ເຕືອນ! ເກັບກັກນ້ຳມັນໃສ່ຕຸກລະວັງໝົດຕູບເດີ້ເພິ່ນວ່າ

ເຕືອນ! ເກັບກັກນ້ຳມັນໃສ່ຕຸກລະວັງໝົດຕູບເດີ້ເພິ່ນວ່າ

12th May 2022 0 By Education

ບູຮານວ່າໄວ້ ໂຈນເຂົ້າເຮືອນ 10 ເທື່ອບໍ່ເທົ່າໄຟໄໝ້ເຮືອນພຽງຄັ້ງດຽວ ຍິ່ງຖ້າເປັນວັດຖຸໄວໄຟຍິ່ງບໍ່ຄວນເກັບໄປໄວ້ໃນເຮືອນ ຫຼື ໃນລົດ ເພື່ອຫາຍະນະຢູ່ໃກ້ຕົວທຸກວິນາທີ ຕິດໄຟຂຶ້ນມາເທື່ອໃດຢ້ານເອົາບໍ່ທັນ.


ເຊິ່ງຊ່ວງນີ້ມັກມີພໍ່ແມ່ປະຊາຊົນໄປຊື້ນ້ຳມັນໃສ່ຕຸກ ເພື່ອມາຂາຍຕໍ່ໃນລາຄາທີ່ມີກຳໄລນັ້ນແລນໍ ອັນນີ້ເປັນໂອກາດໃນຍາມວິກິດ ເຂົ້າໃຈຢູ່ແຕ່ກໍບໍສະໜັບສະໜູນໃຫ້ເຮັດ ເພາະຢ່າງໜ້ອຍຖ້ານ້ຳມນັທີ່ເອົາໄປຂາຍນັ້ນປະໄວ້ຢູ່ປ້ຳກໍສາມາດແຈກຢາຍໃຫ້ຕັ້ງຫຼາຍຄົນ.

ຫຼ້າສຸດນີ້ເຈົ້າໜ້າທີ່ ປກສ ນະຄອນຫຼວງວຽງຈັນ ໄດ້ເຕືອນມາຍັງພໍ່ແມ່ປະຊາຊົນ ຜູ້ທີ່ນໍາເອົານໍາມັນ ມາຂາຍຊະຊາຍ ແລະ ຊື້ນໍາມັນ ໄປກັກຕຸນໄວ້ ແມ່ນມີຄວາມສ່ຽງສູງ ຕໍ່ການເກີດອັກຄີໄພ, ເຊິ່ງໃນໄລຍະຜ່ານມາ ກໍມີເຫດການເກີດຂຶ້ນມາແລ້ວ.


ພັທ ຄໍາເພັດ ດາລາວົງ ຫົວໜ້າພະແນກຕໍາຫຼວດສະກັດກັ້ນ ແລະ ຕ້ານອັກຄີໄພ ປກສ ນວ ໃຫ້ຂໍ້ມູນວ່າ: ການນໍາເອົານໍ້າມັນເຊື້ອໄຟມາໃສ່ຕຸກ ເພື່ອວາງຂາຍ ຕະຫຼອດຮອດກັກຕຸນນໍ້າມັນໄວ້ເຮືອນ ແມ່ນມີຄວາມສ່ຽງສູງ ທີ່ຈະເກີດອັກຄີໄພໄດ້ງ່າຍ ໂດຍສະເພາະອຸປະກອນ ເກັບນໍ້າມັນ ຖ້າບໍ່ມີຄຸນນະພາບອາດມີການຫົດຕົວ, ການນໍາໄປໄວ້ບ່ອນບໍ່ມີອາກາດຖ່າຍເທ, ບ່ອນທີ່ເປັນຄວາມຮ້ອນ ຫຼື ໃນສະພາບອາກາດຮ້ອນອົບເອົ້າ ໃນກໍລະນີ ມີອາຍແກັສ ຫຼື ມີປະກາດໄຟ ຢູ່ຈູດໃກ້ຄຽງ ແມ່ນສາມາດ ກໍ່ໃຫ້ເກີດປະກາຍໄຟຢ່າງໄວວາ.


ຕໍ່ກັບການແກ້ໄຂບັນຫາຂາຍນໍ້າມັນຊະຊາຍ ຢູ່ໃນນະຄອນຫຼວງວຽງຈັນ ພາກສ່ວນກ່ຽວຂ້ອງກໍໄດ້ແຕ່ງຕັ້ງໜ່ວຍງານສະເພາະກິດ ເພື່ອເຄື່ອນໄຫວໃຫ້ຄວາມຮູ້ ແລະ ຕັກເຕືອນ ຜູ້ຂາຍຂາຍໃຫ້ຢຸດເຊົາ; ຢ່າງໃດກໍດີ ເຈົ້າໜ້າທີ່ຝາກເຕືອນມາຍັງຜູ້ຂາຍນໍ້າມັນຊະຊາຍ ຕ້ອງຄໍານຶງເຖິງຜົນປະໂຫຍດສ່ວນລວມ ນອກຈາກບໍ່ຖືກຕ້ອງຕາມລະບຽບແລ້ວ ຍັງຈະມີຄວາມສ່ຽງກໍໃຫ້ເກີດອັກຄີໄພຂັ້ນຮ້າຍແຮງໄດ້.