ກອງປະຊຸມສຸກເສີນ ຄະນະມົນຕີຄວາມໝັ້ນຄົງ ສະຫະປະຊາຊາດ ໂຕ້ກັນດຸເດືອດ ລະຫວ່າງ ສະຫະລັດກັບ ຈີນແລະຣັດເຊຍ ໂດຍສະຫະລັດຕ້ອງການໃຫ້ເພີ່ມການຂວ້າມບາດເກົາຫຼີເໜືອ ແຕ່ຈີນແລະຣັດເຊຍຕ້ອງການໃຫ້ຫຼຸດການຂວ້າມບາດລົງ

ກອງປະຊຸມສຸກເສີນ ຄະນະມົນຕີຄວາມໝັ້ນຄົງ ສະຫະປະຊາຊາດ ໂຕ້ກັນດຸເດືອດ ລະຫວ່າງ ສະຫະລັດກັບ ຈີນແລະຣັດເຊຍ ໂດຍສະຫະລັດຕ້ອງການໃຫ້ເພີ່ມການຂວ້າມບາດເກົາຫຼີເໜືອ ແຕ່ຈີນແລະຣັດເຊຍຕ້ອງການໃຫ້ຫຼຸດການຂວ້າມບາດລົງ

12th May 2022 0 By Admin

ຄະນະມົນຕີຄວາມໝັ້ນຄົງ ສະຫະປະຊາຊາດ(ຢູເອັນ) ປະຊຸມສຸກເສິນໃນວັນທີ 11 ພຶດສະພາ 2022 ຫາລືຫຼຸດຄວາມເຄັງຕຶງສະຖານະການເກົາຫຼີເໜືອ ຫຼັງການທົດລອງລູກສອນໄຟຄັ້ງລ່າສຸດ ແຕ່ເກີດການປະທະກັນລະຫວ່າງ ສະຫະລັດກັບ ຈີນແລະຣັດເຊຍ. ໂດຍສະຫະລັດຕ້ອງການໃຫ້ເພີ່ມມາດຕະການຂວ້າມບາດເກົາຫຼີເໜືອ ແຕ່ຈີນແລະຣັດເຊຍຕ້ອງການໃຫ້ຫຼຸດການຂວ້າມບາດ.


ທ່ານ ລິນດາ ໂທມັສກຣີນຟິລ ທູດສະຫະລັດອາເມຣິກາ ປະຈຳສະຫະປະຊາຊາດຄັດຄ້ານຮ່າງມະຕິຄະນະມົນຕີຄວາມໝັ້ນຄົງ ທີ່ຮ່າງໂດຍຈີນກັບຣັດເຊຍ ໃຫ້ຫຼຸດການຂວ້າມບາດເກົາຫຼີເໜືອ ຫຼັງຈາກເກົາຫຼີເໜືອຖືຂວ້າມບາດມາເກືອບ20ປີແລ້ວ.

 

ທູດສະຫະລັດປະຈຳຢູເອັນ ກ່າວວ່າ: ການກະທຳຂອງ2 ຊາດສະມາຊິກມົນຕີຄວາມໝັ້ນຄົງ ທີ່ລະບຸວ່າການໃຊ້ການອົດກັ້ນຂອງຄະນະມົນຕີຈະກະຕຸ້ນໃຫ້ເກົາຫຼີເໜືອຢຸດເພີ່ມຄວາມເຄັງຕຶງ ແລະ ຫັນກັບສູ່ະ ເຈລະນາແທນນັ້ນ ເປັນທີ່ປະຈັກຈະແຈ້ງແລ້ວວ່າຄວາມງຽບແລະຄວາມອົດກັ້ນໃຊ້ບໍ່ໄດ້ຜົນ.ເຖິງເວລາແລ້ວທີ່ຕ້ອງເພີ່ມມາດຕະການຂວ້າມບາດເກົາຫຼີເໜືອຫາກບໍ່ແມ່ນຫຼຸດການຂວ້າມບາດ. ພ້ອມເຕືອນວ່າເຮົາບໍ່ອາດລໍໃຫ້ເກົາຫຼີເໜືອກະທຳການຍົ້ວຍຸເພີ່ມໄປກວ່ານີ້.


ແຕ່ທ່ານ ຈາງຈວິນ ທູດຈີນ ປະຈຳຢູເອັນ ກ່າວໂຕ້ວ່າຮ່າງມະຕິທີ່ຮ່າງໂດຍອາເມຣິກາ ບໍ່ແມ່ນວິທີມທີ່ເໝາະສົມໃນການຈັດການສະຖານະການປັດຈຸບັນຂອງກໍລະນີເກົາຫຼີເໜືອ ນ່າເສຍໃຈຢ່າງຍິ່ງທີ່ສະຫະລັດອາເມຣິກາເຮັດເປັນຕາບອດ ຕໍ່ຂໍ້ສະເໜີທີ່ສົມເຫດສົມຜົນຂອງຈີນ ແລະ ປະເທດສະມາຊິກອື່ນໆ ໃນຄະນະມົນຕີຄວາມໝັ້ນຄົງ ແລະ ຍັງຫຼົງງົມງວາຍຢູ່ກັບບາດຕະການຂວ້າມບາດ ທີ່ສະຫະລັດຄິດວ່າເປັນສິ່ງທີ່ມີອຳນາດວິເສດ.

ດ້ານ ທ່ານແອນນາ ອິຟສະຕິກນີວາ ຮອງທູດຣັດເຊຍປະຈຳຢູເອັນກ່າວວ່າ: ຮ່າງມະຕິຄະນະມົນຕີຄວາມໝັ້ນຄົງ ທີ່ຮ່າງໂດຍຣັດເຊຍກັບຈີນ ເພື່ອຜ່ອນຄານມາດຕະການຂວ້າມບາດເກົາຫຼີເໜືຶອຍັງຄົງຢູ່ເທິງໂຕະເຈລະນາແລະ ສາມາດກະຕຸ້ນໃຫ້ທຸກຝ່າຍທີ່ກ່ຽວຂ້ອງເລັ່ງເພີ່ມຄວາມພະຍາຍາມໃນການເຈລະຈາ.

ຕະຫຼອດເວລາທີ່ຜ່ານມາ ຈິນແລະຣັດເຊຍ ພະຍາຍາມຊຸກດັນໃຫ້ຢູເອັນຜ່ອນຄາຍມາດຕະການຂວ້າມບາດເກົາຫຼີເໜືອ ໂດຍລະບຸດ້ານມະນຸດສະທຳ ແຕ່ສະຫະລັດ ຕ້ອງການໃຫ້ຄະນະມົນຕີິຄວາມໝັ້ນຄົງລົງມະຕິໃນເດືອນພຶດສະພານີ້ ຮັບຮ່າງມະຕີທີ່ຮ່າງໂດຍສະຫະຣັດ ເພື່ອເພີ່ມການຂວ້າມບາດເກົາຫຼີເໜືອເພີ່ມ.