ລີເດຍບໍ່ລອດ! ຕິດເຊື້ອໂຄວິດ-19 ຕາມແມັດທິວ ຫ່ວງລູກ ອີກ 2ຄົນ ຢ້ານຕິດເຊື້ອນໍາ

ລີເດຍບໍ່ລອດ! ຕິດເຊື້ອໂຄວິດ-19 ຕາມແມັດທິວ ຫ່ວງລູກ ອີກ 2ຄົນ ຢ້ານຕິດເຊື້ອນໍາ

16th March 2020 0 By Education

ກ່ອນໜ້ານີ້ ໜຸ່ມແມັດທິວ ດີນ ດາລາ, ພິທີກອນຊື່ດັງຂອງປະເທດໄທ ສາມີລີເດຍ ສະລັນລັດ ນັກຮ້ອງດີວ່າຂອງເມືອງໄທ ໄດ້ອອກມາປະກາດຜ່ານໄອຈີສ່ວນຕົວວ່າຕົນເອງຕິດເຊື້ອໂຄວິດ-19 ແລະ ແຈ້ງໃຫ້ໝູ່ເພື່ອນໃກ້ຊິດ ລວມທັງຄອບຄົວ ໂດຍສະເພາະແມ່ນສາວລີເດຍຜູ້ເປັນເມຍກວດຫາເຊື້ອພະຍາດດັ່ງກ່າວໂດຍດ່ວນ, ຫຼ້າສຸດ ລີເດຍອອກມາປະກາດຜ່ານໄອຈີ ວ່າຕົນເອງຕິດເຊື້ອໂຄວິດ-19 ສ່ວນລູກທັງສອງແມ່ຍັງຢູ່ໃນສະພາບປົກກະຕິ ວິງວອນຂໍໃຫ້ລູກປອດໄພ ຢ່າຕິດເຊື້ອພະຍາດນີ້ເລີຍ.

ອີງຕາມການລາຍງານຂອງສື່ໄທລັດ ໃນວັນທີ 16 ມີນາ 2020 ທີ່ອອກມາໂພສພາບສາວລີເດຍ ພ້ອມຂໍ້ຄວາມລະບຸວ່າສາວລີເດຍຕິດເຊື້ອພະຍາດໂຄວິດ-19 ແລ້ວ ຫຼັງຈາກທີ່ຜູ້ເປັນສາມີ ປະກາດວ່າຕິດເຊື້ອໂຄວິດ-19 ເຮັດໃຫ້ທຸກຄົນທີ່ຢູ່ໃກ້ຊິດ ຕ້ອງເລັ່ງກວດຫາເຊື້ອໂດຍດ່ວນ ແລະ ກັກຕົວຢ່າງໜ້ອຍເປັນເວລາ 14ວັນ.

ທັງນີ້, ສິ່ງທີ່ໜ້າຫ່ວງຕໍ່ຈາກນີ້ ແມ່ນລູກທັງ 2ຄົນຂອງແມັດທິວ ແລະ ລີເດຍ ເຊິ່ງຍັງເປັນເດັກນ້ອຍຢູ່ ທີ່ໃຊ້ຊີວິດຢູ່ກັບພໍ່ແມ່ທຸກມື້ຢ່າງໃກ້ຊິດ ອາດຕິດເຊື້ອຈາກພວກເຂົາ ເນື່ອງຈາກເດັກນ້ອຍແມ່ນຈັດຢູ່ໃນກຸ່ມສ່ຽງທີ່ສຸດໃນການຕິດເຊື້ອພະຍາດນີ້. ແນວໃດກໍ່ຕາມແອັດມິນຂໍເປັນກໍາລັງໃຈໃຫ້ຄອບຄົວນີ້ ສູ້ກັບໂລກຮ້າຍ ຮັກສາໃຫ້ຫາຍດີ ແລະ ກັບມາສ້າງຮອຍຍິ້ມໃຫ້ກັບແຟນຄຣັບໄດ້ໂດຍໄວ.