ປ​ະ​ທາ​ນາ​ທິ​ບໍ​ດີ ຣັດ​ເຊຍ ຖະ​ແຫຼງ ໂຕ້​ຕອບ​ຕໍ່​ທຸກການ​ກະ​ທຳ​ແຊກ​ແຊງ​ຈາກ​ພາຍນອກ​​ເຂົ້າ ຢູ​ເຄນ

ປ​ະ​ທາ​ນາ​ທິ​ບໍ​ດີ ຣັດ​ເຊຍ ຖະ​ແຫຼງ ໂຕ້​ຕອບ​ຕໍ່​ທຸກການ​ກະ​ທຳ​ແຊກ​ແຊງ​ຈາກ​ພາຍນອກ​​ເຂົ້າ ຢູ​ເຄນ

29th April 2022 0 By Admin

VOV ລາຍງານວ່າ: ຣັດເຊຍ ຈະມີການກະທຳໂຕ້ຕອບຢ່າງວ່ອງໄວ ຖ້າວ່າມີປະເທດໃດໜຶ່ງແຊກແຊງເຂົ້າສະພາບການຢູ່ ຢູເຄນ ໃນປັດຈຸບັນ. ນີ້ແມ່ນຄຳຖະແຫຼງຂອງທ່ານປະທານາທິບໍດີ ຣັດເຊຍ ວະລາດີເມຍ ປູຕິນ ເມື່ອກ່າວຄຳເຫັນຢູ່ຕໍ່ໜ້ານັກສ້າງກົດໝາຍຂອງປະເທດນີ້ຢູ່ St Petersburg ໃນວັນທີ 27 ເມສາ.

ທ່ານປະທານາທິບໍດີ ປູຕິນ ເນັ້ນໜັກວ່າ ບໍ່ວ່າປະເທດໃດມີຈຸດປະສົງແຊກແຊງເຂົ້າສະພາບການຂອງ ຢູເຄນ ໃນປັດຈຸບັນ, ພວກເຂົາຄວນເຂົ້າໃຈວ່າ ເຂົາເຈົ້າຈະກໍ່ໄພນາບຂູ່ທີ່ມີລັກສະນະຍຸດທະສາດ ເຊິ່ງຣັດເຊຍ ບໍ່ສາມາດຍອມຮັບໄດ້. ສະນັ້ນ, ເຂົາເຈົ້າຄວນເຂົ້າໃຈວ່າ ຣັດເຊຍ ຈະມີການໂຕ້ຕອບຢ່າງວ່ອງໄວ.

ໃນກອງປະຊຸມດັ່ງກ່າວ, ທ່ານ ປູຕິນ ກໍຖະແຫຼງວ່າ ຈະໂຕ້ຕອບທຸກຄວາມມານະພະຍາຍາມ ທີ່ແນໃສ່ປິດລ້ອມປະເທດນີ້ ເມື່ອຖືວ່າ ສະກຸນເງິນຣູເບິລ, ລະບົບທະນາຄານ, ຂົງເຂດຂົນສົ່ງ ແລະ ພື້ນຖານເສດຖະກິດເວົ້າລວມ ກຳລັງຕ້ານຄືນບັນດາມາດຕະການລົງໂທດທີ່ແນໃສ່ ມົດສະກູ.