ຕອນບ່າຍ ວັນທີ 28 ເມສາ ເກີດພາຍຸຝົນຕົກຫນັກ ລົມແຮງເຮັດໃຫ້ລະບົບຕາຂ່າຍໄຟຟ້າ ແຂວງສະຫວັນນະເຂດ ເສຍຫາຍຫລາຍເມືອງ

ຕອນບ່າຍ ວັນທີ 28 ເມສາ ເກີດພາຍຸຝົນຕົກຫນັກ ລົມແຮງເຮັດໃຫ້ລະບົບຕາຂ່າຍໄຟຟ້າ ແຂວງສະຫວັນນະເຂດ ເສຍຫາຍຫລາຍເມືອງ

28th April 2022 0 By Admin

ສາຂາລັດວິສາຫະກິດໄຟຟ້າລາວ ແຂວງສະຫວັນນະເຂດລາຍງານວ່າ:  ໃນຕອນບ່າຍ ວັນທີ 28/04/2022 ໄດ້ເກີດເຫດພາຍຸຝົນຕົກຫນັກ ຟ້າຮ້ອງຟ້າເຫລື້ອມ ແລະ ລົມພັດແຮງ ເປັນເຫດເຮັດໃຫ້ລະບົບຕາຂ່າຍໄຟຟ້າເສຍຫາຍຫລາຍເມືອງ.

ເປັນຕົ້ນບ້ານໂພນຊາຍ ນະຄອນໄກສອນພົມວິຫານ ແຂວງສະຫວັນນະເຂດ ເສົ້າໄຟຟ້າແຮງຕ່ຳ ຂະຫນາດ 08 ແມັດຫັກ 1 ຕົ້ນ.

ບ້ານຕະແບງ ຫາ ບ້ານໂນນໄຊ ເມືອງພີນ ລະບົບຕາຂ່າຍ 22 Kv ເສຍຫາຍ ເສົາໄຟຟ້າຂະຫນາດ 12 ແມັດ ລົ້ມ 1 ຕົ້ນ ແລະ ຫັກ 2 ຕົ້ນ. ແລະ ອີກຫລາຍເມືອງໄດ້ຮັບຜົນກະທົບໄຟຕົກມອດໃນຊ່ວງເວລາພາຍຸພັດຜ່ານ.

.

ທາງຄະນະສາຂາ ຟຟລ.ສຂ ໄດ້ຊີ້ນຳວິຊາການໄຟຟ້າ ເຖິງຫ້ອງການຄຸ້ມຄອງລະບົບ ແລະ ຫ້ອງການວາງແຜນລະບົບ ຕະຫລອດຮອດສູນບໍລິການເມືອງທີ່ຖືກຜົນກະທົບ ໃຫ້ອອກແກ້ໄຂສ້ອມແປງຢ່າງຮີບດ່ວນທັນທີ ເພື່ອໃຫ້ທັນສະພາຍການ ແລະ ສະຫນອງກະແສໄຟຟ້າໃຫ້ປະຊາຊົນໃນເຂດດັ່ງກ່າວ ໃຫ້ໄດ້ຊົມໃຊ້ໄຟຟ້າຢ່າງໄວທີ່ສຸດ.