ເຢຍລະມັນເຕືອນ ໃຫ້ຜູ້ບໍລິໂພກ-ພາກທຸລະກິດ ກຽມຮັບມືກັບລາຄາພະລັງງານເພີ່ມສູງຂຶ້ນ

ເຢຍລະມັນເຕືອນ ໃຫ້ຜູ້ບໍລິໂພກ-ພາກທຸລະກິດ ກຽມຮັບມືກັບລາຄາພະລັງງານເພີ່ມສູງຂຶ້ນ

5th May 2022 0 By Admin

ສຳນັກຂ່າວຕ່າງປະເທດລາຍງານວ່າ ທ່ານ ໂຣເບີດ ຮາເບັກ ລັດຖະມົນຕີກະຊວງເສດຖະກິດຂອງເຢຍລະມັນ ເຕືອນວ່າ ບັນດາຜູ້ບໍລິໂພກ ແລະ ບໍລິສັດຕ່າງໆ ຈົ່ງກຽມຄວາມພ້ອມ ເພື່ອຮັບມືກັບລາຄາພະລັງງານທີ່ເພີ່ມສູງຂຶ້ນໄປອີກນານ.


ລັດຖະມົນຕີກະຊວງເສດຖະກິດຂອງເຢຍລະມັນ ກ່າວໃນກອງປະຊຸມຮ່ວມລະຫວ່າງພາກລັດ ແລະ ພາກທຸລະກິດຂະໜາດນ້ອຍ ແລະ ກາງ ວ່າ ມາດຕະການໃຫ້ຄວາມຊ່ວຍເຫຼືອດ້ານເສດຖະກິດຂອງລັດຖະບານນັ້ນ ສາມາດຊ່ວຍໄດ້ໃນລະດັບໜຶ່ງເທົ່ານັ້ນ ແຕ່ບໍ່ສາມາດບັນເທົາຜົນກະທົບຈາກລາຄາພະລັງງານທີ່ເພີ່ມສູງຂຶ້ນໄດ້ໃນຂະນະນີ້ ພ້ອມທັງລະບຸວ່າ ນີ້ເປັນຄວາມຈິງທີ່ແສນເຈັບປວດ ສຳລັບຊາວເຢຍລະມັນ.


ທັງນີ້ ມາດຕະການຊ່ວຍເຫຼືອພາກທຸລະກິດໃນເຢຍລະມັນປະກອບມີ ໂຄງການເງິນກູ້ຜ່ານ KfW ເຊິ່ງເປັນທະນາຄານເພື່ອການພັດທະນາຂອງລັດຖະບານເຢຍລະມັນ ເຊັ່ນດຽວກັນກັບເງິນອຸດໜູນດ້ານພະລັງງານ ໂດຍພາຍໃຕ້ມາດຕະການດັ່ງກ່າວ ຈະມີຫົວໜ່ວຍທຸລະກິດປະມານ 40.000 ແຫ່ງຈະໄດ້ຮັບເງິນອຸດໜູນດ້ານພະລັງງານຈາກລັດຖະບານ.