ສຸດຍອດໄອເດຍ! ດັດແປງລົດປ້ອງກັນໂຄວິດ-19 ກ່ອນໄປຮັບລູກຊາຍທີ່ເດີນທາງມາຈາກອີຕາລີ

ສຸດຍອດໄອເດຍ! ດັດແປງລົດປ້ອງກັນໂຄວິດ-19 ກ່ອນໄປຮັບລູກຊາຍທີ່ເດີນທາງມາຈາກອີຕາລີ

14th March 2020 0 By Education

ມີຂຶ້ນມາທຸກຮູບແບບສໍາລັບວິທີການປ້ອງກັນຕົນເອງຈາກເຊື້ອໂຄວິດ-19 ເມືອເຮົາຕ້ອງມີກາ່ນໃກ້ຊິດກັບບຸກຄົນທີ່ເດີນທາງມາຈາກເຂດທີ່ມີການລະບາດ, ເຊິ່ງຜ່ານມາທີ່ປາກົດເຫັນແມ່ນການໃຊ້ຜ້າປິດປາກ-ດັງ ເປັນສ່ວນຫຼາຍ, ແຕກຕ່າງກັບຜູ້ຊາຍຄົນນີ້ ທີ່ດັດແປງລົດຍົນຕາມແບຂອງຕົນເອງກ່ອນເດີນທາງໄປຮັບລູກຊາຍທີ່ເດີນທາງມາຈາກອີຕາລີ ເຊິ່ງຕອນນີ້ປະເທດັ່ງກ່າວມີການລະບາດຮຸນແຮງຫຼາຍ.

ເລື່ອງລາວດັ່ງກ່າວແມ່ນເກີດຂຶ້ນທີ່ປະເທດໄທ ໃນວັນທີ 10 ມີນາ 2020 ທີ່ຜ່ານມາ ເມື່ອຜູ້ເປັນພໍ່ແມ່ຕ້ອງເດີນທາງຈາກພິດສະນຸໂລກ ໄປຫາ ສະໜາມບິນສຸວັນນະພູມ ເພື່ອຮັບລູກຊາຍທີ່ເປັນນັກຮຽນແລກປ່ຽນໄທ-ອີຕາລີ ເຊິ່ງເປັນປະເທດທີ່ມີການລະບາດຂອງໂຄວິດ-19 ຢ່າງໜັກ ຮອງຈາກຈີນ ໄດ້ດັດແປງລົດຂອງລາວດ້ວຍການໃຊ້ຜ້າຢາງມາຂັ້ນກາງລະຫວ່າງຫ້ອງຄົນຂັບເອງ ກັບ 2ເບາະຫຼັງ ແລະ ນໍາໃຊ້ທໍ່ທີ່ມີຂະໜາດກ້ວາງໃນການແບ່ງປັນແອລົດໃຫ້ລູກສາວ.

ບໍ່ພຽງເທົ່ານັ້ນ ໃນການເດີນທາງກັບບ້ານຈະບໍ່ມີການແວະພັກກາງທາງ ແມ້ແຕ່ອາຫານກໍກຽມໄວ້ໃຫ້ລູກກິນຢູ່ເບາະຫຼັງຕ່າງຫາກ ຫາກຈໍາເປັນແມ່ນແວະເຂົ້າຫ້ອງນໍ້າໄດ້ເທົ່ານັ້ນ ເມື່ອກັບຮອດເຮືອນກໍ່ແຍກລູກອອກໄປກັກຕົວກ່ອນ 14ວັນ ແລະ ປະຕິບັດຕາມຄໍາແນະນໍາຂອງແພດໝໍຢ່າງເຄັ່ງຄັດ.

ນັບວ່າເປັນໄອເດຍໃໝ່ ທີ່ເຫັນແລ້ວຕ້ອງຊົມເຊີຍ ແລະ ອົດຍິ້ມບໍ່ໄດ້ ຕໍຄວາມຄິດສ້າງສັນຂອງຄອບຄົວນີ້

ທີ່ມາ: https://mgronline.com/