ປະຊາຊົນບໍ່ເອົານຳ! ຜົນສຳຫຼວດຊີ້ ຄົນອອສເຕຣຍ ຄັດຄ້ານເຂົ້າຮ່ວມນາໂຕ້-ຮັບຢູເຄນເປັນສະມາຊິກອີຢູ

ປະຊາຊົນບໍ່ເອົານຳ! ຜົນສຳຫຼວດຊີ້ ຄົນອອສເຕຣຍ ຄັດຄ້ານເຂົ້າຮ່ວມນາໂຕ້-ຮັບຢູເຄນເປັນສະມາຊິກອີຢູ

10th May 2022 0 By Admin

ຊາວອອສເຕຣຍ ສ່ວນໃຫຍ່ຄັດຄ້ານການເຂົ້າເປັນສະມາຊິກນາໂຕ້ແລະບໍ່ເຫັນດີກັບການຮັບຢູເຄນເປັນສະມາຊິກອີຢູ ທ່າມກາງຄວາມຂັດແຍ່ງລະຫວ່າງຄ໊ຽບກັບມອສໂຄ ຈາກຜົນສຳຫຼວງຄວາມຄິດເຫັນທີ່ເຜີຍແຜ່ເມື່ອບໍ່ດົນມານີ້.

ຜົນສຳຫຼວດທີ່ຈັດເຮັດໂດຍສະຖາບັນສຳຫຼວດຄວາມຄິດເຫັນແລະວິເຄາະຂໍ້ມູນຂອງວຽນນາ ເມື່ອຊ່ວງຕົ້ນເດືອນແລະເຜີຍແຜ່ໂດຍສຳນັກຂ່າວອອສເຕຣຍເພຣສ ເອເຈນຊີພົບວ່າ 75%ຂອງຜູ້ຕອບແບບສອບຖາມມີຄວາມຄິດເຫັນໃນທາງລົບ ເມື່ອຖືກຖາມວ່າປະເທດຂອງເຂົາຄວນເຂົ້າຮ່ວມນາໂຕ້ຫລືບໍ່? ແລະ ມີພຽງ14%ເທົ່ານັ້ນທີ່ຢາກໃຫ້ເປັນແບບນັ້ນ.

 

ໃນການສອບຖາມຄວາມຄິດເຫັນຂອງປະຊາຊົນຊາວອອສເຕຣຍ1.000 ຄົນ ພົບວ່າ ມີ50%ທີ່ເຊື່ອວ່າຄວາມເປັນກາງຂອງອອສເຕຣຍ ມອບການປົກປ່ອງທີ່ພຽງພໍແລ້ວຕໍ່ໄພຄຸກຄາມຈາກພາຍນອກ ແຕ່40%ບໍ່ເຫັນນຳມູມມອງດັ່ງກ່າວ. ຢ່າງໃດກໍຕາມມີຜູ້ຕອບແບບສອບຖາມຫຼາຍເຖິງ83%ທີ່ຢາກໃຫ້ບັນດາປະເທດສະມາຊິກອີຢູ ຍົກລະດັບຄວາມຮ່ວມມືດ້ານນະໂຍບາຍຄວາມໝັ້ນຄົງແລະປ້ອງກັນຕົນເອງໃຫ້ໃກ້ຊິດຫຼາຍຂຶ້ນ.

ເມື່ອຖືກຖາມວ່າຄວນເປີດທາງໃຫ້ຢູເຄນເຂົ້າຮ່ວມເປັນສະມາຂິກອີຢູຫລືບໍ່? ຜົນສຳຫຼວດຄວາມຄິດເຫັນພົບວ່າມີ46%ທີ່ຄັດຄ້ານການເຂົ້າຮ່ວມຂອງຄ໊ຽບ, ສ່ວນອີກ38%ບົງຊີ້ວ່າພວກເຮົາຈະສະໜັບສະໜູນ.

ຫວນກັບໄປໃນປີ1955 ຕາມຫຼັງການຖອຍຕົວຈາກກອງກຳລັງພັນທະມິດ ອອສເຕຣຍ ປະກາດຕົນເອງໃນຖານະປະເທດເປັນກາງຢ່າງຖາວອນ ເຖິງວ່າມີຊາຍແດນຕິດກັບປະເທດສະມາຊິກນາໂຕ້ຫຼາຍປະເທດ ແຕ່ອອສເຕຣຍ ຫລີກລ່ຽງເຂົ້າຮ່ວມພັນທະມິດທະຫານຕະຫຼອດຊ່ວງສົງຄາມເຢັນ ແລະ ອີກຫຼາຍປີຫຼັງຈາກນັ້ນ.

 

ແຕ່ສະວີເດັນ ແລະ ຟິນແລນ 2 ຊາດສະຫະພາບຢູໂຣບ ທີ່ເຄີບປະກາດຕົນໃນຖານະປະເທດເປັນກາງ ເມື່ອບໍ່ດົນມານີ້ໄດ້ຖະແຫຼງແຜນຈະເຂົາຮ່ວມນາໂຕ້ຫຼັງກໍລະນີຣັດເຊຍບຸກຢູເຄນ ແລະ ຈາກຜົນສຳຫຼວດຄວາມຄິດເຫັນຂອງປະຊາຊົນພົບວ່າ ສຽງສ່ວນໃຫຍ່ທັງໃນຟິນແລນ ແລະສະວີເດັນເວລານີ້ຕ້ອງການໃຫ້ປະເທດເຂົ້າເປັນສະມາຊິກນາໂຕ້