ປະທານສະພາປະຊາຊົນແຂວງສະຫວັນນະເຂດ ມອບຄອມພີວເຕີໃຫ້ຈຸດສຸມຈຽງຕູບ ເມືອງເຊໂປນ

ປະທານສະພາປະຊາຊົນແຂວງສະຫວັນນະເຂດ ມອບຄອມພີວເຕີໃຫ້ຈຸດສຸມຈຽງຕູບ ເມືອງເຊໂປນ

6th May 2022 0 By Admin

ໃນລະຫວ່າງວັນທີ 28 ຫາ 30 ເມສາ 2022 ນີ້້, ທ່ານ ກົງແກ້ວ ມີວໍລະຈັກ ປະທານສະພາປະຊາຊົນແຂວງສະຫວັນນະເຂດ ຮ່ວມກັບ ທ່ານ ປອ. ຄໍາເຜີຍ ຜັນທະຈອນ ອະດີດ ປະທານສະພາປະຊາຊົນແຂວງສະຫວັນນະເຂດ ຊຸດທີ I ພ້ອມຄະນະ ໄດ້ລົງເຄື່ອນໄຫວມອບເຄື່ອງ ຢູ່ຈຸດສຸມຈຽງຕູບ ເມືອງເຊໂປນ ໂດຍການຕ້ອນຮັບຂອງທ່ານ ສົມບັດ ອິດທະວົງ ຄະນະປະຈຳພັກເມືອງ ຮອງເຈົ້າເມືອງເຊໂປນ ພ້ອມຄະນະ, ມີບັນດາທ່ານ ສສຂ ປະຈຳເຂດເລືອກຕັ້ງເມືອງເຊໂປນ ຕະຫຼອດຮອດອໍານາດການປົກຄອງຂອງຈຸດສຸມຈຽງຕູບ ໃຫ້ການຕ້ອນຮັບຢ່າງອົບອຸ່ນ.


ເຄື່ອງທີ່ນຳມາມອບໃນຄັ້ງນີ້ປະກອບມີ: ຄອມພີວເຕີຕັ້ງໂຕະ 01 ຊຸດ ແລະ ເຄື່ອງປິນເຕີ 01 ໜ່ວຍ ພ້ອມດ້ວຍ ເຄື່ອງບໍລິໂພກຈຳນວນໜຶ່ງ ລວມມູນຄ່າ 5 ລ້ານກວ່າກີບ. ກ່າວມອບໂດຍທ່ານ ກົງແກ້ວ ມີວໍລະຈັກ ຮອງເລຂາພັກແຂວງ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 13, ປະທານສະພາປະຊາຊົນແຂວງໆສະຫວັນນະເຂດ ກ່າວຮັບ ໂດຍທ່ານ ພັທ ບຸນນຸ໋ຍ ໄຊຍະລາດ ຫົວໜ້າກອງຮ້ອຍປະຕິບັດງານ 219 ຈຸດສຸມຈຽງຕູບ ເຊິ່ງທ່ານ ພັທ ບຸນນຸ໋ຍ ໄຊຍະລາດ ກໍໄດ້ສະແດງຄວາມຂອບອົກຂອບໃຈ ທີ່ທ່ານປະທານສະພາປະຊາຊົນແຂວງ ໄດ້ມາມອບເຄື່ອງໃນຄັ້ງນີ້ ແລະ ຈະນໍາໃຊ້ເຄື່ອງດັ່ງກ່າວ ເຂົ້າໃນວຽກງານໃຫ້ເກີດປະໂຫຍດສູງສຸດ.

ເຄື່ອງທີ່ນໍາມາມອບແມ່ນໄດ້ຮັບການອຸປະຖໍາຈາກ ພະແນກພະລັງງານ ແລະ ບໍແຮ່ແຂວງ ແລະ ໃນໂອກາດການລົງເຄື່ອງໄຫວໃນຄັ້ງນີ້, ທາງຄະນະ ຍັງໄດ້ຮັບຟັງການລາຍງານການຈັດຕັ້ງປະຕິບັດໜ້າທີ່ວຽກງານ ໃນໄລຍະຜ່ານມາ ຂອງຈຸດສຸມຈຽງຕູບ ນອກຈານນີ້ ຍັງໄດ້ລົງສຳຫຼອດເສັ້ນທາງຕັດໃໝ່ ແລະ ພົບປະຢ້ຽມຢາມພໍ່ແມ່ປະຊາຊົນ ຢູ່ບ້ານຕະປ໋ອງ, ບ້ານລູສະເລ່ຍ ຕື່ມອີກ.