ໜ້າຫ່ວງ! ໄທ ປະເທດໃກ້ຄຽງລາວເຮົາ ມີຜູ້ຕິດເຊຶ້ອໂຄວິດ-19 ເພີ່ມຂຶ້ນອີກ 32ຄົນ

ໜ້າຫ່ວງ! ໄທ ປະເທດໃກ້ຄຽງລາວເຮົາ ມີຜູ້ຕິດເຊຶ້ອໂຄວິດ-19 ເພີ່ມຂຶ້ນອີກ 32ຄົນ

16th March 2020 0 By Education

ຕໍ່ກັບສະພາບການລະບາດຂອງເຊື້ອໄວຣັດໂຄວິດ-19 ທີ່ກໍາລັງລຸກລາມຢ່າງແຮງຢູ່ຫຼາຍປະເທດໃນທົ່ວໂລກ ໂດຍສະເພາະແມ່ນອີຕາລີ ເຊິ່ງມີການລະບາດຮຸນແຮງຂຶ້ນນັບມື້ ຂະນະທີ່ຈີນປະເທດທີ່ພົບການລະບາດເປັນປະເທດທໍາອິດ ສະພາບການເລີ່ມດີຂຶ້ນ ແລະ ກຽມພ້ອມປະກາດໄຊຊະນະໃນການຕໍ່ສູ້ກັບເຊື້ອພະຍາດດັ່ງກ່າວ. ເວົ້າລວມ ເວົ້າສະເພາະ ປະເທດທີ່ຢູ່ໃກ້ຄຽງກັບປະເທດເຮົາ(ໄທ) ກໍ່ເລີ່ມມີຜູ້ຕິດເຊື້ອເພີ່ມຂຶ້ນເລື້ອຍໆ ລາຍງານຫຼ້າສຸດ ວັນທີ 16 ມີນາ 2020 ມີຜູ້ຕິດເຊື້ອເພີ່ມຂຶ້ນອີກ 32ຄົນ ເຊິ່ງສ່ວນໃຫຍ່ແມ່ນຜູ້ທີ່ທ່ອງທ່ຽວຢູ່ສະຖານບັນເທີງຕ່າງໆ.

ອີງຕາມຂໍ້ມູນຈາກ ໄທລັດທີວີ ໄດ້ເປີດເຜີຍຕົວເລກກ່ຽວກັບຜູ້ຕິດເຊື້ອໂຄວິດ-19 ໃນວັນທີ 1ຼ ມີນາ 2020 ວ່າ: ປັດຈຸບັນ ໄທມີຜູ້ຕິດເຊື້ອໂຄວິດ-19 ເພີ່ມຂຶ້ນ ຈໍານວນ 32ລາຍ ເຊິ່ງສ່ວນໃຫຍ່ແມ່ນຕິດມາຈາກການໄປທ່ອງທ່ຽວສະຖານບັນເທີງ, ສະໜາມມວຍ ໂດຍມີຜູ້ຕິດເຊື້ອມາຈາກສະຖານບັນເທີງ 7 ລາຍ, ມີປະຫວັດເຂົ້າສະໜາມມວຍ 9ລາຍ, ມີປະຫວັດສໍາຜັດກັບນັກທ່ອງທ່ຽວ 3ລາຍ, ເດີນທາງມາຈາກຕ່າງປະເທດ 7ລາຍ ໃນນັ້ນເປັນຄົນຕ່າງຊາດ 2ລາຍ, ມີພະນັກງານເດີນທາງໄປເບິ່ງວຽກຢູ່ສະເປນມາ 1ລາຍ, ມີຄົນທີ່ໄປສໍາຜັດກັບເຈົ້າຂອງຮ້ານອາຫານທີ່ຕິດເຊື້ອມາແລ້ວ 2ລາຍ, ຢູ່ໃນຂັ້ນຕອນການສອບສວນໂລກ 3ລາຍ.

ສະຫຼຸບແລ້ວ ໄທມີຜູ້ປ່ວຍນເພີ່ມຂຶ້ນ 32ລາຍ, ລໍຖ້າການຢືນຢັນຜົນກວດ 51ລາຍ ລວມແລ້ວ ຍອດສະສົມຜູ້ຕິດເຊື້ອທັງໝົດ 11ລາຍ, ນອກຈາກນີ້ ຕອນເຊົ້າມື້ນີ້ກໍ່ມີຄົນໄທທີ່ເດີນທາງມາຈາກອີຕາລີອີກ 80ກວ່າຄົນ ເຊິ່ງຕອນນີ້ພວມກັກຕົວຢູ່ ສັດຕະຮີບ.

ທີ່ມາ: ໄທລັດ