ໄຂ ພ້ອມທັງນໍາສະເໜີບາງບົດຮຽນທີ່ສໍາຄັນຂອງວຽກງານ ປ້ອງກັນຊາດ ປ້ອງກັນຄວາມສະຫງົບ ພາຍໃນໂຮງຮຽນ ເພື່ອຂໍທິດຊີ້ນໍາໃນການແກ້ໄຂໃນຕໍ່ໜ້າ.

ຈາກນັ້ນ ທ່ານ ວັນໄຊ ແພງຊຸມມາ ກໍາມະການສູນກາງພັກ ເລຂາພັກແຂວງ ເຈົ້າແຂວງ ປະທານ ຄະນະກໍາມະການ ປ້ອງກັນຊາດ ປ້ອງກັນຄວາມສະຫງົບແຂວງ ກໍ່ໄດ້ ມີຄໍາເຫັນໂອ້ລົມ ໂດຍໄດ້ສະແດງຄວາມຍ້ອງຍໍ້ຊົມເຊີຍ ຕໍ່ຜົນງານ, ຜົນສຳເລັດທີ່ຄະພັກ ຄະນະນໍາພະນັກງານນັກຮົບກອງກໍາລັງ ຄູອາຈານ, ນັກຮຽນ ທີ່ໄດ້ພ້ອມກັນເອົາໃຈໃສ່ ຍາດມາໄດ້ໃນໄລຍະຜ່ານມາ ແລະ ໄດ້ເໜັ້ນໜັກໃຫ້ຄະນະນໍາໂຮງຮຽນຄູອາຈານ, ນັກຮຽນໃນທັນແຖ້ວຂອງກອງກໍາລັງ ແຕ່ລະຂັ້ນຕ້ອງ ເອົາໃຈໃສ່ ປະຕິບັດຂໍ້ກໍານົດກົດລະບຽບເປັນຕົ້ນແມ່ນ 7 ລະບອບ 18 ວຽກໃນມື້ໜື່ງຂອງກອງທັບວາງອອກໃຫ້ເຂັ້ມງວດ.


ຂ່າວ-ພາບ: ເລີດໄຊຍະເດດ