ຕື່ມນໍ້າມັນເຂົ້າໄປຕໍ່ເນື່ອງ! ປະທານາທິບໍດີສະຫະລັດອາເມຣິກາ ເຊັນຮັບຮອງ “ກົດໝາຍວ່າດ້ວຍການໃຫ້ຢືມເຊົ່າສະບັບໃໝ່” ຕໍ່ຢູເຄນ

ຕື່ມນໍ້າມັນເຂົ້າໄປຕໍ່ເນື່ອງ! ປະທານາທິບໍດີສະຫະລັດອາເມຣິກາ ເຊັນຮັບຮອງ “ກົດໝາຍວ່າດ້ວຍການໃຫ້ຢືມເຊົ່າສະບັບໃໝ່” ຕໍ່ຢູເຄນ

11th May 2022 0 By Admin

ຕາມຂ່າວຊີອາໄອ ລາຍງານວ່າ: ເພື່ອສະໜອງອາວຸດໃຫ້ແກ່ຢູເຄນໂດຍໄວ ແລະ ບໍ່ມີຂີດຈຳກັດ, ວັນທີ 9 ພຶດສະພານີ້ ທ່ານໂຈ ໄບເດັນ ປະທານາທິບໍດີສະຫະລັດອາເມຣິກາໄດ້ເຊັນຮັບຮອງກົດໝາຍວ່າດ້ວຍການໃຫ້ຢືມເຊົ່າສະບັບໜຶ່ງ ເພື່ອສະໜັບສະໜູນຢູເຄນໃນການປ້ອງກັນປະເທດ.


ອີງຕາມກົດໝາຍສະບັບນີ້, ປະທານາທິບໍດີອາເມຣິກາສາມາດມອບສິດໃຫ້ລັດຖະບານອາເມຣິກາເຊົ່າ ຫຼື ຢືມວັດສະດຸປ້ອງກັນປະເທດໃຫ້ແກ່ລັດຖະບານຢູເຄນ ໃນສົກການເງິນປີ 2022 ແລະ 2023 ເຊິ່ງມີຈຸດປະສົງເລັ່ງລັດການຂົນສົ່ງອາວຸດໄປໃຫ້ຢູເຄນ ແລະ ບໍ່ໄດ້ຈຳກັດປະເພດຂອງອາວຸດ.

ແຕ່ວ່າ, ກົດໝາຍວ່າດ້ວຍການໃຫ້ຢືມເຊົ່າຈະບໍ່ແມ່ນຮູບການຊ່ວຍເຫຼືອລ້າ, ຢຸເຄນຈະຕ້ອງໄດ້ຈ່າຍຄ່າເຊົ່າຢືມໃຫ້ແກ່ອາເມຣິກາຕາມທີ່ລະບຸໄວ້ໃນກົດໝາຍສະບັບນີ້, ແຕ່ຢູເຄນຈະບໍ່ມີຄວາມສາມາດໃນການຈ່າຍຄ່າເຊົ່າຢືມໃນປັດຈຸບັນ, ຄາດວ່າ, ຢູເຄນຈະແກ່ຍາວເວລາໃນການຈ່າຍຄ່າໃຊ້ຈ່າຍເຫຼົ່ານີ້.